¹ Seyui yigemi afa awao ayewa faunave Gotini awa awai amone inte irare Masedonia mono kebumo yimidukam. ² Anona umantimi,ano amoyinti yimi soke yofairi emo. ³ Semi senanao amone inte fawaremi yentita nayeyarafi yemi mane,i enawa yimemo, yakagaremi amaka yimemo yenao yeyi ayika. ⁴ Mini nampa nesu intainampa yemi intai emo senukanti ayire maremi ara mono yoganti mare bogo amakuku Jerusalemi wata nasi. ⁵ Seyui biyinteyamu ma,mini anene fawari nanimi afo minugami yenao yemi anona mano wapai buga naemi yenaomi Kotipai yeyi ayikake yiga. ⁶ Minugami Taitusipa erarureya ami sewafau,, iyewa ma,mini yoganti agoyantuka yofaurena awogu urena kiparuka ma,mini awogu antanampa moni yimidena yofauruka amam kuku Jerusalemi bata nasiyu. ⁷ Minugami yigemi eno yigauka maside anenefim amam kukum, ayu sitim, intintim, marem erantim, senuo ayintim minugami yigemi soke anta yera burago., . ⁸ Minimi eram waya waye.yigenti ayinti enomo ayiyikewami mana ugenafi a'abuve., ⁹ Nayeyare,Anona manoni awa'awai amona gane. Nesu anene wane. ¹⁰ Miniyanti mana'a intiti amewau ofaino yanti.Mana i'i yakaga vimi,mana anene mana bu'uwara nane,mini anene uwarara yirapike yiyi garaone. ¹¹ Magemi yigem mini yoganti kiparago yigemo wafao yuyira itavio urukani urega. ¹² Yogam marara intewatei,minimi soke aneneve.Amirante'i dukanago anene amego. ¹³ Mini yogantimi enomi umanti bumarai yigemana umanti marana gone .ugami, madem wata anasi mana'ana ogo. ¹⁴ Nesui awogu anene yigemi dukami yigemi yimina gomi anene bumakayi.Nayeyare,nesu anenemo soke anene rukatemi, yigemo buruka aneneyu yimiteye,manayiom anene yigem madem yigepim watene. ¹⁵ Bemi mana uga kasanampa waita agantukani ugane ;''Nesu anenemo dukana niyimi naemi anene buruka tene,nesu anene buruka naniyi,naemi nesu anenemi magatene.mana anene yanti akiyi buyitene.'' ¹⁶ Minugafo Kotimi susuve sakago, iyewa mini ayinti Taitusimi, semo yige nanto yiye waunayi ogo.. ¹⁷ Nayeyare,senuta manawa intenaye,bewai yigewapa yiran tene beyi intika. ¹⁸ Seyui sasakeya mana afa awa iyawafi masiden mono kebu benavi,o yani ewa beni yogaka, bemi minuremi awogu waya sima fawarewa, Taitusi nampai yiga. ¹⁹ Mini mana waye,madem mono kevu bemi ugademi senu nampa yogam marano sire soke amiranta.Minimi anona manoni ano avika benaowa senuti saranti yofairare. ²⁰ Senui wata nasi sinepa waya buse goyare miniyo ganto marewa faunayati. ²¹ Seyui rafiseve yana soke anta ofano.Anona mano augaka'ana waye,wata anasi yugaka wage. ^{23 22} Seyui ena afa awa sasaka fanuno Taitusi nampa. Nesuya amona faunami yogam mara rintika wane.Magemi ano'ayiri ewane yogam marara.yigepimi amakukun dukane. v 23 Taitusimi, setigona yigeti yogam waitave.Sekan sifa'tiwa gare,Mono kevu manu yiyikanta Taitusi nampa buganto.Yeganti minu ranami Wata anasi Jisasimi ano avi amiteye. ²⁴ Minugami mono kevumano yigemi ayigara ugano, mono kevu mano yekanti yimoneye,yigen yivi'i yani'ewafauno yigenyi soke antaga.