¹ Mini anene fa waruvim anepa,semi mana aram baya intarukau, nesu wata anasi injarufa bemi ami sewani uga."Kotin avi yaniono. Sagantim,eranampa wata anasi owayegem yivigatem, minimi senuti Kotimi." ² Bemi ayai mini monko inim bemi savi anta uremi man maga manta savi uruka.Mini inimi saviuakaruka savi anta in aya beni yogam waita yu yi nare ayaem nare wa'yigananti.Minugami bemo ko'o rayimewam antami, atekem fuga sigem. ³ Kantaya yeradem, yemi arare mani siruka. Kotin avi "yaniogo! Igamanoni imumi mini inimano amuga kewami, bu kipatene." ⁴ Yemi 24'a' nampa eriwan uwaewam yanta , ye yigon yaumi dadare Koti mi beyi kagaka. Wami monoi sasakewa yemi mani sewa, "Bemi Fugave. Koti avi yaniogo." ⁵ Afo inaem mana amerago mano kin kagakake mini semi. " Senuyani Kotin avi yaniofano, yige beni yogam waitayu, Iyewafi ben ago fegewa nampa maside avi dukam waita nampa avi buruka waita". ⁶ Inaemi semi intaunami wata anasi yimerago nanta inteu afo anon nomi saeve anta asemi, afo inaru asewa nantu ewam afo mini semi, Koti avi yaniogo! Anona mano maside nura wane, bemi mini Koti maside anene ga dafikayi. ⁷ Seyu simoyeya ifo sipisipi aga ano anon avi amefa, Nayeyare mini sipisipi aga'ano anasi marananim kana ai adeka yiga, afo bemi maranani inimi ai bewa yowaruga. ⁸ Mini inimi ai eyo siremi sefo seseugam efam iya" Wadonako konariri itene. " Seseuga efan wado mano iyewafi ateka anta ewam uyaka. ⁹ Afo ankero ano sisimem, " Mana wayami agarano, wata anasi beni sipisipi aga'ano anasi marananim yunaka , yemi yimo inayo." "Yewayegem mani sire sisimem mana wayami, minimi Kotini fuga wayami. ¹⁰ Sesorasi ben aifim magun dei monoi siakara unami, afo bemi sisimemi ." Mi'ni buyono! Koti bena'o mana monoi sasakano. Semi enampa mana ugauna yogam waita nampa mana'a yimakuku ewam waita iye Jisasi avi sima fawarewam. Kotika monoi seno, nayeyare Jisasi avi sima fawarinti, mini kasanampa ewa Ayomi. ¹¹ Inaem semi amonaunam inaru diyim efar hosimi wage'em. Mana waita mini hosin amuga kumantuga, ben avi demi semi," Fuga sigem atekam waita", Atekam atanampa meyam watayu yimebem afo beyi namugoyu nampa aruwem. ¹² Ben agaumano iga yanta kewam afo ben anokai amuna kin atagu wane. Mini amuga avi wami manawayi bu intaga, beyao mana intaga. ¹³ Bemi mana iya'ana unam wado emi, masidem narefim darukam, Afo ben avi dem semi "Koti ami." ¹⁴ Inarufake amiyu yemi efar hosika kumante mini waita awakure. Yemi seseuga efam wado uruka. ¹⁵ Ben abuntim mana awaewam asimi yiga afo masidem mana magagakem wata anasi yiritemi. Afo masidem beyi aini yaki nako rafisitem. Kotini anona aran anenenako kasekasu fatemi waini dafigewa amaka iteye. ¹⁶ Bemi mana iya'ana efam wadoga mana avi agantuka afo ben aimaka mani sire agantuka Kinuyi kimi Anona yuyi anonave. ¹⁷ Mana ankero amonaunam aigaka itabugem wage'em numi yanafa agewami yararuka." Yigem masidem yema duwantugo Kotini ano yunam naka ." ¹⁸ namugoyi yumi yema nago. Kinuyi yumi, ami yuyi anona,eram waita aumi nampa osin aumi hosika kumaka, masidem kuga waitayu nampa bu kuga, afo yibi duka waita nampa yibi buruka waita. ¹⁹ Semi amonaunami afa anene nampa mana magagake kinu nampa yenyi amiyu, yemi manafim duwantu ure mana kin nampa iyewafi mini hosi amuga kumantuga amiyu nampa arubirant uga. ²⁰ Mini afa anene matemi afo muna kasanampaevem berara ane uwarewayi nampa kuruka. Mini berara anene uwara nako amuna mini nampa duke miniga monoi sewayi muna yimiduka. Yeganti fami aumi duke wami daure afa okake ano iga gewapi intafuruka. ²¹ Watami hosika kumantukayi amuna ena waita ben abuntike kukam asi nako yiruruka. Masiden numano fuka waita yumi naruka.