¹ Pasoba Nora Enta obarai iaina 6-enta nabu'ai baubaro, Ihuba Betanini Rasarusira batukaini bura, bi baintira Ihuba matimati iharo a'i himpi kaira. ² Bika Ihura kara heno'a amite baubaro, Mataba kara raireharo, ibaro Rasarusiba bainit hampata o'ubi baiharo Ihura batakero kara nebaura. ³ Mintubaro, Mariaba ko'e bahabera ta'u barero Ihura ai'u aumanto o'ubiro baiharo, bira ai'u bahabera a'umitero nai kauhi nohairo unka amite baura. Nabu bariara'ira ko'e unta bano mpi'a bura. ⁴ Ihura kai'a bainti bo, bira autu Jutas Isikariotira bainti tabae nantiara Ihura bitakero nabutaka kau'u'ira kairaba tiharo, ⁵ "Kia tenabu bi bahaberara bainti'i mone 300 ti'a keha barake behi bainti kaha'iatarabe tiro?" ⁶ Jutasiba bira nanare bi ubara tirae, kia biba behi baintiara iriro tiraube, iboma biba muara bainti bano bi ubara tirabe. Biba Ihura batake nua baintika mone uta ra'iki baibabe, biba bira'i hairo hiniki monera muara auti baibabe. ⁷ Ihuba tiharo, "Bi nahentira a'i kate tiro, Biba bi bahaberara mone a'u kero tiriara bare aniro ti heno'a kai'e te nantira utuai unterarabe. ⁸ Behi bainti bika ni hampata eka entama baibarabe iboma te kiama ni hampatama bairabe." ⁹ Juda batana bainti nahenti airutaha bika tiha Ihuba Betanini bairoma anibo ti. Kia bika Ihura tabareka aniakaube. Kiabe. Bika Rasarusira tabareka aniakabe, tarae Ihuba matimati batuka'i hairo a'i himpi kaira. ¹⁰ Pirisi iata bainti nai abutana uba tatauke, bika Rasarusira e'a aru utu kareka; ¹¹ bira nanare, Juda batanaka airutaha Rasarusiba a'i himpi bakakara iri bika pirisi iata bainti tibanimu ubara a'irake bika Ihura'a mara'ura uti baumanta. ¹² Bira arara airu bainti nahenti Nora Mono tirika ani ruba'uabi irubaro Ihuba Jerusaremini baumanta. ¹³ Mintumanta bika katari mare rauhake bare bi bira arana oru tabe naberai tiha, "Hosana! Kotiba ma baintira ko'ema amitaibo tabae Nora autu'a tubira. Biba Isireri Kinibabe." ¹⁴ Ihuba ubara donki rantakero biba bira'a barirero o'ubura; Kotira aratanu'ira ararua tantekero. ¹⁵ Ne bainti nahenti Saioni batuka bariaka, Kia ne etate. Ne tabate ni Kiniba ubara donki'a barirero anibo." ¹⁶ Bira kai'a bainti kia bira okara tabarabe, bira nanare, nanahika Kotiba tibataira mpi'a karebabe. Mintibo Ihuba nai kai'a tai'a kaibo, Kotiba nora autu bira amirabe. Bira kai'a bainti anirante irurabe nanahika poropeti bano tibakero ararua toba obara'i baumanta. ¹⁷ Airu Bainti nahenti taukae tabobaro Ihuba Rasarusira matimati ihairo uri himpi kaira, bika bi ubara hinikia bainti nahentika bata tibanimi baura. ¹⁸ Bi okarara bainti nahenti bii Ihura oru bitakora bira nanare, bika iriabo biba bi mirikorira autimanta. ¹⁹ Parisi bainti nai abutana tibake tiha "Tabate, kiama tenabu bohika mintirabe, tabate, eka bainti nahenti bira abate bariabo." ²⁰ Hinikia Kiriki baintika bata airu bainti nahenti hampata Nora Mono ti Entaba animanta Kotira'a Mono'ireka anura. ²¹ Bi Kirikika Piripi binaini bura, biba Betsaida batuka Karirini hainaba, bika bira ire tiha, Nora bainti baubo ti, tenabu Ihura tabarerabe ti." ²² Piripiba Enturura buru tibamibo, Enturuba Piripi kantiro biro bika buru Ihura tibamura. ²³ Ihuba anirantero tibanimiro tiharo, "Bi entaba anibo Bainti Bainti bano Nora autu baraina. ²⁴ Te u'ai'akema ni tibanimuro, mintiro harokopu kubu bano bataa a'u biro kia utina, biba a'ima barianarobe. Mintiro biba utu biro, biba airu karama ira tanarobe. ²⁵ Mintiro bainti bano nai mara'urara bo'akero antu'arirera, biba kaka'iama buanarobe, mintro bainti bano nai mara'ura ma batarai tauba'a utu amiraba, biba eka enta eka enta bariaina mara'urara baranarobe. ²⁶ Mintiro bo bainti bano ti kai'a baraire, biba ti ani abataire; te bariainanaini, ti kai'a bainti bano minima bainarabe. ²⁷ Ihuba tiharo, "Bate ti auha bano marama raibo tiro, bate te nantie tirabe tiro, Ti O-o, bi ora entara kia kairo ti'a obarai'iaire tiro. Mintiboma bi okararara te tuburaukabe." ²⁸ Ti O-o nena autu kairo norai'iaire." Bo no bano narubaihai tubiro tiharo, "Te tenta autu norai'ama kauro tiro, te e'a batama mintirabe tiro. ²⁹ Mintimanta bainti nahenti aumanto himpi bariaka bi ubara iri tiha, "Naruba banoma uba tibo ti." Hinikia bainti nahentika tiha, "Bo ankero banoe birai uba tibo ti." ³⁰ Mintibo Ihuba uba anirante tibanimiro tiharo, "Bi ubaba tubira kiama ti kaha ianarobe, Iboma nima kaha ianarobe. ³¹ Kotiba eka bainti nahenti ma batarai bariaka okara rairaina bi entabama bate anbo. Batema biba bi iata baintiba tabae ma batara ra'iki taira a'ini barakanarobe. ³² Batai haina baintiti ti bini bara bubikai'e, te eka bainti nahenti ntitema tentai anirabe tiro." ³³ Ihuba bi ubara bainti nahenti tibanimura bira nanare utira okarano bira'a anireba ubaro. ³⁴ Bainti nahenti anirante tiha, "Tenabu iruro Kotira aratanu bano tiharo Mesaiaba eka enta eka entama barianobe ti. Nantibae are tiha, 'Bika Bainti Baiinti bini'a kebarabe tiaro?" Bainti Baiinti bira tarabe?" ³⁵ Ihuba bika tibanimiro tiharo, bi atairaba ni hampata abo enatama barianarobe. Atairaba a'i baira, ne atairara bira'ama nibariate, konkira bano kiama ai a'u raba'u kanarobe tiro. Bainti bano konkira'i nibairaba kiama tabanarobe taie biba nai binara. ³⁶ Bate ne bi atairara batakema bariabo, mintima ataira bira'a mara'ura utute ne ataira baiintiti bariate." Ihuba bi ubara tibakero biba bika a'irakero bika'ira kuke'a biro bura. ³⁷ Ihuba airu mirikori bika abutana mintumanta, bika kia bira'a mara'ura uturama, ³⁸ mintubo Aisaiara poropeti ubabano u'ai'ura, "Nora baubo, ta baintibae tenabu uba tuna iriro kia abataibo? Nora bano nai kempuka umi'ero biba tinabu kaho'a timitora." ³⁹ Bi okarara bainti nahenti kia mara'ura utura bira nanare poropeti Aisaiaba bata bihaikarara tuntekero, ⁴⁰ Nora bano nai bika abu impa kora, nai anirantero bika auaha kempukai'a kora. Kia mintiare tumanta, bika nai abu'iha tabehama nai auha'ira kankomakema baratiri, bika auha tu'antaramanta, te bika ko'ema nimi tauraitiri." ⁴¹ Aisaiaba bira nanare bi ubra tirae, nai biba Ihura kempuka tabero biba bi ubara birara tura. ⁴² Iata bainti airutaha Ihura'a mara'ura utura, nanare bika Parisi baintiara eteha, mintumanta bika nai mara'ura ututora kia tiba o'ai'ura, auri Parisi bainti bika mono nabu'ihai atita beba keborabe ti. ⁴³ Bika bo'ake bainti boka nora autu timiate tiakabe, mintumanta bika Kotiba nai nora autu bika nimiainarara kia antu aruabo. ⁴⁴ Mintubo Ihuba naberai tibakero tiharo, " Bainti tabae ti'a mara'ura utiraba, kia biba ti'a'iauma mara'ura utibo, biba ti Ora'a tabae ti atitaimanta tubuna bira'a batama mara'ura utibo, ⁴⁵ tabae ti tabairaba, ti Ora bata tabaibo tabae ti atitaimanta tubuna. ⁴⁶ Te ma batarai oba bare tubunabe bainti tabae ti'a mara'ura utiraba, kiama biba konkira'i barianarobe. ⁴⁷ Mintiro bainti bo bano ti uba iriro kia abataina, kiama te bira okara rairarabe, bira nanare, ma batarai te tubuna kia te siasi bo'ara bainti rairare tuburo, iboma te bainti nahenti anirante ntitarema tuburo. ⁴⁸ Bainti tabae ti tauba'a utu timiro kia ti uba irirna, bira siasi baibo bira rairaina. Te uba tiba kairaba siasi bo'ara ekara enta bira rairanarobe. ⁴⁹ Kia te tenta irirahika ihai turo. Kiabe, Ti Oba ti atitaba, biba nai nana uba ti timiro tiane timantama te tibauro. ⁵⁰ Te tabauro bira ubabanoma eka enta eka enta bariaina mara'urara obarai'a kanarobe, mintima eka uba te turo, te nini minti bauna ti Oba tibatirama te minti bauro."