¹ Afo Festusi anom magufim yefegemi, naemi kamore wayawami yakagami, Sisaria'ke Jerusalemi'i uremi. ² Mono sewam Ano-anom wata nampa Judayu anom waitayu Polimi waya sasakarantemi, Festusi wapai mare yemono. ³ Bemi intaemi eyo waya yiminami Polimi umanti amiranti bemo Jerusalemi urinami, akafami, yemi arumanti fugirantemo. ⁴ Festusi yemi siyimemi Polimi, Sisaria fakarukam bami, adenaka benao minifa bonunave. ⁵ Minugami, iyemose yigepike senu nampa minifa bevena, mini wata manomo umanto dukanai, kanami waya sasakanagomi. ⁶ Festusimi, mana siyane afapake kamore uremi kan siyam nuram wa'yawam yakagarem bu wage'em, ena nurami Sisiria kumemi waya rayimewam maguga kumatemi afo siyimemi, Polimi avigeya beka yego. ⁷ Miniga yema fawaremi, Judayu Jerusalemi wayi ben adeka maro itabuga, nesu umam waya'yu se'emo mini waya-manoni anta yenana'o bu afakarukam. ⁸ Poli beni waya akeirantemi mani semi, "Se mana'a sayeke bu urukau, Judayuyi age wayafimba, mono mapinafi, Cisa avika'i. ⁹ Ugami Festusimi Judayu'i yira soke bemi uakago yanti, minimi Polini waya anona bemi semi, "Jerusalemi urina eni waya se minifa maru intanoyare, mini yanta yanti? ¹⁰ Poli semi, "Semi waya dayimim waitaga'i Sisa'ni augaka itavugeu itemo seti waya dayimitem. Emi intama avogu uganami, semi mana sayeke Judayu bu urukau. ¹¹ Ugami semi sayeke urukeo semo sayeke ukueo fugono yanti mini sayeke-yanti, semi fugirante bu fegeu. Ugami yemo muna waya sufimo magamo, mana'bayi semi yen yiyapim bu magatemi. Semi Sisa intaeu seti waya intano'yare. ¹² Naemi Festusi magu-rafisim waitayu'nampa waya siremi, waya anona sem, "Emi Sisami eni waya intano'yanti siruka. Mini inamote sisa wapa binona. ¹³ Afo mana'a nurami yakagami, Kimi avi'i Agripami nampa Benaisi ya Sisaria'ke yem Festusi amonarante. ¹⁴ Naemi nesu nurami minifa wami, Festusi mini waya Polimi'mose sasakewayami, kimi amemi; mani siruka, "Feliksi mana waita kalabusi uremi duka. ¹⁵ Semo Jerusalemi wauna kanafimi, anom-mono waitayu nampa Judayu anam-waita, yemi mini waitami sekai ko siga; semi ko'ano eyo sinana mini watamano beni sayekega savi meyam mara. ¹⁶ Semi yenti waya anona siyime, Romuyuyi anta waye, mana waitamose a sasakarukatemo bemo asasakano'nampa a siremana a- rayumim waitaga wayafike aruvitem. ¹⁷ Minugami, senampa'o managa duwantu'omi, semi bu dafiseu, ena wayawami koka intavim maguga oma kumante'u yiyime'i mini wata avige urogo. ¹⁸ Mini a' sasakam waitayu itave a sigam, semi intaunami, mana mini waya mano umanti bu duka. ¹⁹ Ugami, yemi mana'a umaranti yeyi mono'o sewan antayanti, Jisasi iyemo fubugayi, itemo Poli semi fugipike itavem aum mante bam. ²⁰ Semi ama bu'ugau ami manta fawari mini waya'manoni anta intanu, bemi intae'u kanawa Jerusalemi'i oravema mini yantayu'yanti koka'i intateve. ²¹ Ugami Polimi sintaemi kalabusi mapimi be'i Sisa ave'ewanami beni Koti yema intanani semi yemi yiyime'i bemi fakaramo waganaga sasakana sisa wapa bino. ²² Agripa, Festusi nanti semi, sewa mini waita mano waya intarare "afo Festusi semi, "sagana beni waya intano". ²³ Afo sayami, Agripa ya Baniasi ya anom yimo nampa yentamo, mini maguga anom mapim fegentamo aruvim waitayu nampa mini magufike anom watayu. Festusi arama simi Polimi avige yemo. ²⁴ Festusi semi, Agripa, kimi nampa yige masidem wata senu nampa yewami, yige iyemo mana wata amonago; masidem Juda wata-anasi iyemo mana wayamo intami Jerusalemi wa managa wa, arama se'i mana watami iyaka mana magaga bu wano'yare. ²⁵ Semi inte amone'unami, mana waitamano mana sayeke bu'uruka amaka fuginanini bu uga; ugafo nayeyare, bemi intaemi Sisa'ka ben ami rayiminoyare minugai bewapa sasakanam binoyanti. ²⁶ Ugami semi mana sokeugam waya budukau Sisapa aganta daminami. Nayeyare minuga'i avige eka'i ye'u, mini emi Kimi Agrippa'ka, minure'i semi nesu waya mante'i agaranuna mana umaranti. ²⁷ Se inte bunami, bu ategate'mi, semo mana kalabusi waitamo mana anta bu duka, waya bu siruka naye antayara bemi sasake'yafo.