Sapta 5
1
Naga lokia ke apamuve apaga agenopa veaitipi mona lapaga naga naga ena mago agenopa vegae, naga magoke vegamona ago maiena agenove Mesia kanaya aliniyana, naga Goti-na hale ya-amo-a folakapi maiguve Mesia esiya kanale na,
2
Inagi naga lokia ke lapamuve lapaga agenopa ve mage huna , lapaga Goti veala ve alageputa yagaipateyo, lokaeta alagepa lapaipaleti Anutu-a hauniya maya hutapa, inagi mani aliyana lapagaitapi lapagulapa gesafati aliyo inagi mago vemogi lapapai sageta lapaga aliya aliyo,
3
Ha-ao ala veka haiga ohamalo lapaga yagai neapayesa vealave ai apaulagale, ha-ao, lapaga alagepa aepanapa lapaiyaga vaiyo.
4
Inagi muki afuale neyagai ala veka esiyana. lapaga ala amuse yana maige maige yana aligae.
5
Magoke agufa kavate, lapaga yapala ve lapagaitapi afepina lamita maiyo, inagi ala veai apaiyafinaga maiyo, lapaga muki vealave hapauteta hapamaeyo. nayafene, Anutu-a apagufaaliahaiya ve alilino afepi neatate. inagi aga aipa fallu huno neapate afepi apaga alilimia maiya ve,
6
Inagi kaga Anutu aulagale lamiga afepi manegeno Anutu-a agai-a kanale kaga kavalelino anale haigiye.
7
Muki kanaya atapi lapaga alitapa Goti-taga viyo, nayafene, Goti-a lapagaife hau nelapate.
8
lapaga talotala huta yagaiyo, lapaga mani kametapi mo-a Sata-a aga uneno nehiye laiyon kanagana huno, inagi vaya kauya huno henagino negefe.
9
Hetiga lokia waiyo kametiti atafauliyo, kaga maya huga afiyo muki apametiti vealave mogi mani mopfi-ena magoke agufa kanaya yana alia nemaiye.
10
Aise kana toale lapaga mopafi kanaya aligae, inagi mani Anutu-a muki hauya-amo-a havaiteniye, aga ago ke huniye lapaga hale ya-afi agai-e maisayafe, aga lapametiti yatapi lokia lapamigiye lapaga inagi alino kanale hulapate gaiye lapaga.
11
Anutu-a aga muki lokia-a aliniye, aga maige maige hugiye, lamake.
12
Naga mani avo kaina huna halena maya huna lapaga lapapauve, Silvanusi-a aga mago kogana-e muki aliya-ale yagaino alagepa nehiye, naga lokia ke amitena huna halove Silvanusi muki alagepa alita-alefe naga mani avo kao kanafi, mani ke naga kao vana aga lamake, lapaga hetita loika waiyo mani kele.
13
Mani Babilon ana, apaga agai-e lekanapaiye geno aga feluga-e lapagaitaga atalegeno viye, Maki-ena aga nagai mafane feluga-e huno lapagaitaga atalegeno viye,
14
Felugae huta apamiyo muki alu vaya-e lokaeta amuse yae apaveliyo Anutu hauya-ae, Yesu Mesia aipa vase huno maisa yamo-a lapaga muki-ae hane gaiye.