¹ Eroti Kiniugani yamuci Jisasi Betlemie Judia magenoyoc indim baintauc ac urintapate Jeru saremic yereni seno, ² Jiusiayic Kimi inkem pagac madugaga? Mayauni benic bayo ac uritapata ic onareci bem mansiankarani yecumpe." ³ Kin Eroti mini indiremi amuna indiric eno Jerusarepac beyouyabaci amuna indiriceno. ⁴ Eroti banta anasiuyic yicoyum Prisiuc namac lo siyimeyom baintauc yaramandemi,"inkepaci Jisasimi magateyafono," ⁵ Yeni bemi sameno," Betlemic magusi Judia sireni Profetiuci sandugamino," ⁶ Eni Betlemio, Juda macagimic Judauyic yicnonkac kipa iyem uganamino. Enkinke mana dafisinic yeremi senti anasi bantaca Israiric bausac dafisintemino. ⁷ "Erotic emamic indim baintauc yaremi bayo afotaci enina yindaemi. ⁸ "Beni Betlemi sicinkaremi semi," oraekaci anufare anitac afaka recac seyanda maro bemi mantiankano. ⁹ Kimic siyimicdani Indideni yerere beno, beni aci urintapaten oneyom bayo yivigemi acnaricemi bemi aninta bankaci okapinemi. ¹⁰ Bayo onareni ano yimayicamieno. ¹¹ Naumpa undaeni onamic aninta ben ano Marianmac bani onareni yicon noyan ankareni mantiankeno yeyi unacike uvandenic kori nama ayocu undaenim adadauc ameno. ¹² Eroti beyimpa yebaege iye bokobani Kocti kayinka siyimerani ena asapate yen yimapai beno. ¹³ Yerere boni Koctinic ensoro kainka yeremi josepim samemi," Ucuke aninta namac ben anaonama yibece Isipic iyayono. Erotic aninta afakarem arirani indemino, mifac banaka samena obaeke yeno. ¹⁴ Mini ayufomi, Josepi ukukemi aninta namac ben anon namc yivimaremi Isipic iyayemi . ¹⁵ Mifa banimi Eroti fucimi. Iyeno Profetiuka siranim afotaemi. Isipic macusi sentika a reuc. ¹⁶ Erotic onanini indim baintauc bemi makasirayomi, anom arami kecmi. Bantau syickani Betlemic beyo, anintauc kanta orande mandeyoucni indibaintau yerae umaseyom kafani umacdem yirumani fucgem. ¹⁷ Mini bacya andac Profeti Jeremaia senim bayacni afotacicem. ¹⁸ Ramake mana amani ifidemi kunisaceno indego. Reseli ben aga fandauc igem bami, mini bami ifidebani arac nanayuakam eicdemi. ¹⁹ Eroti fucimi ensoro Josepi Isipi bami kayinkac yeremi samemi, ²⁰ Ukuke aninta namac ben anon namac yivimareva Israili magafac bono, aninta aruman pukirani indeyouni aci fukeyo." ²¹ Josepi ukukemi aninta namac ben anon namac yivinaremic Israilic magafac bemino. ²² Josepi indiremi Akelosi beyafom Erotinic macu kadem kini uicemi indiremi mifac binaninanic fedem Galili macafac bemi. ²³ Nasaretice seyom anom macusim obamino.