¹ Toyagava Isuva Ininama pindi watae, pitapa aya puwan yagara mitatae. ² Kaisagina miva Isuta iyova atama mitatae, kanarapaya ayapa aogivotakiema migarakena yagava, kekuena putae Isu kamana otakenae. ³ Isu omitae ayakevo yagara, wasana ikapi asioma. ⁴ Aindi Isuva ivigatae, wa'waya migarakena yagava wasana ogipike na'nava ogiena vera, wasana ataena pikenanae, auikena vera aegukena'e? ⁵ Isu amo au igagategina antaraputae, nanaviema inda akunga tagina. Kanayagara omitae, kaya aivisoma, piaputagina, Isu aogivotatae. ⁶ Piya, putaginava Pharasee ginami agatate gini, avaga wama gini Heroti kinamige kamana naikitae, Isu aegukena. ⁷ Pitasava Isu yoga ginake kayowani awatati tumitaga, Galili isa ve Judea isa ve taveginataka aegaratae. ⁸ Jerusalem isa, Idumeisave, Jordan isave, Tayaisa ve Sidomi kinami, Isu piyapiye kasa aviteginiva, tavegina kanatae, Isuti. ⁹ Isu yogagina waka uwimitae, kayowani pindi kumapa aogipu nataiyoma,toragina kanama mitagana,ugamba agasaga enatayomav ¹⁰ Igomakinapa Isu kava itagina yonikina minda ege napiena waipa Isu aigaya pekana kava tatakie manapitae. ¹¹ Ke awamusa ama agate ginava,Isu agisavindi warema mitagina kegae rasa utae kegaerasa kaiva Anutu dagaragae. ¹² Isu ewa, esigima akukaitae, angavorapa nataiyoma. ¹³ Amuti asumindana, avutinakava iyoma kege'e utagini itae. ¹⁴ Isuwa, yogaginawapa utaitatae ewake mima, kamana wa uma arakiveka. ¹⁵ Esegiena maeuma ke awamusa agaruwakena. ¹⁶ Pigo naya taramuta tara gina utatae, Saimoniga, Pitae omiti dagara. ¹⁷ Jemisie, Zepedi dagara, Jonie Jemis agando, Boanerges, pipa amondama dagarae. ¹⁸ Andrew ya, Philipi ya, Bartholomew ya, Mathew ya, Thomas ya, James, Alphaeus dagara ya, Thaddaeus, Saimon ya. ¹⁹ Judas Iscariotie, Isu punagaena pikena yagarave. ²⁰ Pigo waeri watagiva, okaina ginato ganagana vuma agatae, nanindava kamba nanda. ²¹ Pigo ewa tumbi piya piye kasa aviteginiva, kanama amba ayakuritae, kanondanara egatamamie umagini. ²² Ewasa, napiena yagakina Jerusalemisa tumita kinami, Isu kava ka ata awamusa urindie utae, kegina agaruwakena, urindikana pitasa keva agaruwaema. ²³ Isu kegeuma agora menkitama uwimitae awame kamana pisa. Ayama keamava keva agaruwakiema? ²⁴ Kakamari ama ewa aka aivakovikivipa. to kamba asikie utae. ²⁵ Ka nama agama, aka aivakovikivipa, pindamapa to kamba asigakie utae. ²⁶ Keyagaramava ewa amoena potama aka agaivakovikivipa, kamba tava asikie. pavigopagipuwakie. ²⁷ Esegi yagarama damapa, kotangapa maegakie, agisa ayatapa igana kirokaetamaga pikie kundanava. ²⁸ Taga taga kamana naeva (Isu) urimue, wasana manda kaindana waipa, asuwa puwakie ata gasao ikaisa ikaiya kama uitakiveno. ²⁹ Pigo kevaya aogi awamusa ama akaia sikivipa, kaindana wapa, kamba asuwa pikie. Pikaindana waipa waita waita wagaikie. ³⁰ Isu makamana utipa nanaviema, ata awamusa aewa (Isu) urindie otataganae. ³¹ Anowamba ya, agadove anandove avei ambindini, kamana aisagatae Isu ti. ³² Taveginami ikapindi mindo gini, omitae Isu, kanogambage kaga gavagi kaekuena puta avei ambindaema. ³³ Nanonemba ve nagagava kiva kegie? utae, Isu. ³⁴ Isu aingiangima mara mitata kina mare iga maiga pundana, utae. Agaiyoma, mamba nanonemba, nagando nanando gitava mindae ma. ³⁵ Kegavaya Anutu auma aegamaena pikivembe nagava pimbae, nae (Isu) nagando, nanando, namana, nanonemba gitava.