¹ Bate te anirantema ni tiba nimuro, atabakaukabe, ko'e uba'i te ni tiba nimunabe. Ne bare bate himpi bariara'a. ² Ko'e uba bira'a Kotiba ni bitairabe, mintira ne kempu kai'ake uba ni tiba nimuna uataibera kiama ne umina mara'ura utibabe. ³ Te nanahikae abuni barauna ni nimunabe, Karaitiba tinabu ba'u haikara utira Kotira ubabano tintekero. ⁴ minti manta bika bira unta tabo, taramo enta aitarobo biba a'i uri himpura Kotira Aratabu bano tintekero ⁵ Karaitiba Pitara abu'a a'ira'a obarai'a biro, nantiara biba nai kai'a bainti 12-nabu abu'a obarai'ura, ⁶ nantiara biba 500 bainti nahenti abu'a bata obarai'ura. Bika ihai orautaha a'i bariaka, hinikiaka baite buabaro. ⁷ Nantiara Jemisira abu'a bata obarai'ura, e'a nanatira bata nai kai'a bainti abu'a obarai'ura ⁸ Ekara naini, ti'a bata obarai'ura, noba bainti batai tekero, kia batareba i entaraube. ⁹ Bira nanare kai'a bainti ekara nainima bauro. Hanto te abu abu abi baria iraukae bika tiriara kai'a baintibe tibarabe, nanare te Kotira bainti nahenti orai'i baurau kabe. ¹⁰ Iboma Kotira a'uri haka bano, imantama te mantiabi baura baintika bate bauro, bira a'urihaka banoma ti'ira baibo, kia uminauma baibo. Bira nanare, te kempu kia'akema eka bokia kai'a bainti kaini kai'a barauro. Kia te tenta kempuka'a bi kai'ara barauro, kiabe, Koti a'urihakano tibake baimantama te bi kai'ara barauro. ¹¹ Mintima teree o bikae, tenabu ko'e uba tura ne mara'ura utuara ¹² Bate bika tiha Karaitiba utiroma a'i himpibo, bira nanare ne hinikiaka uti a'i himpuara kiabe tiarabe? ¹³ Mintiro utiro a'i himpira kia bairera, Karaitiba bata kiama a'i himpi tiri. ¹⁴ Karaitiba kia himpirera, tenabu ni uba tiba nimuraba uminarai ama ianaro, ne mara'ura utiba bata uminarai ama ianaro. ¹⁵ Bate bata, tenabu una'ara tibaria baintika bauro Kotiba nanahikae mintira'a bata. Bira nanare, tenabu o'ai ake tiha Kotiba Karaitira a'i himpi kaibo ti. Bira u'a Kotiba utuaka kia himpi kebaibabe tiaina, kiama biba Karaitira bata himpi kaitiri. ¹⁶ Mintira utubua baintika kia a'i himpira ibera, Karaitiba bata kiama himpi tiri. ¹⁷ bira u'a irera, Kotiba kiama Karaitira bata himpi kaitiri, mintira ne mara'ura utiba uminarai irama ne nenta kumi'i a'ima baibarabe. ¹⁸ Bainti taukae Karaitira'a mara'ura utute utika, bika uminarai ama biba. ¹⁹ Minti'e bi mara'urara'a tenabu irirahika kekaute Karaitira bekai iarea, tenabu umpo'ira eka bainti abutana bairabe. ²⁰ Iboma bate Karaitiba, biba abuni haina karama taukae utubua kaini baibo, biba utiro a'i himpirabe. ²¹ Boha bainti bano utira obarai'a kaiboma, boha ariroma baibo boha bainti banoma a'i himpi barira obarai'a kaibo. ²² Antamura'ahi, eka uti bariabo, boha ariroma Karaitira'i baibo ekama a'i mara'ura baibarabe. ²³ Iboma bohau bohau bano nai entama obarai ianarobe. Karaitiba abuni haina kara banobe, mintira taukae Karaitira antu'i baika biba tubira mara'urama barebabe. ²⁴ Eka hika tai'airoma batuka nai Ora Kotirama amianaro. Bi entara ekarama kamanira kempuka bata tai'ama kanarobe. ²⁵ Bira nanare, biba kini'abi baiharo nai nabutaka nai ai'u'ima bara mintubi batanarobe. ²⁶ Utira hika ekara naini haina nabuta bira tai'a kanarobe. ²⁷ Bira nanare, "eka hika bira ai'u'iama bara muntubi taibo." Imanta bika tiha, "biba eka hikama bataibo, " bira kankoma ibo bainti tabae kiama ekahika nai bebarai bara muntubi taibo, ²⁸ Ekahika bano bira bebarai bairo, mintiro bainti tabae bira bebarai baina Karaitia nai bata bira bebaraima barianaro. Bi haikara obariba Kotira umi'ero tiharo bibama ekahika okarabano baibo. ²⁹ Nanarae bainti utubuaka autu'a namai barebariabo? Bainti utibuaka kia himpiba ibera, anare bainti nahenti bika namai barebariabo? ³⁰ Nanahare eka enta tenabu nabuta okara'i bauro? ³¹ Eka enta te utira hikama tabebauro. Bi haikabi minti'e te ai autuma bini'iainabe, bira nanare, Ihu Karaitira, tinabu Nora'ira, te ma bi haikarama batauro. ³² Te nanahikae bararabo, bainti tabe rairara'a, minti'e te akau haika Epasesini baira batake ra'iha, mintira bainti utuaka kia himpibera? Mintira kiama utubuaka himpiba. "kai'e tenabu namai neha kara nare, bira nanare hura tenabu utuma buainabe." ³³ Kia bainti kaimantia ni una'ariate," Ni aumanto batiaka ora bainti ni irirahika orai irekabe." ³⁴ Himpira! Abu abu'abira baria! Kia kumi mintia. Ne hini kiaka kiama Kotira tababo. Te ma bi ubara tiari te nenta okarara kaurua terabe. ³⁵ Mintira hinikiaka tiha,"nantiakee utubika a'i himpibabe, nantina baatara batakee tubiba?" ³⁶ Ne bo'akema werai'ama ibariabo! Nanahikae utu tairaba kiama totara umpi anaro bi ba utubiroma ianaro. ³⁷ Nanahikae nena ututaina, kia ma baata hanabe iboma kubu umina hikahabe, harokopue o bohikae upi'anaro. ³⁸ Iboma Kotiba naima nai tibataina baatara timianaro, bohau bohau kubu, biba nai baata timirabe. ³⁹ Eka baata kima boha'ariro baibo, iboma, bainti nahenti baata bano bo'ariro baibo antau bahi baata bano bo'ariroma baibo, bo baata antau baibo habuka bo baata baibo. ⁴⁰ Narubai haina baata bata batai hainara bata baibo. Iboma narubai haina ataira baata bano kiama batai haina ataira baata bo'ara baibo. ⁴¹ Kuari boha hanoma atai baibo, bohanoma tora'i atai baibo, boha banoma opu makau atai baibo. Iboma bo opu hano kiama hiniki opura bo'ara bira'i baibo. ⁴² Boha ariroma utubi a'i himpua baintikaini barianobe. Nana hikae ututaiba orai'ama buanobe, iboma nana hikae a'i himpiraba kiama orai ianaro. ⁴³ Baata tenabu unta tauraba, kiama uaharahika baibo, iboma bi baataba ataira batakeroma himpuano, kiama kempuka bariano bira unta taibo, iboma biba kekau bata keroma himpuano. ⁴⁴ Baata unta taiana batai hainarabe iboma baata bano a'i himpiba biba narubai hainarabe. Mintiro batai haina baata bairera, boha ariroma aiho'ahina baata narubai baibo. ⁴⁵ Bika mintia kema ararua tabo, "Abuhaina Antamuba mara'ura baraibo." Nanatia raihaina Antamuba aiho'i mara'ura nimibai baintiba obarai'irabe. ⁴⁶ Iboma kiama aiho bano nane obarai ibo, kiabe, ma batarai haina baata bano nanema abuni anibo, nantiarama aiho ahina baata bano anibo. ⁴⁷ Abuhaina bainti, Antamuba batai haina bainti bano, Kotiba bataka mintia taiba. Bo antamuba Narubai hainaba. ⁴⁸ Bainti tabae batai obarai'a biba, biba Antamura bo'ababe, tabae bata'a obarai'iba, Narubai haina bainti bano, biba Karaitira bo'ababe, tabae Narubai haina. ⁴⁹ Boha ariroma baibo tenabu bata batai haina bainti mara'urama batauro, mintima tenabu bata Narubai haina mara'ura bo'arama bauro. ⁵⁰ Batebe atabakauka, te minti tirebe, bainti bano ma batarai haina baata bata naare bata batakero kima Kotira batuka'i ori'etanaro. Nanahikae orai'a buairaba kiama kia orai iaina hikara baranaro. ⁵¹ Tabane! U'a kuke'ara ubama ai tibamirabe. Tenabu eka kia utirai ti, tenabu eka bo'arama birabe V 52 Abo entau'ama tenabu bo'ara birabe, abubano impake rampai kenatekera, tenabu bata bo'ara buainabe. ⁵³ Bira nanare ma baatahaba orai'a bibaiba kia orai'iaina baatarama barano, ma uti bai baatahaba kia uti baina baatarama barano. ⁵⁴ Iboma baata mahaba orai'a bibaiba kia orai'iaina baatara barairo, ma baatahaba uti baihaba kia utina baatara batairo, ararua taira'i bika mintiake tibarabe, "uti bariaba kakakia bibo Ihubama atara kaibo". ⁵⁵ "Uti bariaba, taie ai kempuka baibo? Uti bariaba, taie ai i'oka baibo?" ⁵⁶ Kumi i'oka bano tai'ama bibo, kumi bano lo bo'ara bairama. ⁵⁷ Iboma Kotirama ko'erabe tirabe, tabae tinabu mitia kaimanta Nora Ihu Karaitira'i atara kauna. ⁵⁸ Mintima, ti ata bakauka, kempu kai'abi baiha kia tirintiriate. Eka enta Nora kai'i bariate, mintira ne anirante tabate Norai ne kai'a baraiba kiama kakakia narobe.