¹ Naemi mini Ankero ano sigatemi wantana nomi, bemo bemi kalasiyanta sagewam. Bemi airamagem kumewam Koti wa Sipsipi Aga'ano kumatewam Kagakake . ² Afo bemi uyaemi kumemi ami awanapimi mini anona magufimi. Nomano mia mafai aum marewam yami wam, ma mini yamano 12 fia enaena beyi yunam irem afo masidem biyoka agam irem. Ma mini yamanom anamano amaka masidem waita anasi yuyi umanti soke uyikatem masidem awafa. ³ Afo enawai mana umanta iwatem. Afo Koti wa Sipsipi Iyaontano kumantewam kaga i ma mini anona magufim bemi. Afo yemi beni yogam waitayu beka yima kukum itemo. ⁴ Yemi amonatemo ben orasi'i afo ben avi'i yen yorasikai watem ⁵ Ayufumi enawai bu wanani. Afo lamui omba a'anoni omi buwa iwatem, nayeyara Kotini anona omano yen yimuga katem. Afo yemi mini magu rafidemi masidem nuram watemo. ⁶ Mana ankeroano sisimemi mani semi, "Mini yantaguo Kotimo emo agatimi masidempa fugami afo fewaritemi. Anona, yogam waita yuyi ayo iyaontano yenti kotimi. Bemi beyi ankeroyu yiyikem beyi wata anasi yogam yigatira, Bemi siyikemi ankeloyui yoganti yigatino yanti yogam wata anasi beyinta naye yanta'o adeka o fawarinanim kanami.'' ⁷ '' Intama Sokeo! Semi adeka yenuno! Item wata anasiyu'o kasanampa wayafimo wam wayamo awakurite, yemi yimoyiteye. ⁸ Semi Jonimi, semi mini wata iyemo inteo amone mini yantagui. Mini yantagu'o inteo amonaunami, se sorasi daunami kumemi mini Ankelo aifimi mono'i siakara. Mini Ankelo iyemo mini yantaguo sigatemi. ⁹ Afo bemi sisimemi, "Emi mini buyono! semi mana yiom yogam wata enampa mana'o profetiyu afo mana uga profetimo iyemo Gotimo. Bemi Goti beyagai monoi sasaka teyamofu. ¹⁰ Afo bemi sisimemi, " Buwa waya bu uyaga wayamo mana yaufim wami profeti sigam kanami ai adekagi uga. ¹¹ Watamano iyemo savi antafim watemi, e'ananam savi antafim wa. Afo kumio ewayika e'ana enawa be vem kumigu i avogu anta ewayika, e'ana enawa be vem kumigu i avogu anta ewayika, ena enawa ateka anta ino. Wato iyemo ateka antaga wayimi, eanam bemi atedem wa. ¹² Intano! Semi adekai yenu. Semi yigenti meyanampa yenu, yime'i mana mana wata anasi naye antamo uwaraka. ¹³ Sena na'omi Anantai wa arawai i semi Agoyarantawa kipantawa, semi ananta be'i arafai be'u. ¹⁴ Wata anasimo iyemo yimoinayoyi, mini yemi wata anasi yenti antamano avoguya. Yemi a'i eyo wayami mantuka mini yamo wantanoni wanto afo yemi opeganayo Gotini Anona magu ontafimi. ¹⁵ Mini akumo iyemose mapa wayi, yemi iyamo. Yemi min yiga anta ewayimo, monko anta ewayi, wata yiruma fugewayi, muna goti mono, sasake wayi, afo mademi iyemo yiyem muna anta nampa awakure wayi. ¹⁶ Semi Jisasi,semi sesi ankeroyui yiyikau nami yemo mono magufai sima mini yantagui fawarogo yanti. Semi anta ugam ba anawasimi kini Devitini akupike. Semi mini ofumi wanurapim kananim. ¹⁷ Anona manoni awamu ba afo mini inimo wamara iyi semi watayu ganti.'' Yigemi yego! Iyem watamo intananiyi enom wai sasameno, '' Sigemi yego!'' iyemo ameragomo nonanti asakewayi, bemi seka yinana afo iyemo ayigara uremo nomo naranti, yerave nano mini nomi wantana wanti duka afo emibu ayaino mone kakemi. ¹⁸ Semi yiyimu yigemi maside akum wata anasi iyemo itayi mana yaufimo wam kasanampa waya. Amaka mana wayi ena wayomo Gotini waya amuga maganamim, Kotimi bemi umaru aminanim, yemi ai mini yaufimi agantuka. ¹⁹ Afo mana waitamano manta fasaose mana waya kasanampa wayafike ratem, bemi yunami bu maranani mini yamo wama bu kipanani afo Gotimi sasakama fasa danani mini Gotini Anona magufikemi, mana yaufim bam waya awakuritem. ²⁰ Mini watamo iyemo sima fawaremo mini yantagu ganto, bemi semi, Eyo! "Semi yenu adeka kanafimi." Semi Joni itave'i se'i, "Minimi fugave! Anona Jisasi kuminani!" ²¹ jisasini Awa awai ano watemi yigenam pai masidemi beni wata anasimi. Fugave.