¹ Ata bakaukabe, bate Aiho Bainti paresentiara, ni tiba nimirerabe. Mintima te niara ko'eke bira tabate turo. ² Ne nenta tababo ne baha'ai bariara, hini kiaka ni rararua manta ne una'ara kotira kia uba tibaira'a mono'i bariara, bika ni irirahika ahu'arua manta ne bika abate bariara, ³ Mintima te niara tabate turo kiama bo bano Kotira Aiho batairaba tiharo, " Ihura orai'a buane tiano," kiama bo bainti bano tikharo, " Ihura Norabe tiano," iboma Aiho Bainti bano aima tiano. ⁴ Bo'ari bo'ari Aiho Bainti paresentima baibo. ⁵ Kotira kai'a bo'ari bo'ari rama baibo, iboma Nora boha hanoma baibo, ⁶ bo kai'a bo kai'ama baibo, iboma boha Kotira'ima baibo, biba eka bainti'ira kai'a bara iha'ama kaibo. ⁷ Kotiba Aiho Bainti kempuka bohau bohau bainti nimiro eka bainti kaha'iate tiro. ⁸ Boha Aiho bibama, bo bainti aikaro amiboma ko'e irirahika uba tiba o'ai ibo, bo bainti bano Kotira ko'e irirahika amiro. ⁹ Boha bi Aihoba ima, bo bainti kempu kai'abi bariaina mara'urara amibo, e'a bo bainti aiha baraika a'i himpi kaina paresentira amiro. ¹⁰ E'a bora kempuka mirikori autuaina paresentira amiro, e'a bora poropeti uba tiaina ubara amiro, e'a bora ko'e aiho bata ora aiho bata tabaina paresentira amiro, e'a bora bo uba bo uba tu'antara ina paresentira amiro. ¹¹ Ibaroma boha Aiho bibama bira'i kai'a bareharoma Kotiba bohau bohau bainti eka bi haikara paresenti bo'ara nimi baibo. ¹² Baata bo'ara boha ariroma baibo, iboma boha boha hika banoma baata bohaha obarai'a kaibo, Kraitira nai bo'arabe. ¹³ Boha Aiho Bainti bira'i namai barema boha bata bo'ara bauro. Are Juda banoe o are Kiriki banoe o umina kai'a bainti banoe o umina bariaraba, Kotiba tinabu eka barakero boha Aiho'ima narabe. ¹⁴ Baata bano kiama nai'ake baibo, kiabe orama bira'i baibo. ¹⁵ Ai'u bano tiharo,"kia te kau'ube mintima kia te bi baatara'a bauro, " iboma bibabata boha bi batara'a hinababe. ¹⁶ Iro ato bano tiharo, kia te abuaube mintima kia te bi baatara'a bauro, iboma bibabata boha bi baatara'a hinababe. ¹⁷ Eka baata bano abu'ai bairo, nantiakeroe baata hano uba iriano? Eka baata bano ato'ai bairo, baata hano nantiakeroe mintahika uhirake tabano? ¹⁸ Kotiba bohau bohau baata mintiakero nai'arakero batairabe. ¹⁹ Ibo eka boha ariro'ai baibo, tae baata bai tiri? ²⁰ Mintibamo bohau bohau baata banoma, boha baataha obarai'a kaibo. ²¹ Abu bano kiama kau'u tibamiro tiharo, "kiama are ti kantira bainabe, "iata bano bata kiama ai'uara minti tianaro, "kiama are tikanti bainabe." ²² bikabata baata bira tenabu iri kia kempuka baikabe tuna, iboma bira norahikama tinabu baata'a baibo. ²³ Bikabata tenabu iri kia ko'eirabe turauka, tenabu bikama bahehe amite bauro. Boki baatara kia tabera bira tenabu ko'ekema kuke'a tarabe. ²⁴ Boki baatara kia bahehe uro, binba baka nora autuma baraibo. Iboma Kotiba eka baata ruba'uakero bohai'ama kaibo, tenabu tiha kia ko'e'i baatarabe tuna biba bika nora autuma nimibo ²⁵ Biba bihana mintiro baata bano kia rauha irerabe. Boha arina okarara'a baata bano nai'a nai'a ra'ikianaro. ²⁶ Boha baatau bano aiha biro eka baata banoma boha arina aiha hikarama baranaro. Bohau bano nora autu barairo ekama uahebabe. ²⁷ Mintima tenabu eka Karaitira baata baihama tenabu bohau bohau bira bo'arama bauro. ²⁸ Mono'ira tau kai'a baintikae Kotiba uri himpi taika, bika poropetibe, 3; bika tisaukabe, hinikiaka kempuka mirikoli auti paresentira nimiro, hinikiaka aiha baraka a'i himpike paresentira nimiro, bokiaka hinkia baintika kaha'i paresentira nimiro, bokiaka mono'ira kai'ahika ra'iki paresetira nimiro, bokiaka bo uba bo uba ihai uba tira nimiro. ²⁹ Tenbu eka aposeli poropeti tisae bauro, nanae? Tenabu eka kempuka mirikolie mintirabe, nanae? ³⁰ Tenabu eka aiha baraka a'i himpike baria paresentirae barara,nanae? Tenabu eka bo uba bo uba ihai uba tiaina paresentirae batarabe, nanae? Tenabu eka hoe bi ubara tu'antararabe? ³¹ Tenabu kempu kai'ake iriha abuhaina paresenti Aiho Bainti bano timiainarara. Te ni ko'e ara umi'ai mara'ura bare arara abatate.