¹ Mimi kanfimi Sisa Ogastasi mana lo mageni manuga maside wata anasi Romani kamani ame na wayimi yibii yimitemo. ² Minimi amanta mirani uremi maside wata mi yantemo, minimose fawerimi Kwairiniasimo Siria provinsifimi kawama waye' emi. ³ Ugami mage mayami beyi mage antafaga avi'i maga. ⁴ Josepi Kini Devitini akupikemi minugami bemi Nasareti taoni Galili yera demi Judia Devitini taoni fimi bemi, ben avi'i Betlihemi. ⁵ Bemi Maria nampa bemi avi'i maro magemi MAriami amuwa'i, minimi mini asika uya demo bemi marano sigami.. ⁶ Yemo Betlihemi oma fawarumwomi,Mariami iyaonti maganani kanami yeraveni. ⁷ Masidem fasintia magu'i ituvimi fa rumu wai buwage' emi ifademi bemi bulimakem amapimi oma wawemo, afo ana agai ain agai magemi yawarave nako yera ya'akaremi bulimakamano yunami newam bogisefim magemo. ⁸ Mini afumi sipisipi defisewam watayui yeyi sipisipi yu'i Betlihemi taoni manomi mapai dafisemo. ⁹ Mana Ankero yekai yema fawaremi Gotini Omanoni Sagantamo yemi fikaremi yemi anona fegari. ¹⁰ Afo Ankero ano yiyimemi Yigemi bu fegago semi avogu wagemi yige wapa mare yewa'u mini wayamano maside wata anasi yimoitemo. ¹¹ Mage mana kamagai Devitini taonifimi mano inimano iyaonti magemi mini aga amo masidem wata anasi yibigatemi Bemi Anona Kraisi. ¹² Yigemi amonama bemi manina gomi, mana agai yawaravenako umarami bulimaka mano yunami newa pimi wavemi. ¹³ Ame ama uremi inarufakena ami mano fawaruve mi Ankero nampa Goti avi'i yanive semi, ¹⁴ Goti avi yan afa ano magaga'i wata anasi yira faru nampa wago. Gotimi ara soke uyikemi ¹⁵ Ankeroyu yera remi bovomi inarufa'i Sipisipi dafisim wata semi ame ogo Betlihemi araveya mini anene fawarimi amonasuwa itemo anona mano sisimikami. ¹⁶ Ome ure bemi Maria ya Josepim yifakemo amonami iya onti bulimaka manoni yunam bogisifim wawugem wa.. ¹⁷ Aose amonaremi, yeni sime fawanemo nayemo Ankero amo mini aganti yiyimikam wagami. ¹⁸ Masidem wata amasi itemo mayemo Sipisipi safisim watayuo semi nesu intiri emo. ¹⁹ Ugami Mariami masidem mini wayami onape mi dukemi inte inte eve wa. ²⁰ Sipisipi dafisim wata yerade bemo aremi Goti'i avi'i yani emo nayemo intemo anonami maside yanta ose fawarimi nayemo Ankero yiyimini wemi. ²¹ 8 a wayawami yakagami benanoe mamagakakemi, be aumi akefemo, ben avi'i demi Jisasi. Mini avi'i Ankero ami avi'i anoemo amuwagi bu ugami. ²² Mono naupa iya ontano Jerusalemi i anona manona ami kanami. ²³ Yeganti anona maneni Lo mi awaku rentamo ure waya wani emo, "masidemi ananta agao yinoe unam mada nami Anona amego. ²⁴ Onene ameni Gotini lo mano sigante kanti anona numi susuyantai. ²⁵ Mini kanafimi mana wata Jerusalemi i bem avi'i Saimoni, mini watamamo ateka anta Gotimi monoi sasake wayi. Bemi ave emi watamo Gotimi uyademo Israeliyu yira soke uyikaranti. ²⁶ Ayo aga benampa watem. Ayo aga ana sasamemi semi ame emi bemi bu fugitami Bumi, bemi amona Kraisi na amona, anantai. ²⁷ Ayo ago ano inanta Saimonimi itarami afegemi tempoli fimi. Yeganti afoeya anoe iyao Jisasimi abigemi bemi anta uakaranti mosesmi lo mano Sigani'i. ²⁸ Saimoni abigemi ayaka fakanemi Gotimi yani emi, manisemi. ²⁹ Anonamano magemi e'anaua ey yogam wata ara farunampa bino, eni wayammano sigante. ³⁰ Magemi setu gamano a'i amone nanememo emo uwante seyuya sibigara ona. ³¹ Emi masidem wata anasi yugaka yowaro nami. ³² Mana omano manta fawarinami ani aupa waiyami ena akum wata anasi fimi afo anon avi'i Israeliyu yiminani mini yemi en wata anasimo.. ³³ Iyao afoe ya anoe nesu intiri entamo nayemo yeganto intatami. ³⁴ Simoni sokeuyikarem yiyimemi Maria iyao anoemi, inta mana agai Gotimi uyaduke nesu wata amasi Isaeli yui dufambe minu ma nesui yerare itavitami bemi mana maki yantai wata amasimo benanto bu ayigayim, nesu wata amasiyi yuyi ampa intitano fakagi itemi. ³⁵ Mana anona ai ugami manano bainati mano akaremi en amafomi akefatemi. ³⁶ Mana yoga mini beu avi'i Ana wai wage'em bemi Pamueli araumi, Asani akupikemi bemi aoana ugami bemi wata mantemi 7 ni' a Kirismasi beyawafi nampa wage'em. ³⁷ Bemi bami auasi ben awafu fubimi 84 kirismasi gai fa wage'emi. Anami tempoli yera ifa burewayimi yunami aventa wemi au gami muke wayimi wayawam wa ayufum. ³⁸ Mini kamaga ugami Anami adeka yemi iyaontanomi Gotimi susu siakemi. Mini aga'amomi waya sima ama uyi memi mini aga'anomi wata anasi awe e ve Gotimi yerademi yabiganani Jrusalemi wata amasi. ³⁹ Ao maside anene uwantemo Anonamano lo mano Sigani wemi yemi yeraremi Galili bemo, Nasareti yenti taonimi. ⁴⁰ Iyaonti anoni uvemi, ere uvemi awgu intiti dukami Gotini awa awa bere wage'emi. ⁴¹ Maside Kisismasi gai Jisasi afoe anoe Jerusalemi bewa anona Pasova nurami. ⁴² Jisasimo 12 kirismas maremi yemi Jerusalemi yerade biranti. ⁴³ Mini anona nurakai monoi kipami afo yerade yeyimagufa. Ugami fumare agai Jisasimi yerademi Jeruselimi Ifademi kepemi ben afoeye ano eya ifademo wami bu inte amone entamo. ⁴⁴ Yemi intemi bemi man'a yunampa yebemi no semo yenonapaoo gigagi nampa naemi yebemino sigami manon wayawami yakagemi Naemi afokemo anaoyu nampa akun yiwanapimi yeyi akumano yiwanapimi. ⁴⁵ Ugami bemi bu amonemo, yewayege Jerusalimi oma afakemo. ⁴⁶ Naemi kamore wayayami yakagami tempoli fimi afakemo. Bemi iwanampimi kumakemi lo manoni Tisa yunampa inte wemi yintaemi. ⁴⁷ Watayu i ben ame intayimi antudemo bemi save yanta wa wayami anonai wayami . ⁴⁸ Bemi amonentami antudentamo, ben anone sasamemi semi Iyaontano nauga ya sekanti mini anta uwatike veve? Itano, seganti enafoedemi sira umanti durekami em afakevekare. ⁴⁹ Ugami Jisasi yeka yami anona emi semi Naugaka semi sifakeve kare yigeganti bu intage kare, semi sesifoe amapimi watage? ⁵⁰ Ugantami yeganti anta wayami avogu urenta bu menantamo bemo sim wayami. ⁵¹ Afo bemi yekamampai bemi Nasareti yekan yami intama sokeuremi awakuremi. Ben anoemi awagu wemi mini wayoyui arapimi magemi. ⁵² Jisasimi anoni emi avogu inti nampa save nampa Gotini ayiakami wata anasi wai ayiakemo.