¹ Emi fuga waya mana wata nasi yiyimeno. ² Ano aita yu nanti ateke bega amakukupim evarure bega enon ayar anta nampa bago. ³ Mini ayika ana yige anasi yu yigen yu magafim de eno anepa baya busego.Amuna waini (wine) nomi bunago. ⁴ Awen inina sika yen yi wafu nampa yenyiga fanta rafisinayom baya . ⁵ nampa yen yiwafu yimenapa banayam baya yiyi me.Mini anta yu imi koti savi bu akatem. ⁶ Mana yom ayim mana fumara yu intin yimi ya awogu anta ogo. ⁷ Ma den awafa awogu yogantanoni abu aba eno yo avigano.Eno yo avigate fuga anta nampa yiyi me. ⁸ Fuga waya mana sina iyemo emi sima savi ina yim agaye ino.Nayeyara senu sima savi ina nim waya iruka. ⁹ Yogam waita yu yigenti anom ya intare awakurogoyen nampa bu asubega awogu anta ogo. ¹⁰ Umonti bumarago.Yigenti awogu yimakukun yo avigana kotini awogu anta mana sino. ¹¹ Kotini agun anene ma de yuka yiga. ¹² Senu mante mana magagakena abu aba bu yotikem. Senu mantem awogu anta yu nampa ateka anta yo aviduka. ¹³ Senuti anona koti nampa jisasi yinanim miniga rafike ya wafa. ¹⁴ Jisasi beyaum senu simidukem uremi senu mantem auweni emi benintayi e ya.Mana a awogu waita yu awogu waita yu awogu yogari irante bem. ¹⁵ Mini anene yuka seve, watanasi intin yimina awakurogo.Mana wayiwa ami bu romugano