¹ Eni indeno sifativao yenama ebanafa yeguna mada baino. ² Eni indeno yenama mana-a umambac siyorim Philipai mareko. Yenama Koctinic erantimi sameteko emi Koctini baya sinaviseno. ³ Mayausi erankinke sini, mini i mandava ino fainana vaino bac umakaino. ⁴ micnugami, yioyeunamac Kocti ogankac atekeyami Kocti, avaya sente yamo. mayau sevana, banta anon avic marano varaino, Kocti anon avic marano bam. ⁵ Minukayami, yeunama umacbaya vaino, yikeni indikamino, mini bayafo simam seyaran nana indim avu ava simam iye davacote, koctic beni idinkemi. ⁶ Mayauni banta nasi anom yivic yimeko baraino, yigeyabakafi ena ininbainta, mayauni Jisasi kim beni yokam bainta irana mayausi abogui. ⁷ Micnugami yeunamac yigemi aboguguc yekemi, ugenkec yara, anuc yinama beagafand abogugu uwakemi amirac. ⁸ Mana asabacke yikenan omarec indeyam. Mayauni Kocti avaya manava yikem yiyimirande yarauno, mayau sesi ban dabac. Yigeni mayausa anom andada omi. ⁹ Omare indeko, sifactivao, mayausiu anom kayoc yokari. ayufunkim bac kagac bac yoke yam, miniure yikemdec, Koctin kim duckim baintau. ¹⁰ Eni onaganami Kocti bac onagem, ayokuku ugem, antekem. Umari iye ukam avuava mauyauni yikemdec, Koctin kim duckim baintau. ¹¹ mana asapake yikeni onagemi, mayauni yikemi onac mam yeyifoc ma beyaga fanda yonenim amakac. ¹² Minugami en innatiakec, erauankec sameyam Koctini abokuc antekam asac bono, beni emi aramam beyic abogu magumakusim dantemi. ¹³ Minukami Kocti avi umadem nuram yanionteyamu. Afo ena mayau bampake Kocti avaya made ma indire, mandarac kukunyo iye bac banta yibaya kacna inde. Kocti avaya ifo fokaukam sire bai mara. Mana baya nama iyefi Koctin ka indikarac ano yeyibanapac yokantem. ¹⁴ Sivactifao, Judia mac Koctini mam makim bacma Jisasi avakurauko. Manaukam umani maram yike yikono ma marananiukam,Jusi banta ma onic. ¹⁵ Jusi inim baintauc namac Jisasi bac Koctini yokam baintau yireno. Jusi manomana mayauni sivakundam mapac deno.Yeni Kocti ogankac iye antekam abuava i uwareno, afo yeni asidem inim bainta namuko ugakeno. ¹⁶ Yeni enou iye siyieko vani acaoseno eno inraum magu iye marako bam. Nevarafino yeyic manda uwikara ugami emi. Icnaimi yekim yeremi kipactemi. ¹⁷ Sifactivao, bagac yamuc kaci dainkake yamuc, sinduntinke bacino sogacke. Mayauna yikeugam yontim onarani ao idiriugam eyaro. ¹⁸ Mayauni siyini yeke vapac yirani indinko. Seni poric manayabac yike bapac yirani indemko minugamifo bananom mano mayausic ani uyakemi. ¹⁹ Neci mayausic indim bac amusin bac iyenoni atakac eyaona anukami enonan sikem? ²⁰ Eni mayausic avogu bac amusi bac.