¹ Jisasi yogam waita yu'i mani sirem siyimemi, wata anasi kumipim yandu yika anene a'i fawa ritene. Siguno mini waita iyemo mini anene uwara naniyive. ² Seti watamo kumipimyandu yiikatem'mi. Sokeitemi anugapim nakure bunopi intafinanino. ³ Minugafo yige'yige rafima soke ogo. Enafa'awa kumi urukagana Afo sasaminana beyi kumi'i atega Mini anta yanto siguno sinamote'Afo beni kumi'i arano. ⁴ Mana nuram sevenia yamu kumi u'akadem ,owayegem sevenia yamu yeravem siguno sina kumi'i ara. ⁵ Yogan waita yu mani sire ananamano sasame, senuti sima kuku manta anonayi onane. ⁶ Anona mano mani semi, Yigemo yima kuku mini yayaga pimo rukatei, mini yamanom samego, Ena'o rarise, bunopim oitavono, minisiranam ena inta. ⁷ jisasi enawa manisemi, yigepike iyewa, yogam waita mano yunapim yoge nafi foruka rafise nafi owaye gem yemi mani sitemi, Ame'ure yeguma tuve yuna nano? ⁸ A'ao. Anona mano mani sirem sasmem, Seti yunam manta sikano, yoga una wado manta sikeve yunamo sikanayu nomba yuna ba simina nama kipa. Inaem emi noneve yuna nano. ⁹ Ano namano beyi yogam waita susuve sitenafi benami intatenafi wae? ¹⁰ Minu gafo yige wa'i, maside anane Gotimo sinani uwaratei, mani sirega sego, seyui Gotini yogam waitave sego. seyui bena mana awa kureve yane. ¹¹ Jisasi jerusalemi bemi, sameria wa Galili magu awanopim bemi. ¹² Jisasi mana maguga oravi mi kasiyam ma'a leprosi dukayi bewapa yemo. Uga mifo nepa ye'itaga, ¹³ mani siga, Jisasi, Anona'o, senui, aguna usikano semo. ¹⁴ Jisasi yimo narem mani semi, Yige yumi mono kawa agatego semi. Afo bewami yumano soke emi. ¹⁵ Mana wayi amonam aumano soke imi, owayege yeravem, Ara'woka urem Goti avi yani emi. ¹⁶ Jisasi ai fim agom yaum rararem, Jisasi nanti susuve semi. Mana waita mi sameria kem waita've semi. ¹⁷ Jisasi mini waita amona remi ma nisemi. Semi intauna siyakam waita asofe yafo suna mifo. Nafaga mana siyamifo eriwam wayave? ¹⁸ Mana'a nai ya yerave ya Goti avi yani buyeye, eno mana mini anta uwareye? ¹⁹ Jisasi mini waita samem, Itave bono. Eni ama kukumano soke u'akene. ²⁰ Mana nuram farisi yu jisasi nampa aseve inta emo itenurana Kotini saga ranene fawari tene. Jisasi siyi mem, Kotini sagaranene wata anasi intewa intika bufawaritem. ²¹ Ma'ni sitemo, mana'a awafa amonago a'a me'apa amonago, epim Gotini soke anene wane sitemo. ²² Jisasi beyi yoga waita yu siyime mi, ''Mana nura fawarina wata aga amo narare sinago, mi'nugafo bua manona'go. ²³ Yemi ma'ni sitemo, 'Meami bene sitemo o manami bene sitemo. Yeni buwa yiwa kurogo. ²⁴ Afayu yoge wami amone vege konaka, beni omano ena arafake ena arafa konaka'o bewami. Miyio anta nampa wata aga'ano yitene, maside wata anasi amona teye. ²⁵ Ugamifo anatai au'avisi mantarem, yine u'amitemo bemi. ²⁶ Noani kanafim fawa rugani itene,inaem wata aga'ano yinani kana. ²⁷ Noani kanafim noneve yuna naga, awagara ebugeyige ewami Noami sipifim upeka.Ano nom sarem wata anasi yiruruka. ²⁸ Wata anasi mano Lotini kanafim uwantuka anta uwaremo. Noneve yuna neve yogeve nesu antayu uwan tuka. ²⁹ Lotimo sodomi demo vimi,mini nura mana iga nampa omi inarufa ke kumem maside anene anaka ruka. ³⁰ Manayio anta fawa ritemi inaem Koti aga yinam. ³¹ Mini nurami, ma amuga wanani waita eana ma'amuga ke naupa bukupe gano. Yunapa wana niyim eanam naupa owayegem buyino. ³² Loti ana'ano kaga omare inta. ³³ Mana wayimo anene yu ganto nesu intiri intemi fugitem . Afo beyaumo rananiyi, owaye gem beyaum maratemi. ³⁴ Semi siyime wau, ayufumo wata aga;o yinami, kantano babu garami. Gotimi mana wayi avigem mana ifaratemi. ³⁵ Karini kantano yoge wago rami mana wayim avigem mana ifaratemi. ^{36 37} Kato waitayu manisire intaemo" Anonao; mini anene iteaga fawaritene?'' Jisasi ma'nisirem yiyimem, Iten mangufim fugim waita rukapim akiki yu ano minifim mana uyitemono.