¹ Pigo sipsip awaloma aigitaye ka seveni sililo, piya vutagina ka awamusa puma asake saku gasa kamba utaye manda gumatisava. ² Nayeva agatuwe ka seveni angelo asima Anutu aoli miti. Piyavugina ayeva imitaye aoka aoka pikuli. ³ To ka angelo amba asitaye alta la. Ayeva ka goli paleta ayeva aogi agunda ena kayekena. Anutu va amitaye tave aogi vuwanda agunda ena kaye yanoma ofa, pike pure ugage Anutu kinami, pipa goli alta mindiye Anutu aoli siya kini oma. piya vutagina pigo kayetaye aogi agunda enava alta la. ⁴ Mo paleta vindisava angelo oma ayati uma mitipa, pipa kunda oma aogi agunda enomaye, pavindaga Anutu kinami pure ugagekema, pigo Anutu ti pindanava iyenomaye. ⁵ Pigo angelo oma metaye golilasa pumalanda paleta vindi awagi tatama yaku alta lasa. Ayeva mevugai taye kaga mavindi. Piya vutagina paki vakima yaku tari ndara putaye, pipindi yaku abusa lalite waga kana vutagina, ano tave imima putaye mamba vindiba. ⁶ To seveniwa angelo, ginamilo aoka aoka seveniwa pikuli ulitelo kanataye,pavigoya asima yoke piyoma pukakena. ⁷ Pigo amalusa angelo oma pikuliwa pukataye, piya vutagina avusa yakuke kora kema atikaitaye mamba vindi. Pikava piyamba putaye, ka aukwaisa matuti kavabi kaitaye: paviyama ka aukwaisa yanolo kavabi kaitaye, to paviyama ka aukwaisa kavulo kaye gaite vutaye. ⁸ Pigo tara angelo oma pikuliwa pukataye, pipindiva kayena tave amu kandaena yaku talite walewama tave kayo wani pindi tumitaye. Pina agowapa, paviyama kakaga aukwaisa kayo wanipa tete vuma kora kanda vuwataye, ⁹ Paviyama ka kakaga aukwaisa ginapa kayo wani pindisava kaga puye wataye. ¹⁰ Piya vutagina kakaga angelo oma pikuliwa pukatagina, ka tave nolinama, kane ulavitipa tavewa tosi gandama ulavitaye, paviyama kana ganipa tuvilite ka kakaga aukwaisa tave wani pindige ka kakaga aukwai lova awalo wani pindige tumitaye. ¹¹ Kana noli oma ageva asava wayema. Pina amikava, pi anomba nkwanike awaloma keva asava wakiyema. Igoma kina taka nameteva puye wakiveyema asa wani. ¹² To paviyama taraye tarayeki angelo omalo pikuliwa pukatagina, pigo Anutu va mo papindi malo ayegutaye, to wopindige, noli vindige piya vekina mo kane ngipa tuma wanoma. Piya vutagina pangamava kamba alataye ka kakaga aukwaiva. Piya vutagina wongamage noli omageva paviyama ka kakaga aukwaiva kamba alama lataye ka kakaga aukwaisa asekapa ¹³ Pigo Nage pavitato agava vutogana,to ka kigayelo avituwe ka angelo oma tavelasa kegaye ulite kanatipa malo inatisa laka manda vindisa , "kamba laga enalaka pikivinema mamba vindi wawayami iyutape mo kakaga angelo uga mindenagi pikuliwi pukai ginava! pipa pavigo gape pukaki venema!"