¹ Bate te bi ubara ne ara'i ararua tara anirante tiba nimirerabe. " Bainti bano kia nahenti barairaba, bo'a bata ko'ehama a'i umina bainara." ² Bira nanare, aba'ara hika bano nata batiara ia okara'a obarai ibairabe, mintiboma bainti bohau bohau bano nai nata bataro, nahenti bohau bohau bano bata nai baati bataire ³ Bainti bano nai nata batake baitaina bira homa baibo, nahenti bano bata nai bati batake baitaina bira homa baibo, mintira bikahanta kia naihanta baata raba'uate. ⁴ Nahenti bano kima nai baata nai ra'iki taibo, kiabe, bira bati banoma ra'iki taibo. Boha ariroma baibo, bainti bano bata kiama nai baata nai ra'iki taibo, kiabe, bira nata banoma ra'iki taibo. ⁵ Bika hanta baitare iha kia nai hanta baata raba'uate, bika hanta boha arara bate bo enta piri nai niarai abiha bariate, bika hanta boha arara bate nunabu ti entaba bata bariaire. Nanatiara bika hanta baiteha baata tatauruate. Bira nanare, Sataba baata antu a'atama ni aba anarobe. ⁶ Iboma bi ubara te tuna, kia lo bo'ara ne abatate tiabe, Kiabe ne nenta antu'ama abatate. ⁷ Ti antu'abe eka bainti ti anarabi ubara baria terabe. Iboma Kotiba bo'ari bo'ari paresentira bohau bohau bainti nimi baibo, bo bainti bano bo'ari paresentira baraibo bo bainti bano bo'ari paresentira baraibo. ⁸ Ubara bainti bano bata nahenti bira bati bano utu binara te bikara mintima turo, ko'ehama kia bika nata bati iraiti boha'arabi tinta bo'ara baibarabe. ⁹ Mintira bika kia ho'ake nai antu'a ra'ikireka ibera, ko'ehama bika nahenti barate, auri bika arara bano nata batiara ia okarara uri himpua torabe. ¹⁰ Bate bainti nahenti bati'a buaka, ma lo rama nimuro, kia te aube, nai Nora banoma tibo, nahenti bano kiama nai bati a'ira kaire. ¹¹ Iro biba nai bati a'ira kairera, biba kia bo bainti baraire,o biba umpo'a kero nai bati bano inaini anirante buaire. Bainti bano kia nai nata a'ira kaire. ¹² Bate te eka ni tiba nimirebe, iro bo ata bakaba tabae kia mara'ura utina nahentira bara tairo nahenti bano bikanti baireba uahairera, kia biba bi nahentira a'ira kaire. ¹³ Nahenti bano karaitira'a kia mara'ura utina baintira baratairo, bi baintiba bi nahenti kantiro baire birera, kia nahenti bano kia bi baintira a'ira kaire. ¹⁴ Bainti bano kia mara'ura utirera, kiama biba nai nata batake tatau bibo, bi okarara biba taku'uma bibo, nahenti bano kia mara'ura utirairo ata baka kanti tatau birera, mintira, bika hanta baintiti Kotira abu'a kiama kirin abi baibarabe, iboma bate bika taku'u bima bariabo. ¹⁵ Mintiro bainti bano o nahenti bano kia Kotira'a mara'ura utirera, bi bainti nahentiba a'iarake bireba irera, a'ira kairo buaire, Bira nanare, bi ata bakabae o aura nakabae kiama bika u'a uba tiba tara'a rumpabi bariabo. Kotiba ni araira iha'ara auha batake ko'ebi bariate tirobe. ¹⁶ Nahenti bano are kaha'iroma ai bati bano Norai anianoe o kiae? ¹⁷ A'irake ne bohau bohau nana mara'ura'a ne bariabo Nora bano niara bariate tina bira'a bariate, Kotiba ni araina teke. Maa bira ti lo bano eka mono nabu'ima buana robe. ¹⁸ Bo bainti baata to'aiba Kotiba mara'ura ututaira'a araiba bairera? Kia biba baata to'a kaina bara'u kuke'aire. Bo bainti baibo kia baata to'aiba Kotiba mara'ura ututaira'a bitaiba? Kia biba nai baata to'aire. ¹⁹ Baata to'erae o kiae baata to'era kia bira nora hikaube. Ibaroma Kotira lo abataina birama norahikabe. ²⁰ Bohau bohau bano ara inara'a bariaire, biba baibaro Kotiba mara'ura ututaira'a bira arirabe. ²¹ Ne umina kai'a bainti bariabo Kotiba ni arairabe? Kia bihakarara norai'ake iriate. Iboma are firi'a bireba irera, bira mintiane. ²² Bainti tarae Nora bano umina kai'a bainti bariaire tiro arairaba, biba Nora firi bainti'ama bibo. Boha ariroma baibo, bira firi bainti bano araina iriro mara'ura utirera, bate biba Karaitira umina kai'a bainti'ama bibo. ²³ Kotiba ni nora ko'a nohairo ko'ai'a taikabe, mintira ne kia bainti umina kai'a bainti bariate. ²⁴ Ata bakauka aura nakaukabe, nana mara'ura'ae tenabu bohau bohau bariairo Kotiba tinabu arero bira abatate ti'e, tenabu bi mara urara'a Kotira batake bariare. ²⁵ Taukae kia nata bati'iaka ubabe, Kia ma bi ubara Nora bano timiaube, iboma te tenta irahika Nora a'uri haka batake ni tiba nimirerabe, bika mintiake tiara, te tuna bira u'abe. ²⁶ Te mintiakema iruro, bira nanare, mara bano anibaira, bia ko'ehama bainti bano bate bainante biro bariaire. ²⁷ Are nata bati'a birera? Kia are nahenti a'ira karebaka ara rantane. Are kia nahenti bararai tira a'i bairera? Kia nahenti barareba ranta'i nuane. ²⁸ Are nata bati'a birera, are kia kumiauma mintiaro. Nahenti bano kia nata bati'irai tiro biba nata bati'irera, kia biba kumiauma mintibo. Iboma taukae nata bati'iaka bika a'i mara'ura baiha airu marama bare baibarabe, te ni kaha irerabe. ²⁹ Iboma te biubara turo, bate abo entama baibo, taukae nahenti bataika bika baireka kia nahenti bataika bo'ara bariate. ³⁰ Taukae i'i ratebaika bika kia i'i rataika bo'ara bariate, taukae uahe baika, bika kia uahaika bo'ara bariate, taukae ekahika bataika, bika kia ekahika bataina bo'ara bariate. ³¹ Taukae bainti nahenti ma batarai hainauka hampata uba tatauri baika, bika baireka kia bikara hampata uba tatauriha bainteke bariate, bira nanare ma batarai haina okara bano auman takama tai'a narobe. ³² Te niara airu irahi bare bai okarara a'irake umina bairiate turo. Bainti bano kia nahenti baraiba biba Nora kai'a barareba bo'akeroma uahana robe, bira nanare bohika bano kiama biba Kotira abataina'a kubai ianarobe. ³³ Iroma nata bati'a bira baintiba bo'a keroma batai haina hikakara iri barianobe, bira nanare, biba bo'akeroma bainti naheti ra'i kiainara iri bariano ³⁴ bira iriahika bano tarau tarau iana rorabe. Iroma naheti bano kia bati iraraba biba uahe haroma Kotira abata narobe, biba bata'a bata aiho'a bata taku'u biro baiharoma Kotira'a mono ianarobe. Iroma bati abira nahentiba biba bo'akeroma batai haina hikara iri barianobe. Biba nantia keroe nai bati kai'a ra'i kianarobe. ³⁵ Te ma ubara tuna ni kaha ihabe, kia te ni mara nimirebe, nana hikae abuabu iro bainahanara. Irama ne Nora abu'a abu abu'abi baiha iboma kia bohiakano ni irirahika raraurua narobe. ³⁶ Iro bo bainti bano nai rabura kia ko'eiro biba birara ko'e okara batake bati'iane tiro, bira nanare, bira arara bano kemapu kai'ake himpi bairera, kairo biba nai antu'a abatakero bati'iaire. Bira kia kumibe. ³⁷ Iro biba irirahika kekau tero kia bati iatirera kiama bohika bano bira raba'uano, iro biba ho nai baata antu'a ra'ikire birera, biba ko'ehama mintianobe. ³⁸ Bo bainti bano nahenti u'ai'ake barare birera, bira ko'ehabe, bainti bano irirahika tatautero kempu kai'ateiro kia nahenti baratirera, biba ko'e'ama ibo,iro bainti bano kia nahenti barareba kempuka irirahika batairera, biba ko'e okarama mintibo. ³⁹ Bo nahenti bano bainti'a tataubiro biba ma batara'a mara'ura baiharo. Iro bira batibano utubiro, biba homa tarare antu'arina baranarobe, iroma biba Nora'ima bariaire. ⁴⁰ Ima te rairauro, biba bate baina tebiro bairera biba uaheharoma barianobe. Te mintiake iruro te Kotira Aiho batakema bauro.