¹ Naemi faipi ankero ano beyi ufem arinanim. Semi Jonimi amo newaunam mana ofu Inarufa fafasem mana magaga kuka. Mini ofum mano fakarukane memapa kukam masipikeki minimi beni kipantawa iwam masi. ² Bemi mini masi auwonti rirami beni kipantawa buwam mini masipike imumano susuwa mano manta ofaurama ofu manta ayufunaka. ³ Mini emupike fintomi maka amuka uka, Kotimi eranti yemi yimidami mana magagakena iyawaru. ⁴ Koti siyime atayami anami bu kaukosemi , ma'e mana'a yayana nampa yami, minuga mise yemi watami fami anagaitemo yemo Kotini uyakanti yorasika iwanam. ⁵ Fintomano eyo wayami bu mantukane wata anasimo yiruma fuginti. Minugami yemi eyo waya yimemi semi wata anasi anom umara yimego faipia buyoka ana. Mini anene manoni ai'i mae uwa iyaontanoni mana waitamo anamo kakani. ⁶ Mae mini kanakawaita anasi fugi a'nanti afakanayo, minugamise mana fugi ayim bu afakatemo. Yemi fugi ranti ano yiyiri item, mini nam fugintano bu fakatemi yemi. ⁷ Mamini fintonu ano osi abu awa ruke arubirante ugani itemo . Mini osinu yinoka, kim manoni koli atakanta wane. Afo yenyorasi ano wata yorasikana ukane. ⁸ Yenti yi'no yaumano anasiyi yinoyau yanta ugam, yen yiwayam manomi layonim awayani ugam. ⁹ Yenti kafaka sota ani ga uwantuga. Afo yemo agebomi yen yayapike amuna sasawa ebem ifikanta amuna karaisi nampa osinu arubika bewaniuga. ¹⁰ Yen yinefim uwai wane mae iyawan amefinata uga yime mano eranti makane wata anasimo anaka inani faipia buyokao. ¹¹ Mini ikipam masi anoni ankero ano kinata yeka rafi sitem. Mini ankero ano abi'i Hibruyu yafake Abadoni afo Krikiyu yafake mi Apolioni. ¹² Ananta sabi fawarube ai kipaka. Intago! mini umar anepa, karumarafo yinani. ¹³ Afo sikisi ankero ano beni ufemo arinami,semi intarukaunabe mana amerakomose foa komumanoni kasi funta sako'o Koti adeka wam koli yaufikem. ¹⁴ Mini amerakomano sikisi akeroano samem ufemano asemo foa ankero yufretisi no awanapim karabusi ugayi rana bogo. ¹⁵ .Mini nura ,mini kana biyom wa ka fawarim,mini foa ankero Kotimi yemi uyamakakem ankeroano dami bemono taria fim wata anasi yirinoya. Mini ankero kuo yemo be rafise eyo kana,biyom wa i yinanim. ¹⁶ Semi arubim waita yi nampa intarukau iyemo osikao kumantomi 200 milienia aruvimwaita. ¹⁷ Semi kaimi amonauna, nesu osimi wami masidem watamano kumaka minika, yenti kafa sotagake nare ikayanti kewam, kumayu blu wa eafu salfa ommi. Mini osinu yenomanomi layoni anoni ukane, eyo yewauntike iga;atiewam imunewami iga anegam yebewane. ¹⁸ Mana taria ayapa wata anasi imumano, wa afa igamano yen yofeke yagagabuga. ¹⁹ Mini osinuyi eranti ye yiwauntim wami yen yimemano mema ameyiuka yemi yinom make mi wata anasi sabi uyikewa. ²⁰ Mana a wata anasi bu fukayi ma mini sabi antafike, yemi yeyi sabi anta yanti siku no busika afo yemi sabi awamuka rotuim antami ifaburuka, mini kusai kotimi koriyu, silvayu, brasiyu, omba yawa anene yui aukam bu amonebe, akakam buwam beintebem, ai buwamise bubewa. ²¹ Minukami yemi Kotimi sikuno busika wata mose yiruma fugom wa uwa anta wa muna kotikao lotu sika wa monko anta wa enoyi anene umo mararanta.