¹ Gaulkobe na pepa bolin-tobe kubaprin elkia. Eru owa ple yal ta kubaprin owe, eru owa ninin yal ta suna moa yal i Anetu, yal i Yesu Kristu yal mamnin dudua. ² Kristu yal i ninin natere erepra bane gole ninin na i kole dowa, tamanim, Kristu yal i yal i ninin Anetu tere gole ninin kubaprin edowa, tamanim, yal i are gabagul i muru akuriditoma. ³ Eru owa koble bani ninin ple kane yal i wa. Ninin are ginibe kane dulin bona. ⁴ Yal tran ta ka diwe, ''na Anetu kani-wa dimw,'' yal i we, Anetu ginibe dulin bolma, yal i kakibe dire ka on-ne moa guli tadikimwa. ⁵ Are Anetu gunkan ple dulin bowi Anetu waikam-wa.Ninin kane Yesu Kristu parapara mowa. ⁶ Eru owa ple yal-trin ta kaduwi, na Anetu mol mare detewa eru-owa, yalin i Anetu koble wawa meri wanawa. ⁷ Na alan kobe, na ginibe kui ta boltekia tamanim. Kai ginibe golin komaebe en piga ka. En-na ginibe kai koma en piga ka. ⁸ Siraowe na kai kui boltewa, ena i Anetu moa bani hure en aremakobe moga bani humwa ena aruowa, kamim griwi here pimaldowi, ena kamin tawi humarbe-omwa. ⁹ Eru-owa yal trin ta kadimwa, ena koble puwi nabalua bani pimya, yal i ena alin kian simya eru owa ple yal isibowa ila moa. ¹⁰ Ena yal trin ta i alan waikawi, yaql i nabalua gul i mowa kal kanekane para humarebe nau i yal i ta kupaprin ka elkenaua. ¹¹ Eru oya yal trin ta alinbe wai ta kankui, yal i sibowa eli mowa koblepuwi sibowa eli pimya ena yal i tapilkre huamapeme,sira o kamin gruwi omlin i siboa. ¹² Nabole kai en-arema gaulkobe Anetu kubaprin eldomaldom wa yal i wan Yesu Kristu. ¹³ Na kai bole nen kobe, siraowe, en are kobe kamalden na ara koma ebemo. Ena na pepa bolin temaldega yalgalan kobe eru oya, en arma satan win sitena. Na pepa kui bolin tegi kai en arma kobe gaul mege eru owa, en arema kobe Nen Anetu nomane imaldenwa. ¹⁴ Na pepa kui nen kobe boltewa siraowe, en arma nomane imalden-no koma ibe moa. En arma kobe yal galan nemnin moa, Anetu kan i suna ila moltomya, en arma kobe satan win sitena. ¹⁵ En yal kobe gabagul kal i wai kankia.Yal trin ta gabagul kal i wai kanawi, ena yal i we Anetu yal wai ta kankwa. ¹⁶ Kal kanekane gabagul du i, maminin kanekane nigedowi Anetu moa mari tahukimya, kal i we gabagul kal dimya. ¹⁷ Gaba mari ire maminin nege dowi wai simal dom wa, eru oba yal ta Anetu dulin bolau i kaunkaun mol painawa painawa. ¹⁸ Na gaul mege-kobe, kamin kaun wasinawa mare owa en arma kadua pilgra Yesu Kristu kian hum-wa, kam kare hure gaba gul mowa, heru owa kabna kamin gaba wai sinal owa. ¹⁹ Are kobi na maldere herepimwa are na lain ta molkimwa, are na lain molawi, na kene mol painawa. Are kobi ere mena owi na aren ta mol kimwa. ²⁰ En arema kobi Anetu Kekemama ingi Anetu mowa bani huwa, en arma ka on-ne kanwa. ²¹ Na pepa ta boltekia en arma kobi ka on-ne ta kankna. en yal kane kana kakibi ka on-ne bane ta dikimwa. ²² Are kakibe du i eru dimwa Yesu i Anetu wan ta mol kimwa? Yal i we Yesu yal i kian mowa, eru owa ena yal i wa Anetu ya Yesu kan i demarbe dekimwa. ²³ Are Yesu Kristu mun-kal wa-tomwa, heru owa ple Anetu wan ta molkimio Anetu ta kankim wa.Are kobi dimarbe dowi, eru owa Yesu yal i Anetu wan on-ne ta mol kim-wa. ²⁴ En armai Anetu kan i ple kai koma i be duwa. Kai koma pungi kai nimnin mole ninin denmrin suna ili duwi Yesu Kristu nem i mol mare denatom ya. ²⁵ Kai on-ne ninin nato wi mol pai kaun-kaun i nauna. ²⁶ Na pepa boltegi aunimnin mola, eru owa are presuwa Yesu yal pilgi ditengi pilgi dingi el nege denau-wa. ²⁷ En arma Yal Bire Kekemama i mal dengi, Kekemama suna i li moltenau, eru owa ple yal ta nomane dentekwi. Kekemama suna ila mowi nomane wai en tenauwa, heru owa ple kakibe ta dinteknawa nomane antowe Yesu kene mol marbe dena. ²⁸ Heru owa gaul kobe, en arma Anetu mol marbe detena gai golkre au nimnin molo yal i here-hu-nawa mare owa. Hena en arma kanga yal i yal wai mowa, ninin ple kane ona yal abal owi, Anetu wan abin mona.