¹ Miniugami naye soke yantaga yemi Juda akum marateye? ² Minimi anona anene madem aiyim ananta ugami, yemi Juda akum wafa mantuka Kotini aupa waya. ³ Iteni itene mana'a Juda akum yima kukum buyimi? Mini anta yima kukum burukayi yemi Koa waya fayanatagi em. ⁴ Bemi bu fawaritem bumi, yemo afakare amona nayomi Kotimi madepa fuga siga, bata anasi muna akuni mao. Minugami waya wafa mani siga, "Emi ateka anta eyafim yigate'emi yekaga nonam baya ategam nura." ⁵ Ugamifo senuti savi anta yu ano sigatem Kotini soke antayu, seyu nayebe siteyane? Seyu mani sefanu Kotimi ateka anta bu uwarem beyara anene senuka dene? (Mana waya senuti anta yanti sewau). ⁶ Mini ba buyino! Iteni urena Kotimi magaga wata anasi asiyika tene? ⁷ Ugamifo Kotini fuga waya mano seti muna baya aupem anona amoi ranta manta fawarem Koti wapa, naugaga semi kumi baita gege a aka itaveve gafu. ⁸ Naugane mani sefa, yemi muna senu sisike ena wata anasi ga, mana'a mano mani sirukane semo, "Eaya savi anta mini ayipake uwanata fanana, soke fawa rinani?" Ko anta mano mini anaka ategem. ⁹ Naofanu? Mana'a aiyim afakareya yakaga fanu? Bube. Naye yara yenu wafa ena akum koi siyikagafau, Juda wa Griki akum kumipim wane sigafau. ¹⁰ Mini wayami Koti afim wafa wa manisiga, "Mana atekam waita bubane, bube." ¹⁰ Ma'ni sire agantuka: "Mana' bayiba buatekem." ¹¹ Mana bayi inti buruka. Mana bayi Kotimi bu afakewa. ¹² Masidemi yinenure madem fayantagi emo. Mana bayi ba soke anta yu bu uware wa, fuga bube." ¹³ Yimeragom mano mati oriyini uga. Yimafin tano muna ba. Yiwaukai savi waya ba. ¹⁴ Yem yibaukai ika baya eno sima savi uakam baya. ¹⁵ Yen yimano ameurem enoni nare bayika bewa. ¹⁶ Anene amaka umaru manta faware intiru. ¹⁷ Mini anom soke intiru buruka. ¹⁸ Yen yugaka Koti ayo fega intiru buruka. ¹⁹ Masidem baya kagarugem ba mini baya amenapa wayi. Maside yu yiwauti uyabina Kotini koka itavinayo. ²⁰ Manugemi, mana waita mano wafi inim mano Koti augaka bu ateka. Nayeyara kaga wayafim kumi ano fawarem. ²¹ Magemi kaga baya mano mapai, Kotini atekam anta fawarem. ²² Minugami Kotini ateka anta yui Jisasipim yima kukuni anta yemi yima kuku ewayi. Nayeyara eno dayima anta buba. ²³ Naiyeyara madem bata anasi kumi urukam Koti adeka bubi uga. ²⁴ Yemi ai koi yakagaga, mana yogara yode ya ove a'ao Kotini agu anene Jisasi fugem senu ayauruka fa. ²⁵ Nayeyare Kotimi Jisasim simidam Jisasi senu siviga waitayi em beni narefi yimakuku ewayi. Kotimi Jisasim ofayi urem yimemi beni ateka kaka, senuti kumi sirem. ²⁶ Sadage wa ranta fike maside fagagi em fawarem beni soke antayu mage mana kanagai. Manuge mino faka sikatem sem bemi atekara uga, bemi mani sem ai seti koi yakagaga nesem Jisasi pimo yimakuku omi. ²⁷ Minugam beyavi yani irante? Bube, nayeyarafi? Yogararafi? Bumino, amakuku anta fike. ²⁸ Magemi mani sefanu, Kotimi beyi kokage yivima rakara atebemo yimakuku anta fike mana'a yogaka kenaye. ²⁹ Kotimi Juda yui Koti mana wafi? Bemi enoyi Koti wagafi? Eyo, enoi Koti waino. ³⁰ Fugamo beya Koti watem yu akefa gam ba bu akefaga bai. Yimakuku anta fike mana. ³¹ Minuga yami lomi manta fasa dafanu yimakuku anta fake minurem bu fawari nani! A'ao, lo wa fakaranu.