¹ Minti'e te bainti uba ihai bata ankero uba ihai bata uba tiha, te borara kia antu aruarera, ti ubabano bero bata kapa bano bata uba tintema bibo. ² Te poropeti uba tiaina paresentira bate, te kuke'ara uba bata u'a uba bata tabate, ai'ina bano nai baina ahiro bonai buaina nora mara'ura utute, te kia borara antu aruarera, te umirai'ama buro. ³ Minti'e te tentiaina hikara kia ekahika bataika nimi, te tenta baata nimiai bika ti uara kai'e, kia te bikara antu aruarera, kiama te bohika ko'ehika bira'ihai bararabe. ⁴ Antu'ari baria okarara, iha'abi baiha borara ko'e ihama bainabe. Antu'ari baria okarara kia abu'auri ra'itaina o tenta autu bara'i uri buaina. Kia ahu'ariha bariainabe, ⁵ o bora orai'a mitena. Kiama nenara irinabe, kiama totara arara iteha boka ai orai'a mitaira irinabe. ⁶ Kiama biba ora okarara uahaibo, kiabe, biba u'a okararama uahaibo. ⁷ Antu'ari baria okaraba ko'e karama iratero ekahika'a, mara'ura uti bariara bata ekahika nantiara obarai iaina ekahika'a aihahika baraina. ⁸ Antu'ari baria okarara kia tai'ara bata bairabe. Poropeti uba bairera, bika tai'ama bibabe.Bo uba bo uba baina bata tai'ama buanarobe. Ko'e abuato irirahika bano bata bairera, bika bata tai'ama bibarabe. ⁹ Nanahare, tenabu bokira tabate poropeti uba bokira'i tibauro. ¹⁰ Iro, u'a hika bano obari'e, bokiba tai'ama buanarobe. ¹¹ Te nati bainti baiha, te nati bainti uba bo'ara tibaunabe, nati bainti irianteke iri baonabe, nanahikae nati bainti mintiateke minti baunabe. Imanta te nora bainti abi, te nati bainti okara a'ira kaunabe. ¹² Ma bate, tenabu nanahikae tabare, tenta nabu biri memonta'i tabauna teke, nantiara nai biri nai biri ko'eke tabaunabe. Bate, inarauma tabatauro, ima nantiarama u'ai'ake tabarabe, bira nanare bi haikara u'ai'ake ko'ekema tabauro. Mintima bate, maa tarau bohau okarano a'i bariaire. Mara'ura utina'a iro mara'ura utiro nana hikae nantiara aniaina hikara bata antu'ari baria okarara bata. Iboma birai'i hairo borara antu'ari baria okarabama abuni baibo.