^{2 1} Sorimi mana araka wage'em Sitiveni fugi ranti. Mini gake Sorimi agoyantemi Jerusalemi'o bam mono magu'i manta savi sawa uga, masidem wata anasi fede madepa buge yige uga Judiawa wa Sameri'a magufa,ugamifo yogam waitayu yerare fedde i buga v 2 Watayu Kotim awakuroyimi Stiveni afakaremi ano ifi,i daduka bekai. ³ Ugamifo Sorimi mono magu manta savi sawa uga,mana mana mapim upevemi wata anasi dirifama mapa demi kalabusi uyikaga. ⁴ Yima kuku ewa wata anasi iyemo fedemo masidepa buge yige ugayi minifa, Kotini baya yiyimemo. ⁵ Filipimi kumemi anona magufimi Sameria Kaisini waya yiyimem. ⁶ Nesu waita anasi amonemi,intemi Filipimi uwaram ake yogaru'i,ye yakagami amima soke uremi intama soke emo bemo sim wayayu'i. ⁷ Savi sava awamugu yera yire bemo iyemo dukayi pike, yemi mini savi awamugu'i anona ara nampa'i asevemo. Iyemo ai ayamo fubugayi soke emo. ⁸ Uvimi anon amoyinti mini anom magufim fawaremi. ⁹ Afo mana waita ben avi,i Saimonimi bemi asefe anta evem nesu waya anasi Samaria manta yaigemi beni asefe antayanti,beyaranti anom waitave sirem. ¹⁰ Maside Sameria ke wata anasi, anon kake aga kake kumatuve bemi yagagamo amiduka,yemu semi, Mana waita mano Kotini eraranta maka. ¹¹ Be amanami intewam,nayeyara, aya kanami beyi savi sava asefe antanako intinti mata savi sawa uruka. ¹² Ugami yima kuku emo Filipimi Kotini waya napa Kotini era nampa Jisasi Kraisini avipim, wata wa anasi wai mono nomaremo. ¹³ Saimoni bewai amakukum emi mono nomi marara,maside nurami Filipi adeka'i wage'emi, antururem filipi mo era napa anona yoganto mare wami. ¹⁴ Yogam waitayu Jerusaremi kem waita intami Sameria yu'i gotini baya mantarami.Pita ya Joni ya siyikami ye wapa bemo. ¹⁵ A'i kunta venta yewapa , Samaria yu'i aiyo agai maragoyanti yugamuka. ¹⁶ Mini nura manami ,mono nomi jisasi avipimi mantarami ayo aya'i bu kumemi maya maya amugai. ¹⁷ Naemi Pita ya Joni yinoka yiyam dami ayo aga mantuka. ¹⁸ Saimoni amonami yogam waita yu'i yiyam yinoka dami ayo aga marami,monei yimiruka. ¹⁹ Mani semi, semba mini eranti simina wata anasi yinoka siyan danaya ayo aga marago yare. ²⁰ Pita mani sirem sasamemi,eyi mone nampa enampa savi ino, naye yare Kotini anene moni nako aya iyino. ²¹ Emi mana yoganti mana yogantimi bumaka enitawai fugasirem iwa. ²² Eyarai wayede eyi savi sawa antami arapikenami yerarewa Kotimi jawakurono.Koti intainam en aui sese uakenai savi anta en arapim bami mamta fasa dano. ²³ Naye yare, semi amonaunami emi anona savi wantimi wanave eni savi araintano eni kumi'i kumaka. ²⁴ Saimoni anona waya semi,seti augam mukiti anona manopa,mana anene fawa iyitem yigemi intewaka. ²⁵ Anona manoni waya sima fawarure sirami,Pita ya jonimi gotini waya masidem magufimi sameria yeradem bemo jerusalem. ²⁶ Anona manoni awamuano Filipimi sasamemi semi, ''Itave afau untewa ayapa owano Jerusaremi kumewam ayim Kasake kumewa ka''.(a,ana kewam magufike kuka.) ²⁷ Bemi itavem bemi.Bemi mana Itopiya waita yimi amonem Itopiya Qwinini yogam waita,Mini waitami anon avi'i ba ano yogam makayi Itopiya Qwinini kamanipim, beni monika ba rafikayi. ²⁸ Bemi beyi kraisifim kumantuvem yeradem Itopia bevemi Asaya agantukam yaumi yantem buga. ²⁹ Anona manoni awamuano FIlipimi sasamemi semi,''Me'a ayapa karisi adeka itawono''. ³⁰ Filipimi uyaem bewaka bemi, intami Itiopia waita kasi nampa waita Aisaya agantukam afaunti yantewam intem,bemi sasamemi semi, ''mini yantewana anta wayami intagewafono buwafino''? ³¹ Mini itiopi waita mano semi,naurega, mini anta waya semi intategafu, no busisiminai?'' Filipim intaemi karisifim kumantem be nampa. ³² Mini wayamo itopta waitamo yantami Kotini ami manisiga, ''bemi avige sipi sipi agaganta avige bemo wata ayapim dana arinayo ifo sipsipi yanta kayona urem watem ayau akefananim waita ayapim, awam ogadem mana wayawai bu sitem . ³³ Bemi manta kumantu akaremi atede koi sasakemo.Iyewai sima fawarurena ben,agai samitenafi? nayeyare, yemi bem aumi mana magafike manta fasaruka''. ³⁴ Mini Itopia wata mano Filipimi intaemi, ''semi emi intaege,mini kasinampa waita mano be yarara senafi a'a enoyara senafi?'' ³⁵ Filipimi ami agoyantem ami semi, Koti a nampai ami agoyantem , Jisasini awogu waya sasamem. ³⁶ Akapa yeganti beventami, mana nomi wakai oravorami mini Itiopia wata maro amonem sasamemi semi, ''Amonano, nomi wane? nayemano semi kareyogatene nom mararare. ³⁷ ( Buagaka.) ³⁸ Mini Itiopia waita mano erarurem beyi karisi mare fakaremi . Yeganti noka kuntaveta Filipi Itopiya waita nomi marakaka. ³⁹ Nopike fasagi orami,anona manoni awamu ano Filipimi avigem bimi,mini itopia wata mano enawa bu amonemi, amoyewem buga Itopiya waita. ⁴⁰ Filipimi Asotu maguga oravem maden ayapa buga, mini maguga'i gotini wayami yiyimi duka,maside anona magufimi bemi Sisaria ofawarugam.