¹ Sabati (Aundan )nuram, Jisasi witi anayo acbanaici aruman ackefem bemi.Benic aruguic (yokam baintau) yaranifugini witi dackacde nevano. ² Farasiu yonareni Jisasin same seni,"Onano,enic aruguic (yokam baintau) sabatiga andac iye awaranic enone." ³ Afo Jisasi siyimemi semi,"Deviti beyic bantaucnamac banimi aran pugenimic iye yandefono?" ⁴ Kotin amac umpe-e agonic ugam breti beya nanosikam mande neno. ⁵ Lo iye yandeka,Sabatiga (Man nuram)mam mackim yokanine,mandafino? ⁶ Emi samego,mam mackaba yankakageni emai beno. ⁷ Ena minima indigateve, Agonke eyonara siyenai. ⁸ Nevaraino,Kotin agac sabati afoino." ⁹ Migake Jisasi ecem mam makin umpegem. ¹⁰ Mana bainta ayam mandacukam banini,onareni indae seni,Sabatika yofaini amanafino?"Be eyo sirana mandaic tiankarani indaeno. ¹¹ Jisasi siyimen sen,yigenkinke maya mana sipsipi dukanama sabatigama masikim kumpeina,iyec ofaintefono? ¹² Bantan anon anecne benafi,sipisipifi? Micni mukem,amamic Sabatiga yofainonami." ¹³ Jisasi mini bainta samemi semi,"ayan agugono."Ayan agudami antegemi. ¹⁴ Afo Farasiu ben arinayom ani afakeni baya uyirani acdeno. ¹⁵ Jisasi micnami yonarem bemi.Amuno ben avakurebeyo iniya baintau yofaemi. ¹⁶ Senani iyevakai siyimeko, ¹⁷ Asaia sirukenim baya fukai emino,semi. ¹⁸ "Onano,seni ugacdu kageuna yokacr intave ,siyi gra enim inta,senti indim benkim bemino.Senti erani benkim banami Yentailiuc sentibaya iye indeyouni siyimintemi. ¹⁹ Beni osadem anon ific iye dantemi ,asapate benic ifi iye indintenoni. ²⁰ Beni baya iyen arintemi, iga iyen puntimintemi,mandauc antedemi icnaem micnintem. ²¹ Afo ben avikimic ayufunkim beyo iniya baintauc yimoyintenon." ²² Afo mana inta ogam funtikam , anafim bagac bam,,Jisasimpa aviken yeno.Jisasi ofaurami anic semi onemi. ²³ Masiden iniya bainta onare yicnon acnure seni,"Mana Devitini akakafino?" ²⁴ Farasiu indideni jisasi uwa renina indireni seni,"Mana bainta bam bainta iyen sankantemino,Besebulu avikimi ban sakanonami." ²⁵ Afo Jisasi yenyic indinic onaremi siyimen semi,"Macdem dafisiruc managim bagenic yeyiranic ugada vada enic eran iyenru anteno. ²⁶ Bananom bam sankene yeyiranc daimeno.Afo mickim inkenic ukuka n teyafono ²⁷ Afo senic banano Belsebulanic erantonic sankaranave,yiken yikafanda iyenic erantagai yeni sankanteya? Micni siranayonkai yiken yikafanda manda umani maranteno. ²⁸ Afo sena Kotini erantona ban sankege,mage Kotini ayogum yigekimi yemino. ²⁹ Mana eram bainta amackim iye eni umpe-e beninda andandau umorinte,ben iye ayanar uruke? ³⁰ Senama ie benive,semi namugouc emino,afo iye senamac manginic iye enafi,manmana ukeno. ³¹ Emi samego,masiden mandac andac namac mandaic sinona fayarimonteu,Afo Ayo Intam mandaic siankante,iyem fayaric onteu . ³² Iye eni Kotin akac masidenic siankantefe,minim payaric iyen intemi.Mana makakabac inarumpacba. ³³ Ya mandar antecdanaic-i,agami avogugi-i.Enai ya mandam mandac urana-i ,agam mandaic-i.Ya be aganckai afotagimemi. ³⁴ Meman agafanda,manda uwarano uge,inkeni-e avogu sinte?Amugusin uwikagem benimi bicman danami. ³⁵ Avogu bainta avoguguc indintima bami uwaremi,afo manda bainta manda indintim uwikagami andan uwarem. ³⁶ Emi samego,koc nuranic inam,bantanasi yenafuni yeni nec mandac baya seyafo,yenafoni facbano bintenone. ³⁷ Eh asinonafoni antec ankantem,ena eh asinonafoni emi mandac uankantemi." ³⁸ Migaken manac-a mam mac dafisiruc nama mam mackim yo yokaric eyouni seni,"Tisa,eh andanda uwandac (ampandac) onarare." ³⁹ Afo Jisasi ukukaekemi yenani semi ,mandan uwareyom iniya baintau mana yamuci andanda ampamina onarani indeno. ⁴⁰ Jona kandac manavac ayufun namac bayan namac iyena noyac arackimi baremi,Banta akac beyabac-i maga anduntim kandac manavac ayufum bac kugaganda maga anduntim barantemi. ⁴¹ Ninive inya baintau kockai ukukaeni,mandan siankanteno.Make iniya baintau nama. Jona siran baiyasoni yinduni baigenone.Jonambac yankakagenimi oneno. ⁴² Sautifatena Kuin beyic bantanamac ukaemi manda siankantemi,make beyom baintau namac,maka arafatem yemi Solomonic avoku indini mana Solomoni yankakakemin mikim benimba onaram . ⁴³ Manda bama mini bainta ginke yakagem,non iyebam magusika bemi kumandinanim makuvani afakam bimi, ⁴⁴ Maku iyembami semi "sentimakimi yevegec bonteu."Mikin orem onami banta iye bami maku antegem. ⁴⁵ Mac antecdemi mana yacman afapate kantanomande (7) mada banuc bemba arure manda eyouni yivikarani bemi,mikin yevakovam.Mini baintakiniuomi,beni kumandini anom mandacemi.Micnimintemino mackekena inyabaintagimi." ⁴⁶ Jisasi bantagin asevami,benanova ben afac-ava unnam macpa ukukakeni benama asiran dafitano. ⁴⁷ Mayan ukukaekemi semi,"Enanova en afac avaunami mapaci yeveni enama asirani enkai dafitenone." ⁴⁸ Jisasi ukukaegemi mini bainta samemi semi,"Inken sentinona sentifacsiva unana?" ⁴⁹ Ayamponi yoakem semi," Onano,manami sentinova sentifativaunam benone! ⁵⁰ Iyec sentifo inarumpa beniyin ayin uwarantenafi,miyi sen tifativa sentonanai,sen tinoi."