¹ Se,sivi,i yani evaunami, semi miniga mana yanta bu maranu, ugami semi kaim waya manami senu Anona mano aupa waya. ² Semi intagau mana waita Krsi aupem 14 oranta yakagawuga, Goti avigemi bemi kamore inaru magufim bemi. Aupena watenafi aumanoni mapaga watenafi ,bemi buintaga ,afo Koti amonaga. ³ Ugami semi intagau mini watami, bumi aupenafi a,a mapagafi , minimi semi bu inta gauno, Goti ma nami intaga. ⁴ Bemi avogu magufimi afo bemi intami anene yui intemi aupa wanyanta . ⁵ Minugam , waita Avipim,enawai wayami sevewanu. minugam mifo enawai amisenu semi manta eram imakam waitayi ewa. ⁶ Ugami seyaranti enawa sirantei, semi bu oem waita yanta bu onuno, atekam wayayanta nami semi senuno. Minugai semi wata nasi mantati nesu intintim buyikanu sepike amone intewanati. ⁷ Afo minu-gananti semi bumi sesivi i yani iyono aupa wam yantaganti sevuno.Sevunayanti setu,mi anakaga,Wananoni yogam waita yu yiyakake. Minugai sesivi'i yaniugara ionuno. ⁸ Kamore yai semi anona intaugau, bemi seti umanti manta fasa sikano ya. ⁹ Afo bemi sisimemi," seti awa awa,i enampai watemi, naye yare seti erantano avogu uremi yoge wa eranto burrukanami".Minugai semi simoevauno semo susivisio mantukauna yanti, Kraisini eranti setupem banani. ¹⁰ Minugai semi simo ewau Kraisinanti semi eranto bu rukauna yanti.sinepa waya sewapim, umantim wa sayeke antafim wa,savi wanti wa.Nayeyare,semi mini kana aupemi eranti irukaunam mini nuram eranti owagege marewau . ¹¹ Semi o'em waita yanta uvugau ano sivio marauna kanafimi, itemo yigemo erarure simira semi. Yigemi setivi,i yani buinago, naye yare semi fa,yantauno ugami yogam waitami semba yakagagane, bumifo semi fayanta uno. ¹² Fuga uagami Aposolo fawarugam yigen yiwan napake ara faru anta nampai, eran yogan nampa ena anene nampa onti maka. ¹³ Nayeyanta anowa iga yigemi ena mono yimakukum ewagai yigemi maruma yimakukupim akiyi ewa,sewa umanti yigemi yimevegafu? afo seti kumi'i sikago. ¹⁴ Amonago semi yowarurukau oradei kamore nurami yenuno , yigenyi umaranta buinani,yigen yinta yanati semi busiyewa.semi yigemi siyewau.yemi yenyifoe yinoe yi anene bu ruwantu uyikagoya , yenyifoe yinoe wai yeyigafanta yi anene manta ruwantuyikago. ¹⁵ Afo semi simoyonu yimiranti afo yiminti yigen yintami, sepimi anom ayinti ituka yigenanti, semi mi'nure semi bu siyigara inagom? ¹⁶ Ugami mana ana ugane, semi yigekai umanti buranuno. Ugami semi fugasire yimonanu yigenti munai, magemi yigenyi munaka yirewau. ¹⁷ Nayeyare semi avogu anta mararare enawa avoguogoya mana'a afa awa ranam yigepa bitemi ? ¹⁸ Semi Taitusimi siyigara ewau minugai semi ena afa awa nampa yige wapai sasakaunami bemo afo Taitusimibyigemi avogu ugami uyikemi?afo seyuyami manayiom ayipim ibuga? ben ai afunti iawakutuka? ¹⁹ Afo yigemi intami seyuyami yigekai ayofeveyarafu? seyuyami Gotin augaka Jisasi aupemi.Madem yantao seyuya uwarewasuvuna avogui yigemi manta ake uyikara. ²⁰ Semi anona fegari,eu semo yigeka yeo yema fawaronuna, afo amonanai yigemi semi intewauna gai iwanagonare.Yigewai semi simonai yigewa intewakai iwanai . Semi fegewauno yigewai senampai asuvim waya sinagonanti, amonama soke ogo, anona aram, aruve asuve, anepa waya, kefo wayayui seve, eyarantana inteve, enoni anene manta savi ino. ²¹ Afo semi anom fegari ewau owayege yeve, seti Koti yigen yugaka semi manta magafim ratem. Seti awamu ano umanti marananinare wafaose kumio ugam wata anasi nampa.Afo sguno busiga savi antayanti monko anta ye yumano mana musem ewayi.