¹ Jisasi baekam baya fate siyimen semi, ² Inarun kindomi ic, mana kim mano ben agac bayic ino bam sesac inic mugemi. ³ Beyic yokam baintauc siyin kani yara rukau yivikaran benofo, amanka yeni iyen yeno. ⁴ Yeveken ena yokam baintau ic kim mano siyinkemi, semi, 'Yararukanou siyimeno, onago naru yunkamar antec dukauna. Sesic burumakauc arurec madam anecne antecman dego. Yego bayic ina yompage. ⁵ Mini van yeni iyen indeni yerere beno, maya beyic yunampac bim, eno beyic monic yokantac bemino. ⁶ Maya ac kinic yokam baintauc fakareni, yiyorin yimicdeni, yiruman fukeno. ⁷ Kim mano yisidemi beyic sondianuc siyinkani, afo yeni banta yirumam fukeyon baintauc yiruman kipareni yen yimac makuyuc ika sareno. ⁸ Afo beyic yokam baintauc siyimemi, ac ic bayic intac ino, afo yaregunou iyen anteckeno. ⁹ Mini ifo ayana fata be amuena ini ya baintaui yonante siyimego yeko. ¹⁰ Yokam baintauc anon ayana fatac oreni umaden ini ya baintauc o yifakaman managac deno mandauc namac ayo kugu nama. Ma mini mac yagumkim yare youni mare uwikeno. ¹¹ Afo kim mano naupac undem mini ini ya baiutauc yonam bemi mayan ona mi, ure bayic eyom unambacdo iyen urukami. ¹² Kim mano ben samemi, sikono inke nigac ec ure bayic eyom unambacdo kim i ye bafono? Afo mini bainta ic aya bac iyem bami. ¹³ Afo kim mano yokam baintauc gan semi, Agan ta ayanka mana nan damure ayufun nanan kenimpac acnogo. Mempa ific den avakur arafinanim pagec. ¹⁴ Afo amuno ukami yarakemifo, kamoren ukac dukami. ¹⁵ Afo farisiuc oreni Jisasi ben avaya kac bam bure fakarar indir uwareno. ¹⁶ Afo yeyic yonkan baintauc nama Erodian namac sinyinkani beno. Yeni Jisasinan seni, Tisa o, yeunama indinkeumpe. Eni fuga ugami sikemi Goctini ani siyimanamino. Eni maya nic umac indiruc kar iyen indemi yempa gic iyen anamino. ¹⁷ Afo mayau sisimeno, inken indirikac eni eya? Mini lo ukan nafino monima Sisa bampac ayac eyo ne? ¹⁸ Afo Jisasi yenyic mandauc onaic uremi semi "Nevarakac semi Simam magega fono, yige kam bofem dukam baintauc ge? ¹⁹ Ayac eyo monima yotigac onano sini." Migac banta on naniac avic namac bam monima mare ameno. ²⁰ Jisasi semi "mana iyen on namac ayic nama gafi?" ²¹ Yeni seni, "Sisa nindaino." Semi, afo Jasisi semi, "afo Sisa ninda anecne sisan amego, Kocti ninda Kocti nindaic." ²² Afo yeni mini indireni yere sumi sami sa beni yere ankare beno. ²³ Mini nurami mana ac Sadusic, fuckam baintauc iyen ukukanteno seyouni yere nic bemi indae ²⁴ seni, "Tisao, Mosesi semi, 'Banta an iye magem fukinami ben afac abam ben anac manden am mac ankantemino. ²⁵ Mana yamar afac kar omanden untavani bage yomi, ananteno ambac iye magan fugen anasi yererami ben afac maremino. ²⁶ Afo ben anaenkeno oganic uren yererami, kandac manavac ka oremi, micnom bem umadempac mana yacmar afac kar omanden kaci oremino. ²⁷ Miyiu umaden yicnaempaci anasi fugemino. ²⁸ Icnaem fukam baintauc yeveke ukukana yon nurami, iyen ana kac beni bante nafino, ma mini ac unadempac mana yamar kar omandem untava ginkeve? Miyiu umadem bemi mandu kageno." ²⁹ Afo Jisasi yevekem yen siyimemi semi, "Ananam manam mino, nevarafi, eni Koctin avaya fi Koctinic erani onoic iyen ukanamino. ³⁰ Icna yem fukan ini ya baintauc yeveke ukukana yom yamu ic, anasi banta bayic iyen eni, anasi manam banta kac iye maukinteno. Umacde inarumpac enjorouc kegem banteno. ³¹ Afo icna yem fukan ini ya baintauc yeveke ukukana yom na nunkupe, iyec yande ka Kocti yiken siyimine, semi, ³² 'Seni Abrami nic Kocti, Aisaki nic Kocti, Jekopi nic Koctim bego'? Kocti fuka uyic Kocti baino,ayum ba unyinda ino." ³³ Afo anasi banta mini indireni anonic ureni yeni yinducdeno, Jisasi yimam bayayuc siyimevanare. ³⁴ Afo Farisiuc indeni Sadusic a sinayonic iye oni,oman yemare manapac uyeno. ³⁵ Maya yenkinke lo bayayauc onaic evam bainta ben amam makemi, mana indaini indemi - ³⁶ "Tisa o, inkeni anom lo bayayukana logim benafino?" ³⁷ Jisasi ben samemi, "Iyenon eyi Koctin ey andun namac, eyic eranamac, eyic India namac ben ayeno. ³⁸ Mana minin anonic gugan uken acnan tapatena lo bayayino. ³⁹ Afo mini acnayem patena lo bayani macnin ukemi- 'Agono en acnaka bananimi, eyar aye ona ayirigac ono. ⁴⁰ Ma mini lo baya kanda ka ic umadm louc namac Koctin avam mare baya mare beyom yokam baintauc munkugemi." ⁴¹ Afo Farisiuc managin oman yemar uge bami, Jisasi yemi indaini yinda emi. ⁴² Beni semi, 'yikeni Kraisi nani inken indirikac eka? Beni iyen aga kac benafi?" Yeni ben sameni,"Devitin aka ci." ⁴³ Jisasi yenani semi, inkecnigac ukana Deviti Ayo inta kim ben arena Iyeno, siremi, ⁴⁴ 'Iyeno senti Iyenonan semi Iyeno, "Sen siyan ukampa kuman dono, Enic namukouc manam en akar akumpa ic danteko.'"? ⁴⁵ Afo Deviti Kraisi nan 'Iyeno' sentin mi, inkenic urena ic beni Devitin akac benafi?" ⁴⁶ Maya vac ben oveke baya vac iye sameni maya vac ben indairandac iyen indeno.