¹ Mage mono naupa antioki'i,mana'a yogam waita yu wa sisayui yen yibi'i Banabasi mi iyemo nigave sewayi lusiusi sairinke,manaem Heroti afa awa mante dafidukayi herotimi elivam magu dafiduka soli wa'i. ² Yunami aventa uremi yugam mukeve anona wapa wami ayo aga ano mani sire yiyimemi banabasi ya sol uyagago,nayeyara yeganti yoganti yogante tamo semo yerare yimidukauna yoganti. ³ Naemi yunami ifadaranti yekan yindka yiyam demi yugam mukuremi yiyikanta bentamo. ⁴ Afo banabasiya solumi ayo aga antani baya intarenta bentamo seliusiai me'e minifa'i sipifimi yema daunta venta bentamo saiprusi ailanifa'i. ⁵ Anona magu salamisi wentami gotini wayami yiyimika judayuyi mono mapim yofam waita john makimi abigentamo yofainanim watami. ⁶ Pafosi ailani a'wanapim ora yorami mana kasa nampa waita afakentamo,bemi muna'i sewam watami juda kemi,ben avi'i ba jisasimi. ⁷ Mini kasanampa watami kawana nampa ipantaga watami,segu'isi polusimi,bemi mana save waitami afo mini watamano banabasia solu ya yaremi yema amona karo yanti,naye yarafi gotini baya intaranti. ⁸ Ugam elimasi mini elimasi avi anono antami minuga kasanampa watami yemi bu ayiyikemi gavanami gotini baya buintarem amakuku bu ino yanti. ⁹ Ugami solu mi polu we sire avidewayi ayoagapimi ituvemi era amonari emi mini kasanampa watami. ¹⁰ Sasamemo,sata aga ono emi muna waya nampa itukemi savi anta nampa.emi mana namugomo maside ateka antamano emi atekananim antami bu inonamim anona mano,emi kana ugeve? ¹¹ Mage amona,anona mano arami ekai yemi emi mage augami afamitemi emi a'i buamo nano mana'a kanafimi''mini ame ama uremi sito konamano elimasi amuga uremi,wata anasi yifakemi ayaka fakare ami agati nayomi. ¹² Naemi gauana amonemi nayemo fawarimi,bemi ama kuku emi naye yara anona manoni siguru wayayanti. ¹³ Polumi beya bunu nampa pafosi yera remi sipifimi dautevem bemo pega'i pafili'a magufa'i ugami joni yera yiremi jerusalemi bemi. ¹⁴ Polu beyi akunampa pega yera demi antioki yeravemo pisidia'i minifa'i sabati mono naupa'i upegemo kumantemo. ¹⁵ Lo waya wa profeti yuyi waya yantare mini anepa mono mapikena dafisiru'i waya dami poli nampa beni akupa wemi mani semi afa awa yu'i yigemo mana'a waya mo dukate wata anasi eranti yiminanim manafimi yigemi sinagomi. ¹⁶ Afo polimi itavemi ayamu dateramanta remi be ayami datera manta remi semi Israeli watayu iyemo gotini waya intemo awakure wayi yigemi intago. ¹⁷ Israeli wata anasi yuyi gotimi uyaduka seyuya sife'e unam urami yenti nampa mano nesuyani emo isipi magefimi ayami yanafagi uremi yibigemi isipike bobuga. ¹⁸ Adeka 40 ika'i mosesimi yenampa umanti maremo fa magafimi. ¹⁹ Sevenia anona maguyu'i kenani magafimi manasiwi uremi kenani nom magami yimemi seyuyanti wata anasi yentita yanta uremi. ²⁰ Maside mini mini yantagu fawarimi 450 kirisimasi yakagaga mini anepa'i maside yanta'igotimi israeli yinom wata yimimi amaka yogam waita samueli fawaremi. ²¹ Naemi wata anasimi mana kin nanti,gotimi yimemi solumi kisi aga'i,benjameni akupike aga'i kim 40 kirisimasi fimi wanoyati. ²² Gotimi solumi kimanoni sia gakemi sasakemi gotimi devitimi avigemi maru demi israel yuyi kini emi deviti ka inami goti semi,a'i semi afakeuno devitimi jesini afonita aga'i se tira nampa inti nampa awakure wayi maside yanta ose ewami semi siyewa yanta'i evemi. ²³ Mini waita mano ana wasi pikemi gotimi mana waita yimemi yerademi israeli yemo bemi jisasimi bemi sima ugademi yiyimika. ²⁴ Minimi agoyantem fawaremi jisasi b yigami jonimi wata anasifimi waya siyimiduka,yira wayedega mono nom marago. ²⁵ Jonimi beyi yoganti kiparanti yintaemi semi yigemi intami semi iyebe sebege?semi mini wata wauye ugafo intago,manawayi setineka yinanimi,semi avogu waita buwa'u kana beni sumibu utu fonu ben ai fike. ²⁶ Afa awa,Abrahamu agafanta fikemi,yige yiwana pake iyemo gotipi mono sewayi seyu yaka'i wata yeradem yibigemi wata yemi. ²⁷ Jerusalemi'o wan akunampa yeka dafikayi nampa bemi amonama soke bu yemo profeti yuya mi amakagi emo itemo made sabatiga yantaremi kotimi siakaranti. ²⁸ Buwa mana umanti bu afakemo bepimi fugino yanti pailati inta emo arinoyanti. ²⁹ Masiden yanta'i kiparemi profeti aganta wata anasimo bemo uakari ugan antami keka yagake manta fasademi matimati pim maka. ³⁰ Ugamifo gotimi manta itaremi fugim watayi magufikemi. ³¹ Nesu wa'awami amonemo,minimi benampa'ogalili yeravemo jerusalemi bugayi mini waita anasi amonayi bemi sima fugasiga ena waita anasi yuka'i. ³² Minuga yami mini awogu wayami yiyimeyamo fau gotimo ake waitamo senuya sinauka'o. ³³ Senu'i mini ake wayamo amakagi usika yen yiga fantayu'i jisasimo manta itarami matipikemi minu gami yemi yantami bukusong 2 emi setiga ono mini waya wami enafoe'yi e'uno. ³⁴ Fugamano mani semi,gotimi jisasimi manta fugim wata yuyi magufike itarukam ben a'u mano savi bu itemi,mini ayipimi gotimi semi,semi yigemi yimenu atekam anene devitika siru kaunami. ³⁵ Mini anta yanti mana buku song nifimi semi manisiga em bu eanam mana atekam watama non a'umi savi buinani. ³⁶ Devitimi maside gotini ayiru'i mana maeagai beyi kanaga'i bemi fugemi,be aumi matipimi magemo be afo'e nampa,be aumi apinemi. ³⁷ Ugami iyem watamo gotimo manta itarukana savi'i bu item. ³⁸ Minugafo yige afa awa amonanago,mini wata mano ka'i kumi'i yira antami fakagi uga. ³⁹ Beka inami,maside wata anasi iyemo amakukumo inatiyi ateka wata anasiyi itemi ugami mosesini lo mano emi manta ateka wata yi bu nemi. ⁴⁰ Minu gafo yigemi dafima soke ogo profetiyu'o siga aneneyu'i yigeka bu fawarino. ⁴¹ Amonago yigemi muna watya sewayi,antudure naemi madepa afi'inagomi nayeyarafi semi yoganti yigeyi kanaga'i yonukau mana yoganti yigemi yima kuku bu inago bumi mana'a mano sasamiya mote. ⁴² Poli ya banabasi borami wata anasi yinta'emo ena sabati gai mini waya mina seka. ⁴³ Mono duwantumi kipami,nesu juda wata anasi auwem yima kukum wata anasimi poli ya banabasi yiwakuremo yeganti yinta emo,bogo gotini ara faru nampa. ⁴⁴ Ena sabati gai,adeka masideyu anona taoni fike yema duwantu emo goti ami intaranti. ⁴⁵ Judayu nesu waita anasi yimonemi yen yira'i savi emi,yerademi semo polimo siruka waya siremi bemi manta savi emo. ⁴⁶ Ugamifo poli ya Banabasi yenyi wayami atedemi anona emo,mani sire semo,minuremi fawaritemi gotini wayami yigemi Juda yupa naremi yitemi,ugafo yigemi abekama neka dega,mini antaga'i yigemi se'i yigemi avogu bu uga wama avogu wanti,amona,seganti wayedeka ena wata anasi wapa boteka. ⁴⁷ Mini manayi oukai anonamano dafisego wayami semi manisiga semi emi onanta ure'i ena waita anasi yupimi de'u,naye yara gotini wayami siremi wata anasimi yibiga nami,bemi maside ayapa'i mana magafimi. ⁴⁸ Ena wata anasi mini yanti intemi,yimo yebe goti avi yaniemo,nesu ano gotika yima kuku emi maside nuram watanoni wanti maremo. ⁴⁹ Goti amano maside ayapa'i mini magufim bemi. ⁵⁰ Ugami juda yu'i eram wayami anasiyu anom yibi duka wa era ure mono waya wa anona Taonifa bewayi'o mini mano anona savimi yemi poliya Banabasi,makantano dauma mapa intafemo taonifikemi. ⁵¹ Ugamifo poliya banabasi yigakena magami dikaka entamo naemi bentamo anom magufa ikoniumu. ⁵² Disaipol yui ayo agapi ituvemi ano yimo emo.