¹ Ana nuramanoni yogo kana, anasi yu awogu muku ewa wasabem manta ruwantu uremi, yemi mare matipa, wanurapa ugam buga. ² Masi awauka uyaka omi manta fasa rukami yemi atekaga. ³ Anona Jisasi aumi wamonaruka yemo minitim upegam. ⁴ Minitim mana a anane fawaruga naye yara anasiyu yemi amuna intiri ewamise, minitakenati kam waita iya wado ugam yekam yigeke sagewam yen yiwanapa itaga. ⁵ Afo anasiyu minikanti yimonare, yemi ano fegari uremi yigon yaum romude yinom magafim mapafim mapaure ayotaga, mini waita gantano mauisiga, Fukam waita yiwanampa fawam waita sigemi fawa atakebege? ⁶ Enawa manafi buwatene, minimo yigemo afakewam waita. Bemi ai wafa ita wugane, Gariri sigenampa bemi masidem waya ai sigemi siyimidukane. ⁷ Manisire ami wane, yemi wata agai fakare mare maro ma bigeti waita yu yiyapi rami yemi arure keka yagai magateye, eyo taria nura anepa bemi yewaye gem itabitene. ⁸ Mini wayayuo Jisasi se'enimi anasiyu yemi omare intemo. ⁹ Yemi mati yerare yewayege bemi irebenai yogam waita yu wa ena akum yemo amone inte omi maro sigimika. ¹⁰ Magdala Mariami, Joanami, Maria,Jemsi anoe mifo mana'a anasiyu yemo boyimi mini nusi mare yogam waita yu wapa buga. ¹¹ Afo yogam waita yemi intami anasiyu kasiyu kasi waya sebemono sire yemi yima kuku mini waya ga buyuga. ¹² Minigake Pita itabem matipa airamage buga. Bemi matika ai orabemi afo bemi mente minifim amonaruka. Jisasi aumo fikarukageyo wado manami bemi amonaruka, afo Jisasim bemi wamonaruka. Pitami ifadem yewaye gem beya mapa obem ano intiriuga naye anenemo fawarinati. ¹³ Mini nuramanami Jisasini kato waita ganti emausi magu fa bewa ayipa waganto. Jerusalemike emausi teni biro mita nekai. ¹⁴ Kantano babentami yemi amuna waya siga naye anene fawarinati. ¹⁵ Miniga kantano bebenta asewaram, Jisasi miniga benao adeka yerabe yenapa wuga. ¹⁶ Minugami kantano Jisasi amonama soke buyu gento, nayeyare Gotimi kantano agami uyadamise yeganti bemi amone inte buyaga. ¹⁷ Jisasi yekanti yintauga, segekanti umanapai bebeka amuna waya sewantabe? ¹⁸ Mini yekantike mana waita kliopasi semi, mana'a gana mo yakagami naye wati fawarimi me'e minifa emi ayao jerusalemike bu intagano nami? ¹⁹ Jisasi yewayegam yemi yintauga, Minimi naye ane ne be? yemi manisire bemi samika, Nasareti Jisasi age ose fawari anene, bemi mana kasanapa waitami, Gotinapa wata anasi yugaka bemi soke amam waya sebem barere anenewa uwantuka. ²⁰ Nayeyara senuti ano kawayu wa ano waita bemi fakareya namugo yiyapi daya yemi arureya keka yaga bemi rane. ²¹ Mini waitagai seyuyawa sima kuku ebe yamotauno, bemi beyi isradi wata anasi yewayegem yibigatemi namugoyu yiyapike. kamore nuram mage ai yakakaga ne. ²² Mage wanurapa yemi anasiyu senu antu dofaunayi ure naye wafi matipao fawarinati siga. ²³ Mini nurami matipa yemi Jisasi aumi wamo naruka, yemi ankero amonarami ankero auo Jisasi fawane simi yemi owayege senu mare sisimiduka. ²⁴ Mana'a waita senu siwanapake matipa yiramage buga nayewafi anasiyu sem amonara, afo yemi Jisasi wamonaruka. ²⁵ Yenanti Jisasi sebem, yemi oem waita mo, kasanampa waitayu siga wayaga antu durem ye yira ano itabe amakuku buyitem. ²⁶ Yegemi inte amone buyugegafo kraisimo abisio marananimi, afo naemi bemi sage wananipi upe gatem? ²⁷ Afo bemi mosesika ago yautem kumem mepe kasanapa waitayu, yemo naye wayamo benato sigami Gotini yanti wane. ²⁸ Yemi ere birare sem magu adeka buga, afo Jisasi bemi yakage bira intaga. ²⁹ Yenanti uyarenta senta, Ebugamise emi senunapa wano ayufukewamise. Jisasi yeka yimapa orabem yenapa waga'em. ³⁰ Afo bemi kumantubem yenapa yuna naratem, breti mantem Gotipa susube siremi kidirem yemi yimidu ka. ³¹ Miniga yen yuga anta rigipaya yenao jisasi amonaruka minifagati minigake afubipa yami yemi bemi enawa wamonaruka. ³² Yeganti yeyaranti sebenta, fuga ugane akapa bemo sekanapa'o yebemo Goti afimo wam waya simi, seka tira'ano intawugane? ³³ Yeganti ameurentaitabentami jerusalemi buganto mana'a akunapa itebenai yogam waita ruwantu ure wapa. ³⁴ Yemi yeganti siyimemi, fuga ugane anona ai itawa gane, saimonikai bemi fawaruga. ³⁵ Jisasi farawa kidinati akapa bebemo amo sinafi, yeganto bemo amonatami mini waita ganti yegantane siganto. ³⁶ Miniga yemo bemose asewami Jisais bena'o yenyiwa napa fawaruga, afo bemi yenafi semi, Gotini ara faru inti yigenapa wano. ³⁷ Wami amoneyara sire yemi ano fegari uga. ³⁸ Afo Jisasi yenati semi, nayeyara yigemi fege bega? Nauganafi yigen yirapi amuna intainti wane? ³⁹ Yegemi simonago siwa siyam, afo semi fakare amo nage semuno mini semose makaunayi urem wamano amasi agumi ayapa burukem. ⁴⁰ Jisasi minisiremi afo be aiwa aiyam yemi yigati ruka. ⁴¹ Yemi amuna intiri ewamise yen yira ano bemi amo buyu akaga, bemi yemi yintauga, newa yunam mana'a yiga makage, bae? ⁴² Afo minifake yemi mana kuntuka noyai amiduka, ⁴³ Bemi afo yen yugaka mantem naruka. ⁴⁴ Jisasi yenati manisiga, semo yigenapa famo wage egu na semi manisere sigemi siyimuna mino, masidem mosesi amam amam yanti sigana kasanampa waita sigana i bukufimo sigam wayami mini senati siga. ⁴⁵ Bemi yenti intiti manta riranami yemi intagoya Gotini yaufim wam waya. ⁴⁶ Afo bemi yemi siyimem, yemi manisire agantuka wane kraisi abisi mantena fugino, bemi taria nurami yewayegem. ⁴⁷ Minugami yuo wayegem yogawa afo ena wata anasi kumio yiranti Jisasi abipim Jerusaremike naago yantena buge yige maside ayapa mana maga ga ino. ⁴⁸ Afo yigemanami sima fawariuagomi mana mini anene yuganti. ⁴⁹ Amonago, setifoemo sisikagami semi sakauna yige wapa ai guka, minigafo yigemi Jerusaremiga rafiise bega yakena erautiv marago. ⁵⁰ Jisasi yibima mapa yemi taunifike remi yenapa bemi mana magu beteni adeka buga. Afo bemi ayami yanafa demi yemi blesinuga. ⁵¹ Miniga yemi bemi blesinebe afo mana maga yerarem sada sada inarufa uka. ⁵² Yemi bekai monoi seremi afo yemi yewayege Jerusaremi ano yimo ituka napa buga. ⁵³ Afo maside nuram yemo mono mapim wami yemi Goti abiana yanti itemo.