¹ Sogan yal i mine bol pilgidua yalabai ya, gaglema kane tomua,ala na minnkaneka i gali ka one dua bolomili, na nene ta elkawa, dimba nono knara i ka one i pilkun dalabumwe. ² Ena sla kaone i nono mobal igali dre en nono mobal ilgali kagne kagne dinamua. ³ Ena demire ura ya, mila pua mamne i nono mobal igali dumua, Anetu ya Yesu Kristo Anetu wam igali kaone mamne ya min kanewa mamne. ⁴ Na mingol pilgai na gaglema tau wandugai, kaone bolemel igali wanumua, elewa ple noyalkema Anetu ka i ibinwa. ⁵ Emgia i na en minplen tewa, abal i elta dikemia na ka kwi bolwa, dimba nono tal komai aglenta ya yobalta min kano. ⁶ Anetu min kanewa bolomeli nono wanere, dule bolere Anetu ka bika ga i en ama elo. Ena kai bika kai koma ibe pilgnai, emgiai kul i wananwa. ⁷ Elewa ple yobal kakibedua kani gaba dua kole kole i mrume pume, en di audre Yesu Kriso Anetu wam umue do dikemia.Yagemai propet kibe dua kane. ⁸ Enyalima tole kaniliato,ena enyalkema kok nan tal i ple malde kio, elewa ple enyalemai toben inamue. ⁹ Ala wu koma pre Kristo ka kine dua agle nima pre molkewai Yalkemai Anetu ta moltekemua.Ena ala kakine igali aglenimapre mowai, ena yali nem ya wam molto mue. ¹⁰ Dimba yaltranta ure kakine en yalkemai mongal ta ikuai, i aglire ige kepangal ya min we ditekeo. ¹¹ Tranta ala minwe dintenawai i ama mamne nige doa yali bol tetemua. ¹² NA tagan apsre en yalkema bolen tenaga pamue, dimba na mine i bolentenagai gil ya pepa i bolentenaga paikemua. Dimba na nomane sipilgai en mongal ure guman kanere ka elidinabnwe, ena minpilabai nono mobali mule kausinamue. ¹³ Abal gage kulyowai en kabekengai, yalkani minwe dintenamwe.