¹ Jisasi Jeriko magufim ofegemi afo aka bemi Jeriko yera remi. ² Mana waita beni avi Sakiasi Jeriko magufim bage'emi. Bemi amuna anene magemi afo bemi takisi marewam watayuyi yinom waita. ³ Bemi Jisasimi amonara iteyio watawafi, minugamifo amuna wata anasiyu wami, minu gami bemi Jisasim bu amonatemi yera yiremi ananta buka, nayeyara bemi aki waita. ⁴ Amaka bemi wata anasiyu bewa ananta bemi, afo mana fiki yafim uremi mente minifikemi Jisasimi amonara, amaka bemi akafam yevami. ⁵ Jisasi me'e miniga fawa ruwemi; bemi mente mini yafim amonevemi mani semi, "Sakiasio, emi ameure kumono, mage mana nuram ena mapa watege." ⁶ Amaka ameuremi Sakiasi magafim kuntavemi amofike Jisasimi avimanta remi beya mapi bemi. ⁷ Amaka masidemi mini amonare, manisire yira uma remo ,nayeyara "Kumi waita amapim bemi ofegemi. ⁸ Amaka naupa bami Sakiasi itavemi, anona mano nanti mani semi, "Intano, semi seti anene kantimi rayinte'i manapai anene imakayi yimenu, afo semi mana wayim muna ami dei afo beni anene mantukatei amaka semi yewayege mini anene fo'a yai ameteu. ⁹ Afo Jisasi bemi mani sirem sasamemi, "Mage mana nurami Kotimi yewyege mana naupake wata anasi yivigemi, nayeyara bewai Abrahami againo. ¹⁰ Afiugam wata anasiyu yifakara wata aga'ano yiga". ¹¹ Wata anasiyui intewam Jisasi ase wami afo bemi mana wayegam waya yiyimemi, nayeyara bemi Jerusalemi adeka a'i yemi,afo wata anasi intam a'i adeka Kotini kindomi fawaritem. ¹² Minugami Jisasi semi, "Mana anom waita mana iyapa magufa bemi oravinami bemi kini uakago yanti, naemi owayegem beyi magufim yitemi. ¹³ Amaka bemi birantemi, bemi beyi yogami watayu yararemi mana mana wayi 10 sekeli yimemi, afo bemi mani siremi yiyimemi, yigemi bega mana mini monika bisinisi ewaga, amaka semi owayege yenuno. ¹⁴ Minugamifo beni mana akum benanti ayigara bu yemo, minugami afo yemi mana'a waitayu yiyikapa awakure maro mani sire sasamemo, "Seyuya mana waita senuti kini ino yanti sive sara eva yane." ¹⁵ Minugamifo yemi benanti kini ono sirami owayege yiga, afo bemi yarem moni yimidukam yogam waitayu, bemi amo narantem mana mana wayi nade amam moniga uwan tukeyafo. ¹⁶ Mana waita ananta yeravem mani semi, 'Anonao, 50 sikeli simenai bisinisi uwantei 500 sikeli amam moni uwarege. ¹⁷ Afo kini mano mani sirem sasami, 'Emi awogu yogam waita bemi awogu yoga rionami. Emi atekam yogari onami sito anene fim minugami se emi 10 nia ano'na tauni rafi sinonami. ¹⁸ Afo naemi ena waita yemi, mani semi, 'Anonao, semi 50 sikeli sime nami bisinisi uwantei 250 sikeli amam moni'i uwan tukau nave. ¹⁹ Afo kini mano mani sirem sasamemi, 'Emi 5 pi'a anona tauni rafi sinonami. ²⁰ Ena yogam waita yeravem mani semi, 'Anona manami eni 50 sikeli bemino, semi wa'do nako ave rave urei anami semi urunami wane, ²¹ nayeyara emi eram waita wana'i enago fege'u. Emi enoyi anene marewano afo eno yo'magam yunami ufe wano'. ²² Afo kini mani sirem sasa memi, 'Emi awogu yogam waita buwa nane enanaoni wayakai koi ameteu. Emi itaga semi mana ake waitave, semi enoyi anene mare banoyive, afo semi buyo dukauna yunami mante wanove. ²³ Nayeyara emi seti moni'i benkifim buranave, afo owayege ye'i amakai mini nampa moni nampa beni amam moni? ²⁴ Kini mano adeka bam waitayu yiyimemi, 'Yigemi mini 50 sikeli bepikemi mantega , afo yogam waita 500 sikeli amam moni uwan tukayi moni ameko'. ²⁵ Afo yemi mani sire bemi sasa memo,Anonao'. mana yogam waita bemi 500sikeli amuna monei rukane. ²⁶ "' Afo kini yemi mani siremi yiyimemi , semi yigemi yiyimuno, wata yu mana'a anene rukayi semi miniga amuna anene yimete, minu gamifo watayu mana anene imakayi, sato anene yemi rukami semi yomanta fafa date. ²⁷ Yemi mana mini seti namugoyu semi bu ayemo semi yenti rafisiri ono yanti, yigemi yemi yivima mare managa dega amo newa naga yiruma fugogo."' ²⁸ Mini kanaka Jisasi wayekam waya siremi, bemi ago yantemi Jerusalemi uremi. ²⁹ Jisasi fawaremi adeka Betfeiji nampa Betani,Olive anukake sewaka, afo beyi ka yogam waita yiyikemi, ³⁰ afo mani siremi yiyimemi, "Yiganti me'e adeka maguga bokaro. Amaka yigeganti ofe gatekami, yige ganti amo nanto rami mana aga donki kugami. Nanti iyadeka semi wanunafa mare yeko. ³¹ Amaka mana wayi mini siremi yinta ina'ka? 'Nau gaga yigemi mana doki manoni nanti uyufege? Mani sire sasame, 'Anona mano mana dokika yogam ruka.' ³² Jisasi yiyikami afo yeganti bentamo, afo yemi amo nemo mini donki minuremi Jisasi yeganti yiyi mini uremi. ³³ Donkimi anta ugam nanti yeganti iya sewami, donki afo'e fawa ruwemi afo mani siremi yintaemi, 'Nau gaya yige kanti donki anta ugam nanti uyu feve kare?" ³⁴ Afo yeganti mini sentare, "Mana donki kai Anona mano yogam rukane." ³⁵ Afo kam disaipoli kanti mini donki marenta Jisasi waka maro rami, afo yemi yenti iya'ana unam bado uyudemi afo donki amuga yau uwi'dami afo Jisasi amuga kumantemi. ³⁶ Donki amuga kumantu wemi bemi bemi, afo wata anasi yenti iya una bado uyu demi akai yaumi uwi semo. ³⁷ Jisasi adeka yemi Olivi anufake kukam ayika, afo masidem disaipoli yu akoyantemi yimoyemi Kotin avi yani emo,anona yokanto Jisasi maranti.. ³⁸ Afo yemi mani semo, "Kotimi asumi amitemi mana kini anona mano avipim yemi.Kotini avi manta mentapa yani ono . afo ara yasi amaka Inarufa watem." ³⁹ Mana'a yemi Farisiyu anom waita anansiyu yiwa napa wayi Jisasim mani siremi sasa memo, "Tisao, eyi kato waitayu yiyimina yiwunti uyagago." ⁴⁰ Afo Jisasi yewa yigem yiyi memi yenya mani siremi, "Semi yigem yiyimuno, amaka yemo yen yiwunti uya gatemi, amakai mana onu ano wadi temo." ⁴¹ Mini nuraka Jisasi Jerusalemi ora vemi, bemi ifi ragemi mini, tauni yanti. ⁴² Afo mani semi, "Mini nuram, yigemi amaka amonamo anene mano soke uyikao wanakomi. Uka mifo ma mini aneneyu aupa wami afo yige bu amo narukam. ⁴³ Mana nuram fawa ritem, afo eni namugoyu anomi emi iguremi yaku intemo, afo masirem awafakemi aruvinti mare yintemo. ⁴⁴ Yemi enaka fanta nampa emi yiruma magafim datemo . Afo yemi mana omi dami ena on amuka bu watene. naye yara emi bu amone wanane mini nurami Kotimi emi ofai irantemi ewami." ⁴⁵ Jisasi monu naupa untavemi wata anasiyu aneneyu mageti ewayi yiyikamati mapa demi. ⁴⁶ Afo bemi mani sirem yiyimemi, "Kotini yau mano mani siremi sikane, seti ma'i agum mukim ma'i, minuga mifo yigemi mante'i umom waitayu yimagi ewamino." ⁴⁷ Masidem nuram Jisasi mono waya mono naupa yiyi mewa. Afo yinom waitayu wa intim waitayu ake waya fim wayi afo wata anasiyu yinom waita yu bemi arira ewami. ⁴⁸ Minu gamifo yemi mana ayim bu afa kemo. Nayeyara masirem wata anasi yimo emo bemi waya sewami.