¹ Solumi mana araka wage'e sitiveni fugi ranti mini watawa solumi agoyantemi Jerusalemi'o bam mono magu'i manta saui uga masidem wata anasi fede madepa bige yige uga judiawa wa sameri'a magufa,ugamifo yogam waitayu yerare wageie uga. ² Watayu iyemo gotino ayinto wawakuroyi sitiveni masifaremi ano avi,i ragemo benanti. ³ Ugamifo solumi mono magu manta savi uga emi,mana mana mapim upevemi wata anasi diyufarem kalabusi uyikemi. ⁴ Yima kuku ewa wata anasi iyemo fedemo masidepa buge yige ugayi minifa,i gotini baya yiyimemo. ⁵ Filipimi kumemi anona magufimi sameria kraisini waya yiyimememi. ⁶ Nesu waita anasi amonemi,intemi filipimi uwara ake yogaru'i,ye yakagami amima soke uremi intama soke em bemo siwayayu'i. ⁷ Savi sava awamugu yera yire bemo iyemo dukayu,pikemi mini savi awamugu'i anona ara nampa'i asevemo iyemo ai ayamo fubugayi soke emo. ⁸ Ugami anona amoyinti mini magufim fawaremi. ⁹ Ugami mana waita wabe'un uga ben avi'i saimonimi iyemo beyapa'o savi uwa anta yu evimemo sameria wata anasiyu antudemo mi uwa anta yanti,beyaranti semi se anom watave. ¹⁰ Maside sameria wata anasi anona gake akaka kutavimi bemo yagagamo amidu kayi,semi mana waita mano gotini eran duka anonave. ¹¹ Be ami intawa,nayeyara aya kanami beyi savi sava uvagunako. ¹² Ugami yima kuku emo filipimi gotini wayami gotini era nampa jisasi kraisini avi'i nampa'i,wata wa anasi wai mono nomaremo. ¹³ Saimoni bena'o wai mono nomi maremi,maside nurami filipi adeka'i wage'emi antururem filipi mo era na anona yoganto mare wami. ¹⁴ Yogam waitayu jerusalemi ke waya intami sameria yu'i gotini baya mantarami,pita ya joni ya yiyikami ye wapa bemo. ¹⁵ A'i kunta venta saneria yu'i yugamuku yikeka ayo aga mara go yanti. ¹⁶ Mini kanafimi,mono nomi jisasi avipimi mantarami ayo aya'i bu kumemi maya maya amuga'i. ¹⁷ Naemi pita ya joni yinoka yiyam dami ayo aga maremo. ¹⁸ Saimoni amonami yogam waita yu'i yiyam yinoka dami ayo aga marami,mone'i yimiruka. ¹⁹ Mani semi,sem wa mini eranti simina iyem wata anasi yinoka siyan danaya ayo aga marago. ²⁰ Pita mani sirem sasamemi,eyi mone nampa enampa savi ino nam naye yarafi gotini anene mone nako aya'i ra sewanami. ²¹ Emi mana yoganti mana yogantimi bu dukanami,nayeyarafi,enara'ano goti nampa bu ateka. ²² Mini namote ara'i wayegana arapim savi antayu itukami augam muku anona wapa intai nana ara nampa savi anta manta fasada,savi inte inteyu enaupem wanu'i. ²³ Naye yare semi amonaunami anona savi wantimi ara savi nampa kumi anoni kuyintimi. ²⁴ Saimoni anona waya semi,augam muku sikano anona wata,mana anene yige senanene bu fawarinani. ²⁵ Anona manoni waya sima fawarure sirami,Pita ya jonimi gotini waya masidem magufimi sameria yeradem bemo jerusalem. ²⁶ Goti ankero mano filipimi sasamemi semi,itabe buno akafam jerusalemi buga ayipa'i,gasa kumono mini ayimi kasaugam magufa bemi. ²⁷ Itavemi kumemi mana waita itiopia kuinini yogam waitami,jerusalemi kumemi gotimi lotu uakara mini waita mano anona avi'i kamanini yogantimi Itiopia Kuinini yogantawa'i duka Kuinini moneka dapise wayi. ²⁸ Kraisifim kumantuvem yeradem Itiopia yerarem Itiopia biranti mono yaumi asayah agantukam. ²⁹ Anona manoni ayo aga ano filipimi sasamemi semi,me'a ayapa be karisi adeka kumantu. ³⁰ Filipimi uyaem bewaka bemi intami Itiopia wata mano yogam waita asayah buku yanteve,sasame,minimo yantewana waya anta'ami inteve wafo a'a buve. ³¹ Mini itiopi waita mano semi,naugayave,mini waya mano antami,intanu,watamo sisimim wata buwana'i?Filipi intaemi karisifim upeve sere kumantu .Filipi benampa uma kumantemi. ³² Mini wayamo itopta watamo yantami manisiga,bemi avige sipi sipi agaganta iyemo yiminami watayu aruma fugitemo,aga sipi sipi sadegem waganami anon ya'u akefarare sinanim wata aya pimi,avaunti ogarem mana waya busitem. ³³ Bemi sima savi ure,ateka koti bu intemo Iyewa sima fawariteve benagafanta?nayeyarafi,mana magaga bemi aruma fugemo. ³⁴ Mini itopia wata mano filipimi intaemi,emi intaege,mini yogam waitamano be yarara senafi a'a enara senafi? ³⁵ Filipimi ami agoyantem semi,mana waya mi Jisasimi waya bepa ruka. ³⁶ Akapa beventami mana nomi wantami oravorami mini Itiopia wata maro semi amonano nomi wane. ³⁷ Naye yanta'ano semi fakatemi,mini itiopia wata mano eram waya sirem Karisi fasiemi. ³⁸ Mini itiopia wata mano eram waya siremi beyi karisi fasiemi,nopimi kupegarami Filipi,mini Itiopia watamanomi mono nomi fe'akaka. ³⁹ Nopike fasagi orami,anona manoni ayo aga ano Filipimi avige bimi,mini itopia wata mano enawa bu amonemi,amo uantem beyi apa buga. ⁴⁰ Filipimi asotusi maguga fawaruga,maden ayapa buga,mini maguga'i gotini wayami yiyimi duka,maside anona magufimi bemi sisaria fawaruga.