¹ Jisasi yimonami moni waita yu yeyi ofa mare bemo unapim mono mapim duka. ² Afo bemi mana inim amonami, benawafu fubim afo bemi anene burukem bemi kanti moni,i kufeduka bemo anafim. Afo Jisasi semi,. ³ Semi fuga waya yiyimege, mana anene buruka inim benawafu wafa fukam, bemi enowa yirurem anom mone,i dene. ⁴ Maside enomi amuna mone,i dukemi yemi amiduka, ugamifo mini inim benawafu wafa fukam, anene burukemi afo bemi beyi mone,i muyupa dukam ma,a amiduka. ^{6 5} ,Mana;a wata mono mai amonem . masidem abogu kanriri napa abogu onampa Kotti ameyo.Afo Jisassi manisirem, v6;" mamini anene yigem amone wam,mana nuram yitemi mana omano enonapa buwatem.Massidem romunamu urem maga fim mana kumi namim. ⁷ Amaka wata anasiJisasim mani sire intauruka,''' Sisao, Naye nurana mini anene fawaritene? naye anene fawarina ya seyu amonei ai mini kana yene? ⁸ Afo Jisasi yenyi waya yerade yiyimiduka,'' Yige rafima soke ogo, mana'a wata yu yigem muna yimife. Amuna waita yerave setivi de semi,' Semi mini waitave ve siteye, afo, ai kanami adeka uga mini waita yu maro bu yiwakurogo. ⁹ Anona arubim fawarinam watayu eno nampa arubinayom intatege, yigemi bu fegago. Nayeyare mini anene yu nare fawaritem, ugamifo maga kipananim ameurem bu fawaritem. ¹⁰ Jisasi enawa manisiruka, Kantri yuano itavem ena Kantri nampa arubitem, afo kinuano ena Kinu nampa arubitem. ¹¹ Anona magunti ritem afo anona antaro nampa savi ai,anene mana,a magufa fawaritem, Amuna anene fawarem wata feganti yimitem, afo enayom anene inarufa fawarinam amonantemo. ¹² Ugamifo mini aneneyu bu fawaruganami, yemi yigem fakaremi savi uyikateye. Afo mono mapim yigem itayikare manta kuyiteye. Afo yigem yibigem maro Kinu nampa kamani yuyi koka itayikateye, nayeyare yigemi setivika amakuku ewane. ¹³ Manami abogu kana ugam yigemi amakai mono waya siyiminagom. ¹⁴ Ugamifo naurega yenampa wayami yerade sitege sire, yigemi yigunanti eve amuna intiri buogo. ¹⁵ Senao wayami yibuka dei afo abogu intinti yimenai yigeyi namugoyu semi yimenuna waya yu manta fasa burateye. ¹⁶ Yigen yifoe yinoe, yifayiwa nampa yigeyi mana nareyu nampa mana yabum yewai yigem yibiege namugo yu yiyapim dateye, afo mana,a yigepikem bai yiruma fugiteye. ¹⁷ Setivi ganti Watayu yigemi yivesara ure iva yiyitene. ¹⁸ Ugamifo yigen yinon yaumano manawa bu afiitem. ¹⁹ Yigemi itabuma era urega wantana aumi marago. ²⁰ Yigemi amonewami ami yui Jerusaremi ufukiteye, afo mini yigemi omare intega ai adekai tauni anakaitene sego. ²¹ Mini nuram wata anasi Judia taunifim wanayoyi yiramage anufaguga urogo, afo wata anasi anom taunifim wanayoyi ifadeya bogo. Afo wata anasi anon tauni mano mapa wanayoyi buyego. ²² Mini nuram umanti ugayi yerade uyika nuram, afo maside anene Gotini yaufim agantukami fawaritem. ²³ Siguno yimuba ininanu nampa anasi yu yeyi sito iyaonti nami amewayi mini kanafim, nayeyare anona umanti mana magaga fawarinam afo Gotini ara anene mano wata nasi yupimi wayitem. ²⁴ Amiyuano amuna yepike yiruremi afo maside akum yivige maro ena kantrifa kuyiteye afo ena kantri fake akumano Jerusaremi anakaem be,emi Gotini kana bitem. ²⁵ Yigemi aneneyu amonanagomi afuga, biyoka ba afuga ba magafim, Kantri yuano anakabitem, afo wata nasi fegateye bunomano karanto,em yinananti. ²⁶ Afo anona feganti fawarinam watayu eranti burukayi dufa nafa iteye, nayeyare magaga fawarinani anene yanti fegateye Afo ina rufake eran aneneyu uwa uwa item. ²⁷ Mini nuram amonanagomi wata aga konaka beyi anona eran nampa sagan nampa yitem. ²⁸ Ugami mifo mini aneneyu agoyante fawarinam, yigemi itavega yinon yanafa daterago, nayeyare yofaem wata adeka yitem. ²⁹ Jisasi mana wayaga waya wayeduka,'' Yigemi mana fiki ya anta nampa mana,a ya antayu amonago. ³⁰ Anami magana, yigemi amone ite ega abogu ai gatene sego. ³¹ Ugamifo, mini anene yu fawarina amonatei, ai Gotini kindomi adeka yigane intiriga ogo. ³² Semi fuga waya siyimege, mage wam wata anasi bu fukami mini aneneyu fawaritem. ³³ Inaru wa maga wa kipatemifo, Gotini ami bu kipatem. ³⁴ Ugamifo yigeyanti dafima soke ogo, mae yigen yira ano nomi nare oeni ewan antafim utugafe, afo mana bunamano ayinanin aneneyuka intagara ife, Bu intanago nuram mini kana ameurem fawaritem, watayu wam bure waiwam aronanta item. ³⁵ Masidem mana magagakem waita anasiga mini nuram fawaritem. ³⁶ Ugamifo masiden nuram yigemi yowarure wago; afo yigemi erarure yigaum mukewam mini kana yakagago, afo yigemi amakai wata aga ano augaka erarure itavinagom.'' ³⁷ Masidem nuram Jisasi wata anasi yigatem mono mapim yimi dem afo ayufumi anon tauni yerarem Olivi anufa um, wage,em. ³⁸ Afo anom wanurapim maside wata anasi mono wayam sinanimi itarante mono mapim ye,euga.