¹ Semi amonau'nami Jisasi Zaioni Anuga itaga. Benapa 144, 000 nia waita anasiyu Jisasi aviwa Kitin avi yen yinopi agakayi itaremi benapa wa. ² Semi mana aranti inarufake intaunami yemi, anom nomano sasawa siremi iya raunta'niewami inaru asemi. Mini sasawa intaunami mana waita mano kita arini emi. ³ Yemi auwem i'i daremi Kotini sago'ano aguka wa foa uwa'ewayi yinom waitaga maro itaga. Mamini i'i mana waita mano buyitaga 144, 000 nia waita anasi yeyao intakane nayeyara yemi mana magafike ayauruka. ⁴ Ye mini akunu mini ininapa savi anta buyuruka, ye yuga rafidemi bemi mogo anta banapa buyuga. Yemi aka sipisipi awaguntuka itepagafi bemi bugeyige ipai. Mamini akumi savi antafikemi yividemi maregem Kotiwa Jisasini ana yayagam ni'itemi. ⁵ Yen yiwuntike muna waya busebemi; Mana umanti yemi buruka. ⁶ Semi ena ankero amonau'nami afaraga agem yevemi, Bemi bu'kipam waya siyimira maremi mana magagawa, masidem awafawa, nantimwa, yenyafim napa wata anasi yupimi kumemi. ⁷ Bemi arawokam wayafige arama semi. '' Kotin ago fedewa bemi anon avi ameno. Beni ko nurami adeka yevemino. Bena anon avi ameno, beyao inaruwa, mana maganapa, bunonuwa, sito nomi uwaremi.'' ⁸ Ena nampa--- tu ankero'ano --anega yevemi anonaga, manisemi, ''Babiloni anon siti ana'an,akavem savisawa uwuga, Bemi wata anasi maka yimidami savi nomi naremi yino ani'ana ipaya mini waita anasi moko anta uwareye.'' ⁹ Ena nampa ---tri ankero'ano--- yegan yineka, bevemi aram wayafike ami siruka, ''Iyewafi muna kotika ama'kukun evemi beni nampa afenta'kawa ayan ugapa makananiyi, ¹⁰ Bewai Kotini aram wananim nomi natemi, Kotimi beyi aran anenemi wayiegemi kapufim demi nonako bu wayeduka. Item waita mano mini waini nanami Kotini afa ikamano age'wanami ano au avisi'i Kotini ankero napa Jisasi yen yugaka yivisi marateye. ¹¹ Imu mano mini iga fikemi urem bu kipananim, Ayufumba --sagamba yemi mini afa waiwaka'wa ben amaka yimakuku uga,afo yemi beni awuawa'napa ban avi mantuka. ¹² Mana mini wayami sadagemi bemi ateka wam waita anasi'yupim semi, yemi Jisasini awu'awa rukemi Kotini tenia waya awkureye.'' ¹³ Semi mana aranti inarufake yi'i inteu, '' mamini wayami agantama rano: Jisasi avipim fukayi yemi asumi yimetege.'' ''Eyo,'' au aga'ano semi, awogu yaum maranayo yenti awogu yogaka. ¹⁴ Semi amoneu, mana efam konam, mini konam aupem waita aga'ano kumaka. Bemi koli ata beya,noka urikemi awa ewam soparo ayapim fagaruka. ¹⁵ Ena ankero'ano Kotini mono mapikemi mapa asavemi arawoka urem konapim kumakayi sasame'mi: ''Eyi soparo mante yunami afuga'gam agoyante akefano. Yunam unafim kanami ai yimi, yuna,nuano afumana kemi.'' ¹⁶ Mini waita konapim kumanturebayimi mana maga ga maside pakem afuge ekam yunanu akefarem uyumagatem. ¹⁷ Ena ankero mano inaru fike Kotini mono mapikemi asawem, bemi awa'ewam asi bemi fakaruka. ¹⁸ Ena ankero anomi kasifunta ewam inarufa ase'unta ewam mapikemi magufa asabemi, afo mini ankero'anomi mini igaga rafikayi. Bemi anona wayafikemi arama sasamemi me,e awa asi fakarem wan ankero sasamemi semi, ''krapi naru akefare manta mana makafi'kemi manafim ruwantono, afo nayeyare yemi magemi ai afugaga.'' ¹⁹ Mini ankero anomi asi yanafa demi mini krepiyu akefaremi maku makafim ruka. Bemi maregemi mini waniyu Kotini aran anene wapimi untafemi. ²⁰ Kotimi beyaimi kampama mente mini krep'iyu akarafam maguga magemi, me'e mini siti'manoni mapa bimi afo me'e minifakemi naremano fafa yevemi, mini nare mano utugemi urem hosi manoni abunti wam nari ugemi. Bemi amaka wan tausen siks hanret kilo mita magaga bemi.