¹ mage mana kanagai kini heroti mi agoyantem yiruma fugemi watayuo iyemo ake amakukumo mono waya si antafim,bemi yemimanta savi uyikanani. ² Jemisi mi aremi,Johni afa awami bainati nako. ³ Naemi amonami mini anta mano amoyemo Juda yu'i,minimi bemi Pitami afaka remi kuyiranti,mini antami fawarimi breti intoga yanta buwami. ⁴ Naemi kin Heroti Pitami fakaremi kuyemi kinimi Pitami 4'a dafisim watayu yiyapim demi dafima sakeogo,kini mano Pitami avigem mapa kumemi wata anasi yimemi pasowa yunanati intemo. ⁵ Pitami kalabusi fimi wami wata anasi yimemi era yugam mukemo. ⁶ Mini ayufumi Heroti Pitami avigem mapa bu gukami.Ka seni nakomi antata emo Pitami ka aruvi wata awanapa wawemi mana'a dafisim wata yu nampa 1 ontaga wai beka dafitoe wami kalabusi naupai. ⁷ Naemi anona manoni ankero ano beka fawari mi saganti kalabusi mapimi fawaremi Pita agau yapa ikantemi semi ame'e itavono mini ame ama uremi Pita ayapike senimi fafasemi. ⁸ Ankero ano sasamemi semi'eyi unam wade manta eve eyi sentori eve.Pitami era unam wado eve sineka siwakuru. ⁹ Afo Pitami ankeromi awakurem mapa kum emi,bemi intama mani buyemi,naye anene ankero ano uwarami fugave busemi bemi intemi mini yanta'i kainanta uga. ¹⁰ Yeganti nampawani dafisimi wata nampa nampa 2 dafisim wata,ainiga uwaka.Keti bemi anona taonifa mini onta benana'o diyintami rami ankero ano Pitami yera arem bovemi. ¹¹ Pitami avogu inti mare,mani semi,fuga ugam magemi inti'u,anonama no beyi ankeromi sasakami sofainoyanti Heroti ayapike,juda yu ewa antafike semo usikewami. ¹² Minimo amonami,Maria amapa bemi,Joni anoe,makim wa'i aremi wata anasi umowadure uge yugami muke've wapimi. ¹³ Ontaga yebemi arevemi itaremi wami,mana yoga inim,ben avi'i rodami,onta mi diakara kumemi. ¹⁴ pita ameragomi intemi,anona amoyanta uyauremi upevemi,Pita mi ontaga itaremi eane semi. ¹⁵ Ugami bemi manisire sasameno,oeni ewanonam minugam ifo fuga sewauno yem,semi benamami amonaru kanonami. ¹⁶ Ugamifo Pitami fami ontami arevem wami onta kuma diyemo.Onta diyem,Pitami amonare,anona anta ita seve amonemo. ¹⁷ Pitami naupa upegemi,beyayimemi,awauka uyademi yiyimemi abusego semi.wayam yiyimemi anonamano kalabusi naupa ke kumi,mani sire yemi yiyimemi;Yigemi Jemisi nampase tifatiwanampa yiyimego naye mo setiga fawarimi naemi yera yiremi enafa bove mi ¹⁸ Ena wanurami yemi,mana anene bu fawaremi kalabusi ga dafika wata yiwanapa,nagemo pitaka fawari anta. ¹⁹ Naemi kini Heroti afaka mifo bu amonemi minimi bemi yinta'emi kalabusi dafisim watayu yiruma fugogo,naemi Judia yeyaremi siseria bemi ifa ovage'em uga. ²⁰ Herotimi anona arami kayikemi ta'a wa saidoni wata anasimi,made yu beka buga,eram waya semi Blastus kimanoni ananta dafikam watamano yofaino yanti.Naemi yemi intaemi mana araka waranta yanti,neye yarafi,yenti magumano kimanoni magufike yunam warewami. ²¹ Kanami maga ka'i Herotimi kini mani unamwado uremi kinimani sia ga kumatitemi. ²² Masideyu arama semi manisemo,minimi muna Goti amera gonafi.Wata amerago naye. ²³ Ameuremi,Gotini ankero ano kuma aremi,nayeyare,Goti avi yani buyemi.Savi sawa wanu ano uka'ami demi aruma fugemo. ²⁴ Ugamifo Gotini waya mano buge yige emifawaruma anonayi emi. ²⁵ Naemi Banabasi ya solu mono yoganti kiparenta jerusalemi'i,Johni nampa yentamo,maki sewayi.