¹ Minugami magemi kopimi buwanani iyemo Kraisi Jisasi pimo wananiyimi. ² Naye yara, Aiyo manoni age waya semi Krais Jisasi pimi semi manta o'yausikem age wayani kumipim wa fugitim wa. ³ Naye yanta'o age waya mano bu inanimi, naye yara bemi eranti aufimi bu ruka, mini Kotimi ewa. Bemi beyaga sasakami manayo aumi kumantemi batayant uwem kumi yemantem beyauga demi koamiduka. ⁴ Bemi minuremi age waya mano masidem aneneyata bemi ayiga emi, minimi senupim fawarinani Ayo agan ano antayu awakuri nani. ⁵ Iyeye manu aumanoni ayira antayu awakureviye, beyaranapa beyi intinapa aumano aneneyunapa, afo iyemanu Ayomani ayika antayu awakurveiye, yemi yiranapa intinapa Ayomano aneneyu. ⁶ Watayu intiti yugai wa, bemi fugitemi, minugami wata yuyi intitio Aiyo wami, arafarunapa bemi wanani. ⁷ Mini intiti auanpa agapaga, minimi Kotini namugomi, nayeyaravi, minimi Kotini age waya amanapa buwa, bemi minimi buawakurinani. ⁸ Iyemano wafi aumanono ayinapa aumanoni antayu, bumi Kotimi amoyuakanayo. ⁹ Afo yigem buawakuromi ayinapa aumano antanapa, yigemi Aiyomano ayika avu awaka buawkurono . Minugami fuga Kotini aiyo yigenapa wanani. Afo mana waitafi anasiwafi bumake Krisini Aiyomi, minimi imi seti akumi. ¹⁰ Afo Kraisimi yigen yupemi waganami, yigen yumi ai fubuga kumi antafimi, ugami yigemi fami wami Aiyo napa ateka antafimi. ¹¹ Minimi Aiyomanomi jisasimi manta itarukami fugim magufike bemi yigenapai wa. Iyewafi jisasimi mati mati magufike manta intarukagi. ¹² Ugami yigemi afa-awa, seyuya nanti dukafauna utufofane, afoimi sugagaye seyuo awakurofanum ayinapa aumanoni antanapa. ¹³ Minugana'i yigemo awakureo aumanoni ayi nampa avu awa nampa . Yigemi fuginago, ugami Awamu anoni erakai yigemi aruma fuginago inti nampa avu awa nampa auma noni yogan nampa, yigemi fawanago. ¹⁴ Mana watanasimi yemi e'ami Kotini Awamu ano ategewa, mini yemi Kotini aga'i fawaremo. ¹⁵ Naye yare, yigemi bu marami Awamu yigemo kuyim wata urai yigemi be'u aga ganta ure wanagomi ugana yami Koti mi areyami seya mani sefanu'', setifoi!'' ¹⁶ Kotini Ayo aga anoni yogewami seyu yanti Awamu nampa'i, minugayami Koti aga'i beyare . ¹⁷ Afo seyu wao iyaonto watayu seyuwai setifoe aneneyu marateya, minimi manuga, maside Kotini aneneyu senutiwai. Afo maside Kotini aneneyui senutitawa Krasisnitawai, afo fuga seyuo umato Kraisinapa matukafau seyu marafanu sagaga yanta benapa. ¹⁸ Semi mani dayimarie maside umanto mana kanaga marafauna, imi amaka ugafuga sagaga yantanapa inaemi. ¹⁹ Naye yara, masiden anene Kotimo uwantukami anona ayinapa amonara eafisevem avogu kanami fawarinami Kotimi agafanta amakagi itemi. ²⁰ Maside yanta o Kotimo uwarami mini yemi wa maside yantai amenapai wa yunami bumanti fawarinai minimi yeyi ayikai bu fawaremo. Bumi, Kotimi minurami mini wari uremi bemi am aka wami mini kana fawaritemi amakai. ²¹ Afo masiden yanta Kotimo uwarami fawaritemi meyami bu wanani kuyintimi savi intanomi afo yema fami waganomi Koti agafantayi erantimi watemo. ²² Seyuya intaga siwau maside yanta o koti uwarapimi, yemi ifi nampa anona yoga nampa yemi magaga yerabuga. ²³ Mini yanta yui ina waye, bumi, seyu yawai ana iyaonti dukage'e yamofao awamupim seyu yawa sirapimi ifi idageveya dafiseve Kotimi mini bumi savi inani nanti. ²⁴ Mini eran intikai Koti yeradem sividuka. ugafo mini naye era intiri rukasiwauna fawaritene. iyewa ake intiti rukena aweyugem bene. ²⁵ Seyu yamo eran intito rukeyamo aveyugeya anene mo bu amona ruka fawarimi, afo seyu yami mini yanta ganti aveofami sirafarunampa. ²⁶ Mana ugam aiyipimi, Awamu ano wai sofa evam eranto bumaga fauna kanagai. Seyuya bu intewasiwau, naure yara sugamukote yarafu, ugami Kotimi awa mu anomi benanao augamuku sikevemi sofa ewa sira anoni ifi nampai. ²⁷ Bemi iyewa wantayu yirai itagene. Bemi intagena Aiyo aga anoni intitim naye yara bemi Kotini aiyinti awakurevemi, afo augamukewa yofaino yanti yimakuku ewa watanasi. ²⁸ Seya inta siwa manemi, iyemo Kotimo aiyikara akewam, bemi masidem yantai minu ma yoga nampa yodami manta awogu kumantiti fawaru yime.Minugami mini mana aiyemanu yogato rukayimi yararuka. ²⁹ Naye yara madem akum bemoi wafa yimonaruka, mini bemi ugamaka benagana ogoyanti. Magemi bemi ana agagi inani beafa awa yiwanapa. ³⁰ Yemi Kotimi wa, ugamaka mini yemi yararuka yimo, iyemanu yemi yararuka, yemi mini ayauremi manta ateyikaga. Yemi manta auwemi uyikaga yemi manta ituyikaga saganti. ³¹ Nayevega seyuya mini yanti siteyarafo? Afo Kotimi senu nampa waganami, iyewa senui manra savi seya nampa iyewa seyuyami manta savi iteye? ³² Iyewa bumi beyaga yewayege fakarukanim, minugafo bemi senuti kumi mata beyamuga duka, naugane bemi aneneyu amaka senu fasimitene? ³³ Iyewa manta savi intene Kotimi yemi ugadukayi? Kotimi benano mata beyi akum ateyikaga. ³⁴ Iyawa mini watami senu yami koi sisikatemi? Jisasi benanao senuyanti fuge minimino wayedam. Bemi yera dem itavemi magemi Kotimi aiyan ugapa bemi. Afo bemi awana waita bemi senu sofa ina. ³⁵ Iye senu mante Jisasini aiyika mante neka rateve, umanti marem, aguna anene marene, umanti yimide namugo yu bu yise asi yu bumi. ³⁶ A'i agantukam bem, " Yigenti awogu yanti maside nuram umam mare wafau, arinayom sipisip kana wafa''. ³⁷ Mini umarupikem senu yakagaga beyao senu ose siyigara ewam waitapim. ³⁸ Nayeyara seti intinampa amakukun erambuyuga amonaunami, fugi nampa aum nampa ankero yu nampa kamani yu nampa anene yu naem yiynanim nampa eranti. ³⁹ Inarufa bam anene yu nampa iga magufim bam anene nampa made anene Koti uwantukam anene yu senu Kotini aiyinti jisasipim rukami senuka mante fafaburatem.