¹ Magemi mana watami wage'emi anona magufimi Sisaria, ben avi'i Koniuasi, bemi dafikayim 100 aruvim wata anona magu Itali. ² Bemi Kotipa mono waya sevayimi beyi naupa beyi akumo benampa wayi nampa, bemi nesu mone'i yimevem anene yanto aki yiogi nampa masidem nuram Kotimi mono sakewayi. ³ Wa'awami afau mano adeka 3 kiloki ira ewam bemi amonama amauremi amonami mana Kotini ankero bepa yemi kaika'i, ankero ano bemi arama samemi semi "Koniliasio"!. ⁴ Koniliasi ankeromi amonare anom fegariure semi, emi naiyeyanta gare, anona watamano? Akero ano samemi mani siga, eni auga muki nampa emo anene budu kayimo yimewana nampa'i Inarufa urimi Kotimi intaegem demi avogu anta yanti. ⁵ Mage mana'a wata siyikana anona magu yopa mana wata avigano, be avi'i Saimoni, mana avi'i Pitami. ⁶ Mana wata nampa'i bemi, be avi'i Saimoni aneneyu'i sipisipi, meme arantaga uwarewayi beamai adeka non anapa bemi. ⁷ Benam ase'eni ankero ano yera are bimi, Koniliasi kam yogam wata yaremi mana aruvim wata yen yiwanapa mono'i sewayi beni yogari ewayi. ⁸ Koniliasi yiyimemi naye anenemo fawari yiyikami yopa buga. ⁹ Ena waya wami 12 kiloki, akafam bewami adeka anona magu bomi, Pita nanamuka untavemi auga mukemi. ¹⁰ Naemi antirami, yunami naranti watayu'o mana'a yunami yukeve wami, Pita mana kaimi amonemi. ¹¹ Amonami, Inaru nom maga antami diyimi, mana yanta'i, anona yawarave magaga kumemi. ¹² Mini yawarave aupemi maside anene nowa ane ane fo'a yiga nowayi, yiranako nowayi, nunu age nowayi. ¹³ Naem mana awaunti aremi, Pitao itave mana nan yunanu arure mano. ¹⁴ Ugamifo Pita semi, "anonao" bu ugam buve, nayeyare semi bu newau mana yanta'o savi uvemo faintana ugami. ¹⁵ Ugami, mini awaunta ka daufini uremi semi, naye yanta'o Kotimo manta awogu urem fawarurami, buwa sewa svi ugene, faintana ugene buseno. ¹⁶ Mini kamore ya'i fawaremi, mini yawarave mano Inarufa uremi. ¹⁷ Pitami mini kaimi manoni anta yanti nesu intiri ewami, Koniliasi yiyikamo bom wata yu'i ontaga yemo. Ananti yita ure yeravemo. ¹⁸ Araremi yinta emo Saimoni, mana avi'i Pitamo wanani yanti. ¹⁹ Pitami mini kainanti inte inte evami, Ayo aga ano sasamemi semi, amonano kamore wata mano emi afakewane. ²⁰ Itave kume yenampa bono. Yenampa bira avesara buyi, naiyeyara semi yiyika unami yemo. ²¹ Minimi Pitami mini wata wapa kuntavemi semi, mini watami sifake'em watamu nayeyara yege. ²² Yemi semi, mana aruvim wata yuyi dafisinti ben avi'i Koniliasi, bemi atekam wata, iyemo Koti mono'i sake wayi, Juda ke wata anasi awogu waya benanti sewayi mini watami ateka ankero Kotini ankero waya sasamidemi seyuya emi avigeya ben amapa bofanami em waya yu'i sinam mararanti epake. ²³ Mini Pitami yibigem naupa benampa uma wage'emo. Ena wanuram itave yenampa bemi, mana'a afa'awa Jopa ke no benampa bemo. ²⁴ Ena wayawam yema fawaremo Sisaria Koniliasi yogare evem yibe ewami, masidem beyayafa awa nampa beyi akuni nanta duwantu emi ben adeka wayimi. ²⁵ Pitami nampa yema fawaru bemi Koniliasimi yema amonaremi agon yaumi dadarem Pitami augam muku akemi. ²⁶ Aka Pitami be ayami dami urimi semi "itave semi! ekanaga ugauna watamupo" ²⁷ Pitami benampa aseve wami, naupa upevem amonami nesu wata anasi duwantu uga. ²⁸ Mani siremi yiyimemi, yige na na'o intagami Juda yuyi lo mano a'a'o semi mana wayi adeka bu bena, bu amonano ena magufa Kenami. Ugami Koti sigatemi semi mana wayimi abidare savi uge faintana busenu. ²⁹ Mini anta yanti yige wapa yigau, semi bu yisenu sewaufa damo yimi, minugai mage yigemi yinta'e naiyeyara sewaunafa waya dana yinafi. ³⁰ Koniliasi semi, kamore wa'awam yakagami mana kanaga inami, sesimapimi sugami mukeve waunami enaka 3 kiloki mi mana wata amonau nami beni unam wado mano samina gagami setugaka itavuga. ³¹ Beni mani semi, "Koniliasi" Koti eni augam mukinti intemi emi anene yu ose budukayimo, yimewana, Koti mini yanti intemi uwarewana yanti. ³² Ugafo mana'a watayu yiyikana Jopa waka ora veya mana wata ya intao, Saimoni, mana avi'i Pitami. Mana wata mano wapimi bemi aneneyu fon yuna arantaga, ben avi'i Saimoni bunon anapa'i bemi. ³³ Minugai watayu ameure yiyike'i oma avige yego, avoguge ame'emo yenayanti magemi seyuya Koti augaka, waya yu intara emo anona mano amidukam. ³⁴ Naemi Pita avaunti ogademi manisuru ka, fuga ugane Kotimi mana wayini ayapa ina bubebemi. ³⁵ Msidem akupim mana magaga wata anasi iyemo mono waya semo, ateka anta uwaremo, mini watami Koti ayiakevemi. ³⁶ Yigemi a'i inte amone uga wayamo Isiraeli wata anasi ga'i bayami sima fawaruke arafaru Jisas Kraisi masidem wata anasi yuyi anonami. ³⁷ Yige mana'o intaga naye naya anona anene mo fawarugam masiden ayapa Judia magufim. Galilike agoyantuka, mini anene yu'o fawarimi, Jonimo mono nomi feyikaram mini anepai fawaru ivimi sima fawaruka. ³⁸ Aneneyu fawaritem Nasaretike Jisasi Ka'i naye ayipikena Kotimi Jisasimi wasawen nanta fe'akakani Ayo aga nampa ake nampa'i, bemi be avogu anta beyi ewam wat anasi iyemanu mose wanano mano manta svi ugayi nayeyara Koti benampa bami minuduka ³⁹ Seyuya amoneya inteya uga siwau mani anene Jisasi uwantukami, Juda nomagafi Jerusalem magufimi, bemo aromi keka yaga aruma i'duka. ⁴⁰ Ugamifo Kotimi manta itaruka fugintike kamore waya wami yakagami, yemi amona go yanti minuga. ⁴¹ Made wata yu amone yaobe, yemo amone intemo mose omi Koti feyapa uyarukam seyuya benampa yuna nampa nonampa nafauno fuginti kemo itaviyami. ⁴² Bemi wayayu'i simemi sima fawarogo wata anasi fa sega Kotimi bemi uyademi semi bemi yasiyi uvem fawa wata nampa fubugam wata dayimatemi. ⁴³ Maside mono yogam wata benanti nami siruka, ugani iyemo amakuku mo benanto itemi Kotimi beno kumi'i Jisasi avipimi aratemi. ⁴⁴ Pitami mini yantaga ami sewami Ayo aga ano maside wata anasimo yinoka'i iyemo wayamo sewamo intayimi. ⁴⁵ Wata anasi iyemo yumo akefaka yimakuku oyi Pita nampa yemi antu afa ruga, nayeyara Ayo aga anoni avogu yanta'i itavuga Juda wata anasi wayafo ena akuwuka. ⁴⁶ Nayeyarafi yen yamo anona buoyimi. ⁴⁷ Amaka mana'a a'ao sire mono nom bumarateye? Mini yu'i Ayo aga'i mana mara emo seyuya ofau'ure? ⁴⁸ Naemi waya yimemi mono nomi marami Jisas Kraisi avipimi. Naemi bemi intaemo yenampa mana'a wayawam yenampa wanoyanti.