¹ Afo Jisasi beyi yokam baitauc namac bemi Yerusaremic adekac oraeni betfakei Yereno, Olivi Anufac undaeni afo Jisasi kantan yokam baitauc yiyinkemi. ² Afo yenani semi, "Mecya ena makusim bogo, afo yikeni akakaeci onanonagomi, donkimi bey akacnamaci dumumandami bemino. Afo nar utecde mare simego. ³ Afo iyefi yiken nana minivam nevefi sinage, yikeni seci, 'Iyeno yokani dukeno,' afo mini bainta akakaemi mini donki manda yiminaci mare yinakomino." ⁴ Afo mana mini bayani feni profetiuc yiyimic duckakenimi. Jisasi semi, ⁵ "Sasameno Saiyoni aramune, onano enic kimi evana faci yeno, bey yom mandam makakimi demi donki kaci yemi - donkin akac, akoyun naroc.'" ⁶ Afo yokam baintauc oreni nec jisasi senafi minin uwareno. ⁷ Yeni fumara donkimi abike yeraeni anecne mini dokin nanaroc dami, jisasi mini naro kumandemi. ⁸ Amuna inim baintauc yeyic anecneuc mandan asa ci uwiseno, afo manaca yayanauc akeyareni mandan ana urinanin asaci uwiseno. ⁹ Afo amucna inim bainta acnatapac bami Jisasi namac amuna inim bainta icnaim yeni bacdeni seni, "Amoyono Devitin akac kare! Ayokukuc uakantemi iyec mini Iyenon avickim yenine! Benabi yanickukanono yacni ono. ¹⁰ Afo Jisasi yeraemi Yerusalemi umpekemi masicden inim bainta mandan onaicureni seni, "Iye fino? " ¹¹ Mini inim bainta yeveke seni, "Mana Jisasino profeti ino Nasaretic Gariric magusinkeno." ¹² Afo Jisasi iyena mam mackin umpec emi mam makim yime ayac mare youni yivakuna ni mapaci acnemi, monima baede mare bau ya nunuc yime ayac mare youyi kandada manam karucdemi. ¹³ Beni yenani semi, "Yokim akateno, 'Senti mackim yukam mukam makimino,' afo yikeni mandani umom macki mamino. ¹⁴ "Afo yokam futikauyaba yikam madaukauni bebenipa mam makimi yeraomi yiyofemi. ¹⁵ Afo mam bayakim mana makagackena indin dukauni anecne uwandani oneno. Afo yeni indemi, anakakucma mackim bacdeni seni, "Amoyono Deviti akackare," yeni anom yiram anecne mareno. ¹⁶ Yeni benani seni, "Eni indefono mana baintau seyomi?" Jisasi yenani semi, "Eyo!Afo yikeni iyebaka yandeka, 'Sito inta akaku baka nami neyo intau yivantike anteckam yimoyini ameno?" ¹⁷ Afo Jisasi yemi yere yikaremi iyena makusimi Beteni oremi yenamac ayufum bakemi. ¹⁸ Ena banurami mini iyena makusimi yeraemi,arani fukemi. ¹⁹ Onami mana fiki yani ayavafa bami, beni onanimi mana aneneva iyebami ana mana bami beni semi, enayac bac akami iye iranonami, mini siramimini fiki yani esecukami fukemi. ²⁰ Afo benic yokam banitau onareni, yinduc dureni seni, "Inkeniurena mana fiki yani kafukenafi?" ²¹ Jisasi yemi yiyimemi semi, "Fukaukane seni emi sameko, ena senana omare indema amucna indiri iye inonami, mana yasac uwarekuna manac ba uwaranonamino,anuvai same se,kicde solwarac kumono, afo sinonac intemi. ²² Anduntinke ne anene ukara okam mukure indaintefe, mararic mana inonami ." ²³ Jisasi mam mackim yerem, anoni ukam Pristeu nama bantaka yinoni ukeyo be bapa siyimebani yereni seni, iye emi siya eni manauware, iye emi eyosianaraya mana andanda uware,iyem baintai eyo siankenafi? ²⁴ Jisasi siyimen semi,"Seni mana indaini yindaonteumpe. Ena sem sisime, seni emi samenteu ne eranta mana andandau uwarekafu. ²⁵ Joni nom manyinkeba inkem pate yenafi?Inarum patefi bantakinkefi?Yeyirani sireindeni seni," Mayau macnisenane, Inarumpateve ', beni macni yikeunamac kani sintemi, nebara benani iye indeka? ²⁶ Afo,mayauna macni secmac bantaucpate ve senane,mayauni bantanasiuc gani fegecyaro,nevarfino yeni onamani amuno yikani fekeko, "nebarafi yeni umacde Jonin onamam Kotini yokam baintaino." ²⁷ Afo yeni Jisasin same seni, "Mayuni iye onakeumpe beyabai yenani semi, seyabai iye siyimenteumpe, iye mini indim amidena mini andanda uwarano senafi. ²⁸ Afo eni ikeni indirikaeva? Mana bainta kantar inta dukemi. Afo beni anar intakai oraimi semi 'sentikago make beba maro yokano waini yunankine.' ²⁹ Afo beni akai samemi, semi, 'iyebac anave,' afo, inaiemi beyic indini baedemi bemi.Mana baita oraemi inayen intami okani siremi semi. Beni indiremi semi 'seni bonteko ,iyeno' afo beni iye bemi. ³¹ Afo inkeni inta kandakinke yenyifo simi indeyafo?" Yeni seni, "acnarinta,"Jisasi yemi siyimemi,"fukaukane seni yikemi siyimeko, takisi maram baintau namac monko ininam Kotin amac makusim yeni urinteno yike iyeumbami. ³² Afo Joni antekan asaci yemi, Afo,yigeni bekimi iye munkomi. Afo takisi mareyou bac monko ininami benkin indeno. Afo yigeni onarei ,yidum iye baicdeci Kotinkim iye indemino. ³³ Kapinageci ena baegam baiya indego.Afo mano bainta, maga afo beni bagem. Benic waini naruci yogemi waini akec yevan kuganandemi, waini dafindan masic umandemi, dafisinayom mac yami ugami uwan demi waini yogeyom baintauc kaci dafi yinkemi ena magufaci beno. ³⁴ Afo waini agan kicdin yamuic onimi manaca yokar intauc siyinkami waini yogeyou bapate benic waini agan marankago vani siyinkani beno. ³⁵ Afo vaini yogeyou benic yogar intauc fakareni manamana yami areno, enan aruman fudeni, ena oni areno. ³⁶ Yebekemi amumcna yokam baintau siyinkemi,afo waini yogam baintau ogam magani waini yunan ofonic yokam baintauc uyinkeno. ³⁷ Afo icnaemi vaini afo beyagaci sankemi semi, senti gaci onamani ayogugi uankantenone. ³⁸ Afo waini yogeyou waini yunan afon agac onareni yeyirani seno, mana anar againo. Yic, ben arureyam beninda anecneuc marano.' ³⁹ Afo yeni mini intam fakareni,avike waini yuankinke fakaman mapac deni aruman fukeno. ⁴⁰ Make bena mini waini yuna afo yene, naka beni uyinkantenafi mini waini yokeyouni? ⁴¹ "Yeni bemi sameni, "Beni manda asapate yirurem manda baintau anankayinkarem, yenyi waini ena waini yokam bainta dem, inaema yunan korem amin nanim bainta amemi." ⁴² Jisasi yena semi "Eni baya akantenimi iye oneba, oni mac pakenim mac uwareyoni yifonkani e-eno. Manai iyenom pate; mayau sokanka abokuki emino?" ⁴³ Micni ukai enani seko, Koti inarumi mandani enkinke ena iniya bainta aboku akami iyinayoni yimitemi. ⁴⁴ Iye mini onaro yandintefe umaci akarafantem. Iyen kaka pafasintenafi kidikidi intemi." ⁴⁵ Yicnonic ukam pristi nama mam macka anonic ukeyou indireni mini baekam baya, yemi omare indeni mayau yani semi sino sire indeno. ⁴⁶ Bemi fakarani ayuci afakenofo, yeni fekeyo amuna iniya baintam bani, nebarafino amuna iniyabainta bemi onaekeni Gotini yokam bainta backo onaricmeno.