¹ Igeva kayo wanigama atati watae, agewapa Gerasenes e. ² Isu anopisa payopuma tumitagina,Pitava avaga kewama awamusa midaya gara irosatae isuta. ³ Kana yagarava purinda kinami iruvindi miyemine.kaenava kamba a,ao otakie, iganarasa geva kambae ⁴ Ayakuma igoma esegi iganarasage igoma ege yarasage ugutitae.iganava irisakaite,yava ivarara pugite puvie. kawinamava kambae esegivuma ayakurikie. ⁵ Ayama asekape arape, wasana iruvindive amutive aeae uma aupa yavatasa kasavie. ⁶ Pigo Isu pagsaisa maro agateginava, karusurite agisavi uma arakavitae. ⁷ Kuve enavisa tavera kegae utaye, nana kaigeva pukuve, Isu, Anutu inatasa yagarama dagara? Anutu aewa agera kavigawe, nauki vakiena andamoma. ⁸ Isu uwimitae, irosawoma wasana pindisawa, kewama awamusa kawa. ⁹ Isu avigatae, kagegapa kegaema? Aiva omitae, nagenepa Legion naema, igomatakane. ¹⁰ Toge togema avigatae, igarupama mambavindisa itoma. ¹¹ Pindava igoma yaga iyami amuti naninda namamitae. ¹² Mayaema avigatae, Yagavindi tatoma, pipindi mikuna. ¹³ Piya utagana ove uwimtae, kewama awamusapa irourite yagama anda vindi puwatae, yagamiva amutisa karusutapa kayo wanipindi ayamando watae tara tausen yaga kakapa nisuwatae. ¹⁴ Yaga naninda amimita kinamiva iyegaka wama uwimitae nanavaya pita avoratami kava, wasanamipa iroute watae agakena. ¹⁵ Kamana gini isuke kewama awamusa andavindisa irowati yagarage uma isigatae. Kewama antavindi itama yagarava, maramitatae, autasainava potama aogi napienara mitatae. ¹⁶ Kegivaya agatagana kewama awamusa minda yagarava, ayama kasando uwimitae, yagamakegava uwimitae. ¹⁷ Igeva omitae, mambava atate wagasoma. ¹⁸ Isu kana pindi itaginava, kewama awamusa mitati yagaramava Isu pa avigatae, aige wakena. ¹⁹ Isuva kambae omitae, atate namakati wama kokina uma uwimoma nana Anutu pugatami kasage andaraena pukatamikagava. ²⁰ Pigoema atate wama haine kumatahamana uma uwimitae nana Isu potatami kasava, ayama ginami avite, tavera imundana putae. ²¹ Isu va atate kayo wanikama maroteti watae, kanuvi, igoma kina ampa inkitatae, kayo wanigama awamori mitatagini. ²² Ka mono namatisa Haiva yagara ageva Jairus kanama Isu ampa agateva, agisavi arakavitae. ²³ Isu toge rogema, omitae, amana aragandonepa puwakena viyema. Kavigauwe amba kaya ayaku regana asiyenoma. ²⁴ Isu va aige watae, ayama ginapa aigaurite watae agora akikipuma. ²⁵ Ka waipa pita mitatae, ho inu maima naya tara amupuma nagisarisa tara tumbaima yugavindi yonidanava wapa witati waene. ²⁶ Yavakinapa igoma ivavuma kotangaba ayakitipa, yonigapa kamba atatae. ²⁷ Isu kanaema aviteginiva. Aigama igoma kinapindi imagina autasainara ayakuritae. ²⁸ Amatiti puma, naiva autasainara ayaku rukuwopa kanara pukuema. ²⁹ Ayakurita gina, yonigapa asando ayawatae. ³⁰ Isu va aupindisa esegiena wagasaema napitae. Awae puma ivigatae kega nayakurenema? ³¹ Eriya kinamiva omitae, igoma kina taka kaigarawa, ayambaka yenema? ³² Isu va awaevuma kevaya piyema agusatae. ³³ Kana waima, nana auti avorati agategina karupuma pami potatae, aiva kanama Isu agisavi warewama pigo ayama taga kasa omitae. ³⁴ Aiva omitae, araga, kaika kamatiti enama kavakatae. Paruena vi wama yoni kapa kavaro. ³⁵ Piya umamita ginava, kaisa gina kanatae mononamata kaviti yagarari, omitae, aragagapa ago puwaema. Nanaga posenda yagarava kundainava amima miene? ³⁶ Piya utapa Isu va age wama ago avitae, aiva omitae aine yagaragava mono namatisa, ah kaikurupuma, uwa kamatiti poma. ³⁷ Aiva wasanava kamba uwe uwimitae avagi pikenava, Pita, va Jems anando. ³⁸ Igeva itae kaviti mono namatisa yagarama namati, aiva agatae igoma kasa uta, kuve'enapuma indaraena puta. ³⁹ Pigo namapindi, aiva uwimitae, nanaga tindara puma kuve'enava pewe? yagarandova kamba purinda uwaita mindie uwimitae. ⁴⁰ Igeva kagi yasa potatae. Piya puta piyo aiva ayama igaruvama avei itate avawamba ge anowamba wa, kegivaya aige mitata nagige aiwake itae yagarando atamamita. ⁴¹ Aiva aya yagarandomanda asu maima utae, Talita, koum! Pipa maya utae, uwaina aragando naiva gaika uwa asiyo. ⁴² Ava ga'ando yagarando va asima watae kaiva naya tara tumbaim yuga puginda aragandoe avaga pami potama imudana inata taka putae. ⁴³ Aiva tavera akungitatae wasana miva agaviyoma.