¹ Teni Saimon, Jisasi ni yockam wainta bec mana yovkam wainta beni uwarem. Teni mana wayani ikempaire, iyec Jesi ni yockam wainta nama mana bariec benan indinte. I keunama umacdem Goti nama Jisasi kandayic anteckeni ayinta awackuranami beni ikeunamac ubecken kun tiviekatem. ² Nanayin nama awoku andunama amam mi enkim iyenacitem Goti nama Jisasi yekanda ikeunamat iyeno beno. ³ Goti benni ikeunama umadem andada tiyemini timem, Awoku baliuke awoku taum maranuna Goti kinke na idii yem. Iyewai mayawac ben avitanama beni eranta ikeunama urarem. ⁴ Mini adada'unama'i beni ikeunama iyena wani promasi timem micnimuckami benamackai awoku andada'u eni mande eni mana amka kakena ayira indirase yesacka nanami. ⁵ Ne'anda baya eni anteckeni bari'e, eni birivi yoyickaremi awoku ba namac eni awoku indinamai rukanumi. ⁶ Awoku inditaka en ho ayin istianare aka en ho ayin isti'ana. Eni anavisi mande, aka anavisi mareyo bantacolewac eya'i Gotini antekeni banta ukaka. ⁷ Goti ayickeni bantaka'i eni, ena afakawana i awoku onarika'o. Micnemi eni ena awoku onari'inonami. ⁸ Mini umacdem andadiu e'kimbem en iyena'ucuackem bana eni iyewac i payukam bano nami. Amuno yunami ike,unamasi iyeno Jisasi ni indinta'i uranteni . ⁹ Iyec beni umacdem andada iyewac dukenafi beni iyen amaka andada'u onem, newarafi manda bukami makem. Jisasi kum pu'emi beni manda'u yomandeke deni nami avimi kem. ¹⁰ Micnimuckami, tifa-tiwa mana awoku bani induna macnimuckemi, Gotini arantakai'i anufare indeno. Eni banami encka'i beni yockam wainta urakami , yan micni bariuke iyewa'i dinonami. ¹¹ Mini asacke, Amucno andada nama iyacka bam ya'um mareyomi, onaka'i bantemi. Ike'unamasi iyeno amaka makusimi iyem wainta ikeunama tivickantena Jisasi beyakai. ¹² mic nimukami teni umacdem nurami dafic,mante'i mini andadau kani tiyimentec. Micne indiruka nonafi, micne eram bari'uke, mini puka bayani make ruke onakim mi i tamente. ¹³ Mini awocku'ini teni mana indiricmec, pa mini makim bei yewekem mini andada'u kani indir amire'i yeweke ukukanke, mini bayayuc indenobani yeweke tumentec. ¹⁴ Ne'anda baka adecka pakonana indi keckafu, Ike'unamasi iyeno Jisasi pukonuna ani yoticka rukami. ¹⁵ Micnimuckami tenti' umacde eran nirec mii bayasim uwandukami. Tenti pukira yeweke indinona nuram. ¹⁶ Ye 'unama yockam wainta'u macbicnamac unamatic inditing kena bayayuka tekaune. Iyewaci Yeunamai puka Jisasi mi onaruke tame. Ikeunamati iyeno amucna nampa nama iyena eranmai rukemi. ¹⁷ Goti, Ikeunamti iyeno, iyena bicnamc Goti beni iyina kukakanaa i benka yakokami macnintemi mini Jesasi tenti awokuinta bai benan timoyewana intabemi. ¹⁸ Mayuni Goti tewac indec i Jisasi namac mendan Holi anufac wantec. ¹⁹ Ye'unamai disai poro'u yiwayani peyuckam uwantami indec. Nebayayac uwan duckenafi erara'ura packa. Nevarafi, mana omi bemi ayufun kenickimi kakemi anasi wanta yafa'em banani biteno. Mini omi amacka'i mini kukackani yina nicka'i kewanami, banuram kena bayomi iken yinduni ukucka yikantemi. ²⁰ Mini umacden andada'u acnoka'i eni onawak iye wa'i mana yockam wainta beni indinta iyewa'i uwaren. ²¹ Nevarafi, iyewa'i mana yockam wainta beni indinta Gotin awayani uaremi, Iyewac'i, iyem wainta Gotin ni Holi Spiriti benkim uwikake nafi beyacka'i Gotin awacyani temoni. Micnimukami Gotini Spiriti umbekem kun Ike'unamacti Spiriti tofa'ewac'i benar indec'u.