¹ Gage yalkanei, na pepa bol tebai ena en yalkane-i kanere mamne nigedowa-i elkeyo. yalta mamne nigedowa elaga-i, none yalkane-i ire, Anetu mowal suna-i Yesu Kristo yal-snetoa molmia. ² Yesu Kristo gowa-i none teranta ple ta-golkem, gaba-yobal muru plere gomia. ³ El-ewa mamnem-i none yalei kanebnwe. None mamnem-i dule bolaba. ⁴ El-ewa ple yalta eldnawa-i, na Anetu kanega dmue dnawa-i, yali Anetu kam i ta dule bol wanmolkemue. Kaone-i ta paitekemue. ⁵ El emba yobal Anetu kam dulebol wanmolaga-i, Anetu demerem ura-i yali tomue. El-ellawal-i none plaba, none yale i kene sidagre wan molbna. ⁶ Yalta Anetu kene sidagre wanmolal-we dnawa-i, yali Yesu Kristo wanua mele-i wanamia. ⁷ Agleno-bai kane,na manegane ka-i kuita bolen tekeiya, taman. Manegane ka-i kamkware ka en pil-maldenga kamdimue. ⁸ Elmba no manegane ka kui bolen tobai, Yesu Kristo mowal ibe ure ere enyakane mongal ume-ya. I elmba, kamin grua erepungre, takwa u-nogli pumue. ⁹ Yal ta el- dinawa-i, na nabalual wa molwue dinawa-i, yali aglembai kura boltere, min-ewal-ile yu momya. ¹⁰ Elmba, yalta aglembai min kanawa-i, yali tagwal ibe wan molam-ya, tal-digkan elaure ta agsikenamya. ¹¹ Elmba yal ta aglenbai min kankenawa-i, yali kamin girual yumole, ena grual wan molamue. Yali ai pua-i ta agsikenamue, slaure. Min-i omlem agkulsumue. ¹² Na pepa-i gage yalkane-i boltepna, Anetu mamnem nigedoa-i Yesu Kristo yali idomue. ¹³ Na pepa bol na nape kane teiwe, slawa ple. En yal kane-i yal ta koma ibe mowa-i en pilmaldena. Na pepa bole kumul-gai kane te maldobnga, slawa ple. En yalkanma-i (satan) yal nigedoa-i winsite maldomue. Na ira pepa kwi bole gakane diteiwe, i slawa ple. Abe Anetu kamre pilmaldenga ple. ¹⁴ Na pepa kui bole dienteiya, slawa ple. En yal koma mowa yali kan maldenwe. En yal ganemil kane numapuna, Anetu kam i nomane suna igali dre (satan) yal nigedoa-i ble eglmue. ¹⁵ En yalkane gaba tal-i min-kankeo. Dmba yal ta gaba tal i min kanawa yal-i, en Anetu min ta kankenwe. Talgan kane kane gaba tal-i el-pamwe, ena demire aglua, tole kandogen goa ya, te dem kuplunawa i Abe moali ta hukem-ya, dimba-i gaba mamnem boa dimya. ¹⁷ Gaba tal digan ya tere mamne kane kane-i muru bawa dinamue, dimba yal ta Anetu kam-i dule bolawa-i gabal-i yu-molam-ue. ¹⁸ Gagil-lamane kane, em-gia-i kakne bawa dinawa mara elmia kristo kiam yalkana-i en-mongal unamya. Elmaga-i humaldomia. Elewa-ple none plava kagene-i bawa dinawa mara elmia. ¹⁹ yalkanma-i no-maldere eromya, dimba yalkanma-i none yobal ta molkemya. Ena none yobal molawara, none kene mola bina. Dumba yalkanma-i ere mena pua-i, yalkanma-i none yobal mele mokem-we. ²⁰ Dumba en-yalne kene-mie Anetu Moal hua i maldega, en-yalkanma ka one-i pilmaldege. ²¹ Na pepa ta bolentere, ka-i kakipi dumuwe tadikey-we, el-ewa plere kapi, kaone bol-mil ta dikewe. ²² Yalta kibi dua yal-i Yesu i Anetu wam-ta molkem-wa dumu-e? Yali kristo kiam molmu-e Elewa plere Anetu ya tere Yesu kam-i dinokol ta dekem-we. ²³ Yobal yalkane-i mukal waki-towa-i Yesu-i, Anetu wam ta molkeme dipulmu-e. Yalta dibawa-dre Yesu-i Anetu-i wam molme dinawa-i one-dume. ²⁴ Enyalkane-i kakoma-ibe penga-i nomane suna i kal-i Kando. Dumba koma pingara nomane suna igal-i numa-pre dinam-we. ²⁵ Kadipag-ina none yalkane notoa-i molpai min-e inaga-i ple. ²⁶ Na pepa-i bole en aukele dinale dre bolwe, opal ma-e Yesu pilgi dinga-i el nigi denale dre elmu-e. ²⁷ En-yalkane yal ore kenemie i-maldere, ena none molval i-gal-i molume, El ewaple en yal ta ka-i nil sian-tenawa pai-kem. Kene mie yal-i talgan tau nil sientowa-i dule bolapina, ena yali kakibi ta dikenam, Elewa ple Kristo ka-nil sientowa-i age-gido. ²⁸ Elewa ple gag-kope en yalkane Kristo kene sidaule wan-molanba none gai golkere numa pre molval ere-uname-ue. ²⁹ Dumba en-yalkane dipingre, yali yal min molawa-i, en yalkane planga-i el pamue, yobal yalkane mamne du dinawa elawa-yal-i, Anetu wam molamue.