¹ Mana sabati nuram,Jisasi mana farisiyu anom waita yi naupa yunam o naga. ² Mana waita ai rukami ayamba ai itogewam Jisasi adeka wagem. ³ Jisasim farasiyu nampa intin rukam waita yu manisire yintauga,avogugafi saviwafi sabati nuramose yi waita yofainti? ⁴ Afo yemi mana waya bu semi. Jisasi abidemi beni ai i kiparemi arambuga . ⁵ Jisasi yenanti manisiga,yigepike iyewa, mana iyaorafi,burumakawafi masipimo sabati kanamo kupekanam bemi ameurem omanta fafa bu ratenafi?" ⁶ Yemi mini wayaga yewayege ami bu samiduka. ⁷ Mini yunam nakai wata yu yewam Jisasi yimonemi, yemi anom baita yu yi kagaka kumantira ewam, afo Jisasi mani sire yiyimiduka yemi. ⁸ "Mana wata mano emo ararem semi yeno mareti yuna nako sinami, afo emi ameurawa ewa yema kumantono ano'anom watayui kagakai, nayeyare yemi ena ano'anom wata araru kagana onafo mini yunanaka. ⁹ Bemi mini waita mano yigekanti yarem yego semi, "Bemi manisirem emi sasamitem, emi mana kagai mana waita ameno sinami amidemi emi agayeuremi anepa okumantinonam. ¹⁰ Minugafo emo mana wayi arem emi yeno sinami yuna nakai, emi ewai me'e yinepaga kumake wano, 'Bemi emi amonaremi, bemi enanti manisire sinani, sifatiwao emi itavewa me'e ananta wam kagaka kumantono. Yemo en anepa kumante yuna nanayomi yewai emi ano avi amego. ¹¹ Watayu yemose yeyiviose mare urina yoyi Kotimi yemi manta magafim ratem.Afo Kotimi iyemano wafi yeyivio magafim rayimi bem manta yani item. . ¹² Jisasimi sasame mini waita bemo arem yema yunami nanosiyim semi, "Emo mana yuna naranto ruwantu ewatemi, emi eyi ana'owafi eyafa awa bu yarano, eyi akum ba bu yarano, iyewafi amuna anene rukanani yimose en adeka wananiyim .Naem en araremi yewayege ami temono. ¹³ Afo emi ano yunam yukaraewate , fipiya waitayuga yarano, yiyana yisavi ugananim watanasi yarano, yibura yugana uyakam batanasi. ¹⁴ Minugam wata anasimi eni yunami yewayege anona bu amitemo emi, Eni Koti emi asumi amitemi, Koti bemanami eni yunakai yewayegem amitem, naemi atekam batanasimo itavinayo nuram. ¹⁵ Mini nurami mana waita Jisasi nampa kumakem bemi yuna nevem intemi mini waya sewami, mini waita Jisasi sasamemi, "Yemi wata anasi yemo yunami Kotini naupao nanayomi, yemi yimoyogo!" ¹⁶ Afo Jisasi sasamemi, mana waita anom yunam ruwantu evem bemi nesu wata anasi yarem mamini omaka. ¹⁷ Yunam ai yukavimi, bemi beni yogam waita sakaram bemi me'e yemo yararukam wata anasi, maro yiyimemi semi, "yego yigemi, yunami ai kagane.' ¹⁸ Mini yogam waita maro yarami yemi masiden kantano semi seyuya ibotege semo, mana waita semi, semi mana maga ayaumake oamonara mini maga, siguno semi iyenuno. ¹⁹ Ena waita mano sasamem semi mana siyam burumaka aya'umakauno yoganto maranuna, siguno, semi ibononu. ²⁰ Ena waita mano semi, mageugami anasi mantukaunami sefo iyenuno. ²¹ Mini yogam waita mano beyi anona mano mare masidem waya samem. Afo ma'afoemi ara kami beyi yogam waita sasamem , emi ameure yewa yege bewa taonifa bewa ayipa amonanam anene yemi irukam watayu yivige yeno, yemi yiyayam savi ugam, yemi augam afakam wata nampa yibur uyakam baita afakare yivige yeno. ²² Yogam waita mano yewayegem bemi anonama no sine'em, naemi yemi mare sasamem semi, anona mano'o, naye emi ayewami senanto mi'nono senami, semi ai uwarauno, afo mai bu itukane. ²³ Beni anona mano beyi yogam waita sasamem semi, emi yewayege bewa ano ayika napa ami taoni ayipa anepake mapa eraure aramasina naupa yega, upegam seti mai itugano. ²⁴ Fuga sire semi sege enanti, yemi semi yarei yema nago yunami , fugaugaka yemi seti yunam bunate ye. ²⁵ Nesu wata anasi Jisasi nampa bewami , Jisasi wayebemi siyime yenanti manisem. ²⁶ Afo mana waita sepaose yitemi,afo bemi beyanoe afoe nampa anasi iyao nampa be afa awa ayofi,afo beyi wanti mose umam burukatem,afo mini waita mano seti kato iyaori buyitene. ²⁷ Afo mana waita mano beyi kekaya bumarantose semo yema siwakurite afo bemi seti kato iyaori buitene. ²⁸ Mana wayi yigepike,, watayu yimao uwarara ayewa kana nemi bena rafisino mana anenegai, anantai bemi kumakem benai intinti uwanta sokeino na'de moniga mini mana'arana nika meyami umara mini maikepatene. ²⁹ Bumo mini uremi, bemi simiti mana magaga darem mai uwanta buwa kipemi, madem watyu mine mao amoneve awayi itemo. ³⁰ Afo mani semo, mamini wata manomi agoyantemi mai uwaremifo afo mai uwanta ikiparuka. ³¹ Mana kimano ena kinampa aruviran temi ananti aruvi inti kumantuve uwantemi, nayeyara bemi ka tiya tausenia aruvim waita mana dami ena kimano ka tiya mifo ka timifo tausenia aruvim waita dukananti intemi? ³² Amaka ena kinimano aruvim waita buyigana yoka ameure ami sima faru inani waita sakana ena kimi maro arai sima faruevena aruvinti sima uyaga. ³³ Minugami, afo mana wayi yigepike iyewafi beyi maside anene yera buratemi amaka seti kato iya'ori buyitene. ³⁴ Sorimi [Bunti] beni asemi wami awogu ugene, Iteniga urena beni asea buwa ganami beni asemi yerarake maratene? ³⁵ Bunto [salt] beni asemo kipa ganami maganampa gafi burimaka aranampa bu wayega nonane.Beni ase kipaganani bunti fasa dauma intafono beni asemo kepa ganim sorimi[bunti] maganapa buwayegano.Wata mano agagami rukatemi mamini wayami eanana intano.''