Anafim 11
1
Semo intaunami yigemi e`aga semi o`e antayu uwaratege. Yigemi e`a nesui uwareu.
2
Nayeyara semi sira sawi uyikeu Kotini awogu ara sawi inampa, mini kana ga-i mana waita maranonawe sima uga`a kagau. Koti aga anopi sima uga akaga wata nampa buwa buganani inim ametege.
3
Semi fegewau, mini ayipike mema mano Ivimi muna amiduka, yigenti intiti ye awige nepa binaniKoti aga anopi mo soke ateka mono antafike.
4
Nayeyare, mana`a watayu yerawe ena Jisasi nanti fawaremo seyu siyime wafauna Jisasi naye. Ena ayomara nagomi mini Kotipike marewa ayomiwaye. O`ena waya mo intate wafa marewa wawae``e`o . mini yige naomi rami yigeka yemi mini anene.
5
Nayeyara, se intau nami semi memepapim buwau yogam waita kewufimi.
6
Ugamifo semi waya sika siguru bu mantukau , intito rukau seyu uwarafau na antayu fakawa yigepim.
7
Semi kumi ugateu sesu magafini e`o yige mo manta yani uyikauna mi wae? Yigepimi fami Koti nami seu.
8
Ena mono pikem umo regafu semo e`aunamo sofaomi semi yigenti yogam waita onu.
9
Yigenampa be-o mana`a anene yanto akiyi una m, semi manawayi mana anene yanti buinta ugau, Masedonike afa awa anene yanyo akiyi una mare simu duka , semi made anene uyadukau nayiyara , yigemi umam buyimira , inaemba mini mana onu.
10
Kotini fuga wayamo sepimo wami semi saum buranu Koti nawi yani onu madem akai owam magufipa.
11
Naugane wae? nayeyara semi yigenanti busievene wae?Kotimana mini anene amo uga.
12
Mini uwarewauna anene yu fawaranu, semo sinepa waya sewanu manta fasa danu yeyafike ano yivi marewanu , yemi seyu yoge wafau nayeyi ogo.
13
Miyiom wata yui muna yogam waita yuo muna anta manoni yoga waita. Yemi fugam yogam waita buwa, yemi Koti aga anoni yogam waita yi emo.
14
Minimi auwe anene waye, nayeyara, wananomano waoka ankero gi`i evemi.
15
Mini yanti antu burono, beni yoga waita yu wao ateka anta manoni yogam waitayi ira.Yenti yogan tanoni aiya vemi.
16
Manisire sewau, mana wayi semi awogu inti burukege busi. Yigemo mini intiri ewatei , senanti awogu inti burukam waitave sego.
17
Semi naye waya segafu sesiwi yani ira , anonamano ewani buewau , a`a``o , intim buruka wata mano ini ewau.
18
Nayeyara nesu ano yeyu yani ewa.
19
Yimo nampaga e`aga semi awogu intim burukam waitayio. yigemi intim waitayi ogo.
20
Nayeyara eatege yigenanto yogam waitawe sina , yigenti made anene marana`i bepikemo ano yivi marago yanti , beyaranto
21
semi amaka ugapo yigemi bube yorasi pem yirenafi. Semi sigaye nampa asenu mini anene uwaranuna eram burukau .Ugamifo iye wafi bere asem, semi o`em waita mano asi amaka e`u sewa sena`o aseteu.
22
Yemi Hibru yugafo? sewai Hibru muno. YIsrailiu yugafo? sewa Israili muno. Yemi Abra amu ana wasi watemo wae? sewa Abra amu ana muno.
23
Yemi Koti aga ano ni yogam waita watemo? [soke intim burukam waita maka ose wam.] Semi yemi yekagau . Semi nesu eran yogari urukau amuna ya ku gau , sawi siri uruka adeka fuma agaga bugau.
24
Judayu kanti fo kantifo mana nuram sirure kamore yaki eriwam yafi simiduka.
25
Kamore nurami muyuyam siruruka. Mana nuram onako siruruka kamore nuram binasifim buna bae buga mana ayufum bayawam banona muga wage`e ugau.
26
Nesu iya ayipa bugau , nopike anon umanti mantukau , umo watayu amaka sikaga , seti anasi wata wa uma simiduka, ena inim waita Juda buwayi anom magufim , wata buwam magufi umam mantuka , bunopim wa uma mantukau muna ofa awa wai uma siruka.
27
Sawikanafi nesu eram yogari urukau , nesu ayufum babuma soke buyugau nomba bunanti saranti ugau nesu yai yunam ifade sugaum mukurukau unambado iwami iyon siruga.
28
Mini anene mana waye , ena anene wai madem nuram i mono kantawa intaruka.
29
Iye eram burukene , semi eram rukewafu? Iye sawi waya sakana yan dene , iga mano busigene wae?
30
Sesiwi yani iranti , eranto buruka nayanti senu.
31
Mini Kotimi , Jisasi afo emino mini ano awi maranani made nuram , intaga muna busewau.
32
Damaskasi , anom waita mano beyi yoga waitayu siyikem rafidebega fakago semi.
33
Mana`a sigono yu kukupim yukurure sirai mapike rauntawe iyau vuga.