1
God-i aga Mesiya e kawelen hetisi momo, kanaregi anaga yako teke aulho, Mesiya aga God-i aya lama-afi faimainie.
2
Anaga yako teke kagesfiteka nagi mani mopale yako kages ofiyo.
3
Kaga ago failnanegen laifu ka God-i ailna Mesiya te falkin teniye.
4
Mesiya kagai fi mainisi momo, laifu ka en hamate hugiye, haleya ae ala lokiya ae.
5
Lapaka mani mopafi aipanapa goko amegita feiltesai, kumei aipa e, havi aipa e lokiya eipa wageilten havi aipanapa hugefe nehiya nagi waya okai aipanapa e, aga mona aigofe godi mo aipanapai.
6
Inani guf aipanapa letike nagi God-i haiya-a agai ke ail-a tagauna we-ale-we ite egiye.
7
Lapakai e inani guf aipanapa le keyawaga ka-ainai.
8
Manfagi meni lapaka muguf aipanapa atreyo, kevei aipanapa, haivi aipanapa, havi aipanapa hugefe eipa wegeil nehiya, eipa ail-a haviya husa aipanpa e lapawaya fiti havi ge nehaya atreyo.
9
Alu waya ite aigofe ge osiyo, namofene, ataf eipa mo nehi aipanapa lapaka ago hafeitrenai,
10
meni lapaka saufa aipanapa a ailta nagi agai-a afifiya le-e ame ale-e aga saufa waya hulepetenie.
11
Inani aipale, Griki wekao Juda wekao agufa hatagauni fi ohatagauni weka e nagi Babaria waya e, Sintia e ailya fane o afa-aike maini weka, manfagi Mesiya aga muki yate agenop weka maiten nagi muki yate mainiye.
12
Inya hunigen nagi God-i lekanapain lapetenie lapaka fotogota maine tapa nagi alu waya lapauta hau-hupateteka nagi algep kawa hupato, kagai ka afete lamneka nagi alu waya ite aise ge hutek nagi, fasetok maiyo.
13
Alu waya e mogoteke ailya ailyo. Faipaya api atrek nagi algep kawa hupato. Mogo weka mo alu mogo weka e eipa kanaya husi momo, kanaregi agai faipaya atro aga Mesiya faipaya tipi netre gufya.
14
Inani muki aipa agotofulem, nehepei aipanapa hanelepatesie, aga muki algep aipanapa ailna lokiya neweiye.
15
Mesiya eipa fulya a ategen lapeipafi malen haveiteno. Inani eipa leke mogoke agufa le mainai. Inagi lapaka amuse husai.
16
God-i ge ategen lapakai fi haveiteno. Muki algep agu-agesa e afifiya e yoke wuko e mono yoke e alu waya ailta apaya huta nagi amuseya e yoke huta God-i te amuse hiyo.
17
Inagi naya husanaya-am, ke fitio kawa fio, Yesu Ala agi ale muki kawa huteka nagi God-i Afo te amuse ge huwo.
18
Lapaka ane nau-tipimo afete maisa momo nagi God-i aulagale kanare hugiye.
19
Inagi lapaka we, ane tipi hapauta nagi lokiya ge apakai te osiyo.
20
Fane, lapaka ita afo tipimo ge muki yate afiyo, nayafene God-i aga inguf aipanapa lefe amuse nehiye.
21
Lapaka afo gitapa fane hapeiviya opamyo, apaka pakesfi age paimo mogoya osugai.
22
Lapaka ailya fanenaga, Bosi weka tipi ge afiteta nagi muki ya husai, kagesigeka ani ya huka amuse oamgafa, algep eipa e ailya ailka nagi God-i te kamoya aino.
23
Naya lapaka hugefem, lapaipa e God-i te hulta uta aga waya te omane.
24
Lapaka ago ageta halenai lapaka God-i te miya tipi ailgai aga ago inyan lapapeinie. Lapaka Yesu Ala agai ailya ailta aga aiyakaweinai.
25
Inagi havi aipanapa nehusi wekam aga miya am ailgie, namofene aga huni aipanapam nagi hau aipanapa ohanegie