¹ Mini anene yu anepa amo naunam mana onta inarufa riga. Sesi a'nan nuraniure intewuna ufem ahyanta siga senanti semi,'' manafa urinaga inaem fawarinani anene yu emi agatiame''. ² Mini ame ama ure Kotini aiyomano setugaun onta rira'i mana waita inarufa anom waitayi kagaka kumaka. ³ Mana anom waita yu yi kagaka kumakayi,Agaun amonanatano mana omi furaga onanta uga avi;i jaspami mini anaepa'i nare omi avi'i kanerienive sewam omi, minugami miniga afamontamano uken yafuga anom waitayi kagaka,mini afamontamano yayana onamu giuga beni meyamano yakagara uga.Mini onanti manisire avirewa emirarive siga. ⁴ Mini mana anom waitayi kagaka, ena mana'a 24 a a'nom waita yuyi kaga ano yakouga, masidem 24 a a'nom waita iya efar unam bado nampa a'nom waitayuyi ata yinoka ure wage euga. ⁵ Anon inaru ah sirem kaiganarem afayu yogam mini a'na kaga kake beyave uga.Sevenia(7 )omi kevem mente a'nom waitayuyi kaga orasipa wage en uga,masidem mini sevenia omano Kotini sevenia aiyo waita yuka ugaka. ⁶ A'nowaitayuyi kaga anon orasika, miniga mana bu nomi wa,kamu yanta ugen sagagara uga.Mini a'nom waita yi kaga ano awanapa yakuga, fo'a anene foriyani uga aun duke wan anene, nampa amuna augam masidem orasipa ba anaepa ba yakuga. ⁷ A'nam anene uwaevem aun dukayi raiyoni amaka uga, mini ana'em anene uwaewam anene, aga burimaka yanta uga, mini anaeka'i ena uwa'ewam anene wata orasi maka, miniga anenemi a'yam duke akiki ganta agewam. ⁸ Mini fo'a uwaewan anene mana mana anene mano sixi'a ayam nampa amuna yugam duka mente yinokaba yufipagu. Ayufum ba wayawamba fugasire yaum ba bu marepaya ma'nimana seve wa, ''emi sagage, sagage, em sagagara ugana anona masidem eram dukana Koti,feyapa wage'e mage be inaem yinona Koti''. ⁹ Masiren nuram yemi mini anene yuano bemanami ano awi ame susu sakewa, mente a'nom waitayi kagaka kumakayi nanti masidepa, masidem nuram, ¹⁰ 24'a a'nom waita yu magafim yigon yaum akare yeyinom mapa ure mini waita mente anom kagaka kumantuga yi nanti masidem nuram mono waya sasakewa. Yeyi kori ata uyuma magafin de semi, ¹¹ ''Anon avi eninta mana be, senuti anona nampa senuti Kotive,Masidem sagaranene, anon avi nampa eranti emana marano.Masidem anene eyi ayika intika manta fawarure masiden anene emana uwantukanam.''