¹ Mini kukakantac amucna iniya waintan ye wakundoyoni yonayoni yunamac iyen duken noyo. Jisasim weyic disaipori uci yararemi temi, ² mana iniya wainta uke ten tinduni anon tikunan uyinkeko. Newarafi, tari fara nura nic muremi tenamac bemi, mana yunamac iyewaci neyo. ³ yaran pukewanac yen yimapac tiyinkana beye, ankapaci mucdaromeni yami rinteyo. Mayac eyouni iyac makufa tenuyacbaci yeweno. ⁴ Wenic disaipori uc yeweke teni, inkec nureka ata anawac iye wenin makusapa breti mandec yimeno wara. ⁵ Jisasi yenkaci indaemi, ikeni nacde bretic dukeka? Yeni yameni seweniwe. ⁶ Beni anasi wainta makakac kumandeko wani anasi wainta tiyimemi.Beni mini seweni breti mandemi, Gotin pac tususiremi mandekem, benic disaiporiuc daimoko wani yimemi.Afo benic disaiporiuc mandeni, umacden iniya wainta kimi mini yunami daimeno. ⁷ Kamore kauya waci disaiporiuc dukenoyo. Jisasi mandemi Gotin pac tususiremi,benic disaiporiuc kani tenini,anasi wainta daindanaya nako wani tiyimem. ⁸ Umacden iniya wainta naman dayomi, yimuc kuronini, arayara yunami 7ni basketin uwikeno. ⁹ Mini iniya waintauc yic nampa 4000ni iniya waintau kami bayomi, Jisasi tiyinkanini wenoyo. ¹⁰ Benic disaiporiuc namaci, akakamukac sipi kin undeni, yerereni distrik Dalmanutaci weno. ¹¹ Icnayemi Farasiuc yereni, benamaci eran bayani teno. Mana mirakori Inarumpatena uwaranowani, bemi amamakeni indaeno. ¹² Jisasi eran aumi wenic spiriti kim mandemi, temi. Inkkecnikac eyaci manac yamuc kakena iniya wainta, mirakori wani inda eyac teno.Teni antekukami deci ikemi tiyimeko, iyec waci mana mirakori wac, manac yamuci anasi wainta kimi ampamin temino. ¹³ Icnayemi mini iniya waintauc yere yinkaremi, sipikin undemi, yerermi ena nom mantan akofac bemi. ¹⁴ Disaiporiuc yiwimi kareni, iyewaci amankac tire breti mare weno. Mana breti mana ssipikim wemoni. ¹⁵ Jisasi yankaroko bayani tiyimemi. Ikeye farasiuc namac Herotiuc yic yisti kake,yankarac ukekaci, awokufikac urekac dafiseko. ¹⁶ Disaiporiuc yeyirani macnin tireni teno, ikeunamac breti wac iyen dukanami, weni mana bayani temisino. ¹⁷ Ne wayayac yeni teyafoyo, bani jisasi indikemoni. Ne anda warakac ikeni breti iyen beno teka? Ikeni iyec indekac, iyec oneka? Ikeni iyec indekac iyec oneka? Ikenyic indini payac damukena. ¹⁸ Eni okami dukanamifo, iyewakac onewa? Akami dukanamifo, iyewakac idewa? Eni iyewakac omareindewa? ¹⁹ Teni 5000ni iniya wainta kimi 5pi breti mandec kicde kunawe. Nacde basketic ikeni untikeka fokonon tenini? Yeni teni 12fi basketi wen teno. ²⁰ Akac teni 4000ni iniya wainta kimi, 7ni breti mandec kicde kunawe.Nacde breti basketic untikeka fokonon tenini, yeni teni 7ni basketi wen teno. ²¹ Akac ikeni iyewakac oneka? Beni yemi indaemi. ²² Yeni yerereni Betsaidac yeroyomi, mini awafac tena iniya waintauci mana okam potikanin waintan awikeni, Jisasi okaino wani yeno. ²³ Jisasi mini okan afakanim wainta ayam banka pakaremi, yekanda mini maku yerereni wewayomi, wen okampen akano kutiremi,wen ayan okankac dem indaemi, Eni amankakaci manacin andandauc onefono? ²⁴ weni okan yanic uremi temi, teni amankaci wanta onec umpe, yeni yayuc ke wenone. ²⁵ Icnayemi wen ayan okankac dami, mini wainta okam makemmi. Aci make wen okami antekemi. Make weni andandauc awokuc onaric emi. ²⁶ Jisasi mini wainta makufac binowani tankaremi, tamemi. Eni iyewakac tauni kimi urono. ²⁷ Jisasi wenic disaiporiuc yiwic manaremi umacden makusimi, Sisariac namac Filipaic namac wemi. ²⁸ Yeni yewekeni wemi tameni, Mayac eyouni teni, nom manyin kewan Jonoi ne teno, akac mayac eyouni teni, Ilaija nen tenofo akac mayac eyouni teni, mana profeti wenon teno. ²⁹ Afo weni yenkaci indaemi, akac ikeni tenani iye nec teka? Pita yeweken tamemi eni Jisasi banano. ³⁰ Jisasi weni iyec benafi, iyewac enuyac bac tiyimeko wani, beni eran bayasin ken tiyimemi. ³¹ Jisasi yewekem macnin tiren yiman yimewami, wanta akaci amucna umani maran temino. Acnonic ukeyon waintauc namac, prisiuc namac,lo indin waintauc namaci wemi arintenofo, 3ri nuran acnayempaci,weni ukukantemi. ³² Weni aman daren tiyi miranimi, icnayemi, Pita yo awiken akofac maroremi wemi asemoni ³³ Jisasi yo wec emi wenic disaiporiuc yonaremi,Pitami macnin tiren asemi.Eni bananomi ten ticnayemi yanano, eni iyewaci Goti nani indana mino. ³⁴ Icnayemi wenic disaiporiuc yraeken demi tiyimemi. Mana wainya wena ten tiwakurin temi, beyarac awinkarenci, benic kekac yayac manaren tiwakurino. ³⁵ Iyec wen aum pakantenafi, weni dompinin temi. Akac iyec wen aum tentic awokuc bayasac namac, ten tiwitin namac dompirin tenafi, wen aumi awokukaci bantemi. ³⁶ mana makaka kena andanda umacden wainta mandeni, ne tssasirac maran teyafo? wena dompiren maro mandac emi. ³⁷ Ne andandac yimirenc yeweken wen aumi maran tenafi? ³⁸ iyen iniya waintac weni, ten namac ten tiwayasin namac,mana yamuci, anasi wainta manda baruc uware yon kaci, ayorin tenafi. Wanta akac baci yemi ayon yinkan temi. Wena wen afonic kakantim, wenic hori ensorouc namac yinanin kake.