¹ Magemi Aposoloyu nampa mana'a yimakuku ewa watayu Judia wayi intami,mana'a wata anasi yu wa'i Gotini baya ga'i yimakuku uga. ² Pitami Jerusalemi,yu akefewam ben aufi magewe. ³ Yemi sewakake,em duwantu ure kumante wanam yumi buakefe bewayu nampa'i. ⁴ Ugami Pitami yiyimi duka enawa naye anenemo fawarimi,mani semi. ⁵ Sugam mukeve Japa magufimi waunami,mana kaimi amonaruka,mini kaika'i amone waunami anona unami inarufakemi kumemi 4 a aragai,yavareve yanta fakaremi dam waunaga kumemi. ⁶ Amonre'i mini yantaganti inte inte ewaunami amonaunami 4 a a'i ayn bagena nan yanta wa buna yanta wa,memanuga,nunu yanafakenayu. ⁷ Naemi mana aranti,senanti semi,pita itave yirure mano. ⁸ Semi seti anona mano,semi faintana uga yunam bu neveuno. ⁹ Kantayagi ure mini arantano inarufake sisimemi semi,naye yanta'o Goti eyo sirem nanosigananim a'ao bu seno. ¹⁰ Mini anene kamore ya'i fawaremi mini yantagu yerade inarufa bevemi. ¹¹ Ameure kamore watayu ontaga itavemo wasiwauna maka'i,Sisaria watayu'i sewaunafa yiga. ¹² Ayo aga'ano sisimemi yenampa bono ,inapa'i bo'i seyuya mini watamano nampa buga siaw'u. ¹³ Mini watamano seyuyai sisimemi,mana ankero ano ben amapimi,watayu yiyikana Jopa kem Saimonimi pitave sewayi avigem yeradem yino. ¹⁴ Waya sinanimi yigemi yofaitemi,enampa eyi wata anasi nampa'i savi anta yerade avogu ayimi awakuri nago. ¹⁵ Wayami agoyante yiyime waunami,ayo aga'anao yepa manionte ure senayo pa'o ananta,fawaru wini uga. ¹⁶ Semi yerade'i intaege de'u anona manoni wayami,manisirem siruka,Jonimi nonako feyikaka,ugami tigemi ayo agapimi maranagom. ¹⁷ Gotimo awogu anene ayo aga yemo yimemote,manayi uremo seyuyamo simini seyuyamo sima kukumo anona Jisasi kraisi,semi iyebega Gotini yoganti uyagate gafu. ¹⁸ Mini yantagu intaremi,yemi mana waya bu semo,Goti avi yani uremi semi,Gotimi a'i simiduka siguno sire kumi anta yanta,masidem nuram wari wari i wanti ena wata anasi wai wa'i. ¹⁹ Naemi Sitiveni manta savi uakaremi aruma fudemi,yima kukun ewam watayu'i,fedemi yerare bovuga,Fonisia,Saiprusi wa Antioki,Gotini wayami ifadem juda yuana yiyimika. ²⁰ Minugami mana'a yima kuku ewa watayu'i Saiprusi wa Sairin Antiok ina Gotini waya Griki yu wa yiyimika. ²¹ Anona ayami yeka'i ami nesu akum wata anasi waya yanti yima kuku ure anona wapa yiga. ²² Jerusalemi wam mano ma'ano mini waya intaremi Banabasimi yemi sasakami Antioko bemi. ²³ Yerave Gotini awa awa amonemi yenti wantimi,amoyuremi akeuyikarem yemi anona nampa vega yima kukumi maside yira kakena ogo. ²⁴ Banabasi bemi avogu watami,ayo agapimi itukemi ake amakukumi makayim,minugami nesu wata anasi mano yimakukumi anona emo. ²⁵ Naemi Banabasi Tasusi bemi soul afakaranti. ²⁶ Solu afakaremi avigemi Antioki oraremi yyiga,manmini i'ano aupemi makantano wata anasi nampa bemi Jisasinanta yiyimemo mini kanafim Antioki'i, ananta kristeni yibi'i yimemo disaipol yu'i. ²⁷ Mini kanafim mana'a profetiyu'i yeraremi Antioki kuka. ²⁸ Mana waya yepikemi ben avai'i Agabusi ayo aga ano bere wami mana ake waya yiyimemi mana anona yanti ranti mana magaga fawaritemi maside pa'i mini baya mano manta fakagi em fawaremi Glaudiasi romu yindom wata wage'enim kanafim. ²⁹ Agabusi waya inyemi disaipoli yu'i mone 'i duwantu emo yimakuku ewam wata anasi Judia wayi,yimemo yen yimakai'i. ³⁰ Yemi minuremi mini mone'i Banabasi ya Solu,yimaka Judia wam yinom wata,mano maka'i.