¹ Manamo yewanami Kamore yai yigewapai yuno, masidem wayamo ena waita mano sasaka temi kantano kamore mano amona gauno siya. ² Semo sirukau nami iyewafi wafao kumi ogoi wafawa naem ena kanafimo yuna kanura niure, minimo semo yenuna aneka, semi yemi aenami mini wata anasi mi faibe temono. ³ Semi yikemi mana waiyami yiyime'u nayeyara yikemi fuka waiyami fakarukami, akatiram manemi kraisimi semi sikeki emi asenoyanti, Bemi aumi daremi yikenampa ami busika, ukamifo, Bemi ake uremi yiken yupemi wane. ⁴ Bemi arami beni eram burukami ukami bemi fubukemi bemi bufubukemi fami wake'en uka.Kotini erakai seyuyawa'i Kraisipimi eranti burukasiwa, ukamifo seyuya Kraisi nampai fa wafanu Kotini akepimi yiken yiwanampa Yemi bemi keka yagai antoi aruruka eranti iruka, afo bemi fugami uwae'em Kotini eraka. Seyubai eranti rukeyam Kraisin aupepim. ⁵ Dayinte soke ure yikemi amonako yimakukupimi bekafo, buwafi, yikemi yenyiyi makukumi makaren amonara.yikemi inte amoneka manuremo Jisasi Kraisimi sikempim benafi, buvenafi? Amaka yikenanao mini makasintike rufa minako. ⁶ Afo Semi simakukumi e'e yikemi amone intei maneyami mini makasinti yakake yamofaupo. ⁷ Magemi seyuya Kotipai sukam mukeya maneya yikemo mana umanti buinako. semi sukam bu muke''i manureya seyuya faware ya mini maka sinti yakakeya. Mini minimina uka semi sukamukei sikemi atekananim anta inako, bu seyuya mini makasinti bu yaka kafau. ⁸ Nayeyarafi seyuya buatekananim anta buofanu fuka waiya ayo faranti, ukami anene seyuya ofaunami minimi fuka waiya intami. ⁹ Yikemo akeure watei, afo seyuya eram burukafau, seyuya simo ewafau, masiden nurami Kotipai sukam muke wasiwau, yikemi eram yimakukum wata anasi ukami fawarinako, ¹⁰ Semi mini anene yu'o akaraunave semi sikemi yirei nekai beke, nayeyare minika sikenampa wateke, semi bumi eram waiya busiyikateke minika semo mini akeo Anona mano simi'o aposoliyi ukauna, afo omarei yofaonai etama ake o'i afo sikemi burufan yikararunave. ¹¹ Arafa ukam sifatiwao, sikemi omarei yimoinakone! Owayekeo sikemo intavinakone omareka itamara eraroko, mana araka enonampa, ara faru nampa beka, Afo yiyi Kotini afo ara yiminti sikenampa wano. ¹² Aboku waiya enomi siyikeveka yimonako. ¹³ Masidem Kotini yima kukum wata anasi yui sikemi aboku nurane siyikeye. ¹⁴ Anona Jisas Kraisimi omarena ara faru sikemi uyikano, Afo Kotini ayintanomi yikenampa wano, afo Holi Spiriti manomi omaremi sikemi mana yiraka yikatene.