¹ Polimi atedemi kanisolo akum waita yimonare semi "Sifa tiwa'o, semi atede'i Koti augaka'i awogu inti nampa'i managa ye'uno. ² Yinom waita Anania'asi watayu yiyimimi ben adeka itage wayi awaun dufamemo. ³ Poli bemi samemi "Kotimi aritene emi, emi efar afauntono kuguga yaga aga'kam. Emi kumakeve sena age wayanako ko timide semi sagagam dufaminteye? ⁴ Yemo adeka itagi semi, "Aga minurega Kotini Anom waita sima savi evege?" ⁵ Poli semi, "Semi bu yintagau sifa tiwa, bemo yinom waita wami. Mono yaufim agakane, emi sima savi buyono watanasiga dafisim waita. ⁶ Poli yimonami mana'a kanisoloyu'i Saidusiyu wami, mana'ami Farisiyu'o, yen yiwanapake bemi ka'urem semi, "Sifa tiwa'o, Semi Farisimuno,, farisi waita aga uno, Nayeyara semi imaya eve'i yimonara fukam waitayu yewa yege itawogoya. Minuga'i semi koka itama era uga. ⁷ Bemi mini baya sirami, Farisiyu nampa Saidisiyu amuna baya sewami yen yi'wanapake amuna mano kantin dayimemo. ⁸ Nayeyarafi, Saidusiyu semi fubugam waitayu bu itavitemo, Ankero nampa awamu'i buwa semi, Aka Farisiyu yemi semi masidem wane semo. ⁹ Mi'nugami anom baya seve bami mana'a lo manoni intim waitayu Farisiyu akupikem itave eram baya nako ma'ni sire se, "Seyu afakauna sayeke mana waita bu yuruka. "Aka fugawa sipo awamu ano nampa ankero ano ye sasamidukafo?" ¹⁰ Anom baya sire yisuwomi a'nari ugayi yimonami yiruvuriri ewami bemi fedemi mineveya Poli arure anakarafo siremi bemi aruvi waitayu siyikami kanisolo yiwanapake o'avige mare banisi awanapa remono. ¹¹ Ena ayufumi anona mano Poli adeka itagemi semi,''bu fegano, nayeyara em setivi'i Jerusalemi sima ama'urukapo, minugafo emi seti witinesiyi maro Romi magufa ono. ¹² Ena wanurami, mana'a Judayu'i ruwantu uvemi eram ake wayayu sire yeyaranti yuna nampa nomi bu nanti beyami Polimi aroteyane. ¹³ Fotia waitayuwa yakagare bemi mini eram baya siga. ¹⁴ Mini waitayu bemo dafisiru nampa yi'nom waita yu waka orave se." Seyuyami eram baya sima anta ure'yami seya fugave mana yunam ba bunanti fabeya Poli aruma fugoteyane. ¹⁵ Minugafo, e'ana Kanisolo yinom waita sasamina avige managa kumiga beni ko'ii dayinte intama soke ewaganaya, afo seyuyami sesa ureya beya ese aruma fugosuwa. ¹⁶ Poli au'mano aga'ano intami muna tire rafi'de wanayo, Minugamise bemi upegemi eram soldia yuyi banisifim Poli maro sasamemi. ¹⁷ Polimi mana Soldia waita a'raram yeravimi samemi, Avige mana yanpala waitami anari uga dafisika bono be mana'a waya dukamise sasamintene. ¹⁸ Soldia yema avigem mini waitami soldia yuka anari ugayika sasmemi semi, " Poli sarara'i semi ye'uno bemi sisimidem semi mana yanpala waitami avige yeno. bemi mana'a baya sasamirati." ¹⁹ Anona dafisim waita avige wata i'wapa marorem inta'emi," naye baya wa semi sisimiranteve?" ²⁰ Fumara waita semi, "Juda yu'i wayami anta'uremi emi inta'iya Polimi sagana avige kumonoya kanisolo yuka, yemi afakama sokeure inta itemono beni koganti. ²¹ Ugafo yenti waya buwa intano, nayeyare foti'a (40) waitayu wa yakagaremi ayofare bemi ave itemo mana ake waya simaka, mana yunam ba bunanti bemi Polimi aritemo. emose sinonayanti aveyeve bemo. ²² Anariuga dafisintano yanpala waitami eram baya sasamidemi ifadami bemi, "Ena waitayuwa semo sisimena baya nampa mana aneneyu bu siyimeno." ²³ Afo bemi yaranta kar aruvim waita ganti yerabora semi, "Bewa tu handretia aruvim waitayu sesa'ure bogo Sisaria magufa nampa seventia osika kumake aruvewam waitayu nampa, tu handretia fagonako yiruvewam waitayu. Minurega, 9 kiloki inaga ayufupim binago." ²⁴ Miniga enawa mana safurami Polimo kumantuvem awoguka'o kavana Felix wapa binanim simi mare yemo. ²⁵ Yewayegem mana afaunti manisire agaremi; ²⁶ " Semi Klaudias Lisiasi ewanafa'i awogu nurane sakege anona anari ugana Kavana Felixsi. ²⁷ Mana waita Juda yu fakare aruma fugirante ewa'i afo semi yerave'i soldiayu nampa yo'ya ure'i fake'u, intau'nami bemi Romi magu anta waita. ²⁸ Semi intarare naye anta yara yigemi ben aufim magevege, minewa'i semi avige yenti kanisologa kumonu. ²⁹ Semi intau'nami bemi savi ure inta uga yenyi age baya yanti, Bemo muna baya siakam bayafimi umanti buwa bemose aruma fugeyafo a'a kuyinayom. ³⁰ Mage intaunami yemi savi intiri uakevemi aruma fugirar ewa, minuga'i semi ame'ure sakaruka'u ewanafa, siyime'uno bempimo muna intiru'o rukam waitayu mare ko'i sego e'wanonaga. Awoguge." ³¹ Soldiayu yen ya awakunte. Polimi ayufupim fakare avige Antipatrisi wapa bemo. ³² Ena nuram, amuna soldiayu yera yire osika waitayu benampa oravemi owayege yeya'o yiga eram banisifim. ³³ Soldiayu Siseria oravemi maro afaun yau Kavana amidemi Polim ba'i ben aukapa ita magemo. ³⁴ Kavana (gavana) afaunti yantarem Polimi intaemi emi item magufikem waita beve? Bemi intami Silisia waita wami, ³⁵ Bemi samiruka, "Semi masidepa awogu ure'i inta nuno emose ko'o sasakewam waitayu'o managa yi'ote," Bemi sirami Poli avige Herotini anona mapim maro rafiduka