¹ Ese mini yamu Jisasini yokam baintau, Jisai bapa yereni seni ,"Iye i hanom dafinsin bainta intenafi inarupa?" ² Jisai sito intakac haramandem, avi ekem yem yibana dem. ³ Semi," Fukaukane seni make emi sameko, ena yeveke sito intagaki eve, eni amanka inarum maku iye mara nonam. ⁴ Micni muka-i, iye mana intagac kacna inteveinarum maku enindam bemi. ⁵ Iye mana intagac sen tivikim avickante, semi sivikanami. ⁶ Afo senar indeyo intakaku sini uwaraco intefe, amankai onabam unam beyamentim kurem nom avarumkim kumpe kantem. ⁷ Onano bantanasi mana maka kakena anene varureni madai eyon, sigun ukane iyem bainta mini umaru uwarenafe! ⁸ Amanca en ayanfi akarefi manda evana akefamar anure, amakaukami manapa akanamac ayanama iye kipam aum mara nonam. ¹⁰ - ¹¹ Afo mana intacu iyeva mandaic uyinkako, make emi sameko, inarumpa yenyic ensoli sentifon ontimi gagakem bemi. ¹² Eni ne indiri kac eva? Mayama mana umam sipisip dukanave, afo mana mikinke oyogana amangagac 99 yere anufac denaci, afo mana oyokenim ben afakate nafi? ¹³ Afo bena afakene, fuga ugane, emi sameko mini bainta ano amoyukam mintemn fayaci mana oyokam sipisipi yevekemi afakarukemi amoyem. ¹⁴ Manaic mukemi, yikeunamac sifo ayiraino mana manuckam intagacma oyokene. ¹⁵ Enafacava ema manda uankanave, orevaci benamac bayayac antega, bena en avaya indina aci avic ganami. ¹⁶ Afo bena en avaya iye indina, afo manafi kantarafi yivicdevac kandac manavac ukeva antekevanami, baya antegantemi. ¹⁷ Afo bena yen yivaya iye indina, afo manteyouyac siyime, akac bena yen yivaya iye indina, afo ecana beni mapac baintauc monikuc yuyeyom baintauke ba. ¹⁸ Fuga ugane seni make emi samego, nene anenec mana magagacma uyakante inarumpacbacuyakan tecu, afo nec mana magaga ukikantefec inarumpacbaci ugigantecu. ¹⁹ Yevege emi samego, yigekanda mana indinta de bake, yeni indaeyo anecne sentifo inarumpac beni yimintem. ²⁰ Kantarafi kandac manava sentivickim baguyin teyafo seni yen yibanaci bantecu." ²¹ Afo Pita Jisasivapac yeremi semi, ''Iyeno, nacdeyagac sentifactiva semi mandaic usinganagac seni benic manda utuc ankantekafu? Kantan afac omande yagafino?" ²² Jisasi bemi yebegem samemi, "Iyevacino, mana yacmam opate omandem siyankam yamucino. ²³ Minicmukgami inarum magu yokam manci mugemi kinucma beyic yogam bainta yokaruc yimirana enim. ²⁴ Afo beni kugandem yokam yimeni. Mana yogam bainta be vapac avige yeno anom monima bevapacken mandugami. ²⁵ Beni amanga beyic umaruc beyic dafisim bainta yevegem amieic iyen ukami, afo beyic dafisim, benamac benana akac namac umacdem anecne sarinuren moni manden yevekem amitem. ²⁶ Benic yogam bainta akonoyankac kundemi semi, ''Sentic dafisiro agun arusinkano, yeveke eninda anecne umadem amentecu. ²⁷ Afo benic dafisim bainta agun aruremi amane siangemi. ²⁸ Afo mini yogam bainta mapac kundemi agona yogam bainta onemi, benic mana unam mandukami. Amentim fakaremi semi, 'Ake siyacono ena simirana senave.' ²⁹ Afo agona yogam bainta agonoyankac kundemi semi, 'Agun arusinkano yeveke eninda anecne amentego.' ³⁰ Acnam yenim yogam bainta sifogago semi. Afo bemi fagareni dumeno, beni mikim dukam bemi bena mareninuc yevegem yimentemi. ³¹ Akona yokam bainta ne uware nafi, onaremi ano yifo ukami kemi, yereni yeyi dafisini sameno. ³² Afo mini bainta dafisim bemi araremi samem, 'Manda baintave. Seni eni umaruc sivim kankego. ³³ Agun aruankano ema sena sikun, aruankekuna ono?' ³⁴ Beni dafisim bainta aranugam kaimi havi ekem banta yireyo yimi dukami hare vami yevekem umacdem acnene aya intem. ³⁵ Micni mukami sentifo inarumpa beni mini muan-kantemi, maya maya ena eyafavama eyandun tinkema akun iye aruake.