¹ Polimi atedemi kanisolo akum wata yimona remi semi afa awa yu'i semi atede'i goti augaka'i wage'ei,avogu inti nampa'i yei managa yerave'u. ² yinom wata ananiasi watayu yiyimemi adeka intare bemo awaum dufamira evayi. ³ Poli sasamemi''emi efa afaunti kugu a maga'i gotimi agagam dufamitemi,em lo awakure vego sire wa waya bu awakure,bebe emi intanami semi lo mi dadevanewa em sewa agagam dufamotege seveve fayanti? ⁴ Iyemo adeka itera wayami semi, naugayawa gotini anom waita sima savi gugam uakeveve? ⁵ Polimi semi, afa awa o bu intarukage yige yi'nom waita wami. Kotini yaufim ma'ni siga emi sima savi mana dafisinti watanasi yi dafidinti. ⁶ Polimi afakama fa'warimi mana'a kansolo yu'i Saidusi yu'i mana ami Farisi yu, minimi arama kansoloyu yiyimemi, afa awa yuge semi be'u semi ake intinti dukau fu'bugam wata yu yera'de itavina yimonara, minuga'i semi Kotiga itavugau. ⁷ Mini baya sirami aruvim baya fa'waremi yen yi'wanapa Farisi wa saidusi mini duwantu mano kantimi dadaga emi. ⁸ Nayeyarafi, Saidusi yu semi, fuganami wata mano bu itavitem, Ankero nampa awamu'i bubemi, Farisi yu se maside bemo. ⁹ Mi'nugami anom baya seve bami mana'a lo manoni intim waita yu Farisi yu akupikem itave eram baya nako ma'ni sire se, "amonafunami mana waita mi mana waitami beni savi anta ba bu afake'ya, fugaba sipo ankero yu nampa awamu yu baya amidukapo." ¹⁰ A'nanta ugayim amonami aruvuriri omi fe'dem sem mi'ne'e mini waita yu poli au ragadana figine sire beni soldia yu yiyike kuntavega Juda yu yiyaka Poli oma avigega soldia yu ano mapim upega. ¹¹ Ena ayufumi anona mano Poli adeka itagemi semi,''buwa fegano,nayeyara em setivi'i Jerusalemi sima fawaruruka ugayami emi semi same fugasim watami wanami romu';i. ¹² Ena wanurami, mana'a Judayu'i duwantu uvemi eram ake wayayu semo yegaranti semi yuna nampa nomi bu nanti bemi Polimi aruremi itemo. ¹³ 40 a yaka garemi watami bemi mini eranampa ake waya siga. ¹⁴ Mini waita yu anom hetprisi yu nampa yi'nom waita yu waka orave se." eram baya sima anta ure'ya se, mana yunam ba bunate'ya fa'wage'e ya Poli aruma fugofanu. ¹⁵ Mi'nugami, e'ana anom waita yu nampa Kansolo avige managa kumiga bena intama soke ogo. Managa kumitem su'ya arika ana be'ya. ¹⁶ Poli aumano aga intami muna tire rafi'de bami soldia yu'i mapim upe'bem Poli sasamimi, ¹⁷ Soldia yu yi anom waita ararem sem mana aga avige anom prisi waka bi, mana baya ben sasaminanim ruka. ¹⁸ Soldia yu yi anom waita mini aga avigem Anom waita ga bemi sem, "Poli kugam waita sara'i yunami sisikem managa avige ewapa bono si'i ye." ¹⁹ Anom waita avige wata ivapa marorem intaem, " naye baya ba sisimiranteve?" ²⁰ Mi'nugami fumara mano semi, "Juda yu'i wayami antau remi emi intayami Polimi avige kansolo yuka kuminanimi saganami, yemi afakama beni Koti ga'i sokeitemo. ²¹ Ugafo yenti waya buwa intano, nayeyare foti'a (40) wata yakagaremi ayofare bemi ave itemo mana ake waya simaka, mana yunam bu nemi bemi Polimi aritemo. En abe bemo. ²² Ananta wam dafisintano a'i intaremi naemi ifadami mini fumara aga'i bemi, fegam waya sasakemi semi, mana wata mano wayami buwa sasame semo sisimena wayami. ²³ Afo kam aruvim wata ganti yaranta yentamo be waka afo be yiyimemi, "Tu andreti'a (200) aruvim watayu manta atedanaya Sisaria bogo, seventi'a (70) watayu osikai kumantinayomi, tu andreti'a (200) aruvim watayu'i fago nako aruvewa yimo. Nain (9) kiloki ayufumi binagone". ²⁴ Miniwa'i yiyimemi semi mana yumamo newa anene ateakana Polimi miniga kumantem bi. Dafima soke urega abigega gavana Feliksiga bogo. ²⁵ A'nari ugam ofisa afur agantem sem: ²⁶ "Klaudias Lisiasi ewapa awogu Gavana wapa rege, awogu nurane. ²⁷ Mana waita Juda yu fakare aruma fugirante ewa'i inatunami romi fakena waita wa'i seti soldia yu nampa yen yiyapikem oma avige' ya yigafu. ²⁸ Semi intarante naye bayagaga mana waita aufim savi uwakege sire avige kansolo ga avige kume. Yinta unami yenti lo manoni baya mana'a ben aufin de aruma fugirant ewa. ²⁹ Intaunami baya anta ure se aupake mini waita aruma fugite yafo kalabusifim kugem batem. ³⁰ Mage intaunami aupakem mini waita oma aruma figara ami anta uruka'i ewapa sasakauna buga. Sina bemo savi uwakewanu en orasipem baya sego. Awoguge." ³¹ Soldia yu yen ya intare Polimi ayufupikem avige Antipatrisi wapa bemo. ³² Ena nuram, amuna soldia yu yirem owayege yiga. ³³ Soldia yu Siseria oravomi afun namap Polimi avige Gavana augaka buga. ³⁴ Kavana (gavana) afaunti yantarem Poli intaem emi item magufikem waita beve ? Intami Cilicia fakena waita bami, ³⁵ ma'nisem emo ko sasakam waita managa yina i intanu." Simi Poli avige Herotini anom mapim oma duka.