¹ Seni micnugaci, Iyenonic dumim bainta ma bauno emi furefure siankego antedeugam avakurono mini aranna aragag kim. ² Seni furefure siankeko sadakeukam be,mandan enon avabakin da. ³ Erarukanac io mandan manakinicin abuavac Ayo Inta kim mandan erari agun anene fo. ⁴ Mana obac mana Ayo Inta bemi, manaugami ugem ema aragam fuga sigam kakugam indin po enic arantim. ⁵ Afo mana Iyeno bem, mana indigaracim, mana nom maran, ⁶ bac mana Kocti umacde yifo, beni umacde yicnokac bem umacde kimbac umacden anene kim. ⁷ Yeunama maya maya agun anene simicdukemi benic makagac Kraisinic aminto. Micniugami ugem Koctin avaya ma sigankac: ⁸ "Bena ukukem inarumpa urene, beni dumin ininabasi yivicmam mapac dem, afo beni aboguc andanda mini ininabasi yimintem." ⁹ Nec mana baya anuc benafi,"Bena yeukukenim," bena yeukukam manavaino iyeino bena yemarem maga anduntim kumenin? ¹⁰ Bena yemarem mana magagac kumeniyi mana yeukukem yanugam masidem inarun agun bac yesangkem yanugam urem, yanukudemi masicden anecne madan uvikem. ¹¹ Kraisi yimemi manaca benic yogam baintaic ogovan, manaca ben avam baintaic ogovani, manaca ben avaya mare ena magufa maro yiyimin yogam bainta ogovam, mana a pasta bac tisanic ogovam. ¹² Beni mini yogaruc yimicmam eraru yingkarani beyic anteckam ininacbasiuc momini yogaruc po, Kraisin o mandan uvarantim. ¹³ Be yo fanana uvaram bema yeunamac masicde maro mana ukorintac bac omare indigaracim Koctin agagam, afo yeunamac omare kakuecyami mini magagac oronteyamu Kraisinic uvikantim. ¹⁴ Kraisi mandan eraru sinkanacyam anagagucke iye banteyam un nom mano ma karando karando ema andandauc avekaman marore marere evanic, bac mayauni sivicmam iye acnintem yeyic sisova bayakim bac yeyic makasintim yeyic umac bayauc po. ¹⁵ Micnugemi fo fuga baya mana senteyam avacbac kim, yeunamac yeampamec uronteyam benkim umacden asapake iyefi mayau sicnonic ugayi, beni Kraisi i. ¹⁶ Kraisi mandan umacdem bunam eraruranam, afo madan agacdem manakinic urem afo masicdem anunaruc po mandan erar intem, afo masicdem bunam ma yoganane, mini i oi ampamem uremi mandani erarintem avabac kim. ¹⁷ Micnugaci eran siric ego manavam Yan Anonkim, enic bare mapakena ininbainta ma bam bantim iyevac bago, yenyic umac indiruc kim. ¹⁸ Yenyic indini ayufunic ugemi, yenyic namugo avucavac po Koctinic bantimi iyem beno nevaraino yenyic manda avucavac gani omare iyen indenone , yen yinduni erarugami ugemi. ¹⁹ Yeni yiyorini iyen dukeno, yenafosaken yemandani yeyo yimusin anecne gima fanana uvareyom masicdem iye anteckam avucavaguc. ²⁰ Afo mini asapake Kraisin omare onagarac onam. ²¹ Seni yevegec sego aci benani indirukaunami, benkim onagaunami, fuga baya Jisasin kimi bemi. ²² Emi aci sasamic dukenone yomandan fasacda feyam avucavac ma engkim bam, feyam bainta yomandan fasac daran. Mini feyam bainta yogaruci mandan mandaic em beyic umac sigam avucavaguc po. ²³ Emi yoagarukenone yeveke oyanic icni enic indintac Ayointakimi, ²⁴ afo oyam bainta vac mandan dani mini i Koctinic indintac uvantam bainta--- fugasigam antekam faindabac iyevam avucavac kim. ²⁵ Micnugemifo, umac baya yomandam fasacdano, afo mayamaya fuga manavaci se agononamac, nevaraino yeunamac mana ankumi becumpe. ²⁶ Aran kanonamifo manda anda iyevac uvara. Ecanam ac iyevac kumpega enaran anecne naroc. ²⁷ Iye vagac ban anom kakacuanka. ²⁸ Iyefi umore vananiyi yevegem iyevagac umori. Beni erarac urem yoga, bey ayampo, micnuremi andanda dukem enom ofaintem iyefi andanda vana maro afafagic inaniyin namac. ²⁹ Iyevac ecanam manda bayauc enavantike yi. Avoguc baya manavaci se enoma abuguvuc urem era uyinkananim baya, omare yenyic yiyintac, enavaya mano yofa intemi iyefi indinanimi. ³⁰ Iyevac Koctinic Ayo Inta umar ame, bem poni emi ugac dukemi icnama Inarum magufac urinona. ³¹ Masicdem ikac avucavac gac yomandan fasagac da, aran anecne,enonnamac asur abuavac, bac enom siman mandacim, umadem manda avuavaguc bac. ³² Ena avacbac uanke,arac ame,enaic kumic anda earanke,fayugami Kocti Kraisi kim enic kumi anda earankeni nigac o.