¹ Pigo ka tave enalaka amba avolataye mandali. Pipa ka wayane, autasa enava pane. Pi opa agisa amenda pindi mitaye. kana wayama anotiva amoena winimi pugaite misuma tuwolupuwa noli mitaye. ² Ayeva pavigo yagara yakali pikenala mitaye, ayeva tavela ayeuma mitaye avuki vakima vuma aukitagina. ³ Kayenalo kamba vuna ndanalo vutaye mandali. Pipa tave lete dragoni namatoye. Pikina ngoma anotiva seveniwa anongambu ge teniwa kao awagema minda kinane kana vi anotiva aoka aoka kini hati pota vota vunda kana. ⁴ Pi kana dragini oma ayawa lasava ka kakaga aukwaisa noli pagivuma mamba vindi magaitaye. Kana dragoni omava ayewa asa mala mima mitaye mo wayama aoli, kana wema yagara ena pikivi ayeguma nakena. ⁵ Pigo kana wemava yagarava avola tatipa ayeva ayeva yagara mima kaga kinata kavikena tave esegi enawatasa paviyama ayeni asala asima misuma. Piyavutagina Anutu va yagara wapa abavulite siya kini wa pindi wataye. ⁶ Pigo mo wayapa wasana kamba minda mavindi wagaitaye. Ayendava mawapa ago ala potanda kana pipindi mikena wataye, pavipindi miyekana ayeva kavitakiye 1, 260 wa ndagava. ⁷ Pigo tave gama avolataye manda gumativa, Maikoli ge angelo ginakeva mo aye kavitandi keva kama dragoni omage pikena vutaye. Piya vutegana dragoni omage ayenda angelo wambageva awema iyegutaye Maikoli ke angelo wakeva. ⁸ Piya vutepa dragoni va kamba wini vutaye kamava; o Anutu va kamba dragoni omake angelo wakeva kamba itataye manda gumativa to gakema. ⁹ Pikava, Anutu va asagayoma mevugataye dragonipa manda gumatisava. Pi dragoniva paisa kuya lakane iye, kana ayeva agewapa Devoli Satani yema. Aye asa mindana wawayapa kambari ndanava poita gagaye mamba vindiva. Ayepa avama mome vugaitaye mamba vindi angelo wandaga. ¹⁰ Pigo Nayeva avituwe kaisa ginami tavelasa kegaye utepa, Ibava tayenda Anutu va tawime iyema ayewa kinapa esegi enawa tasa, ayewa pigo kavi-itayema! Ibava Kraisti ayewa kavi-itakiyema! Pipa pavigo Anutu va asagayoma mome vugaitagina ikaya suna imatiti kinaka manda gumatisava. Aye asa migaite mima Anutu aolapa alapela aseka pela puma mima Anutu kava igeva igomata kamba aogi ena vuma miyeye tayekava omigagai kana. ¹¹ Tayenda imatiti kina tembi ago winimi vugaitaye nanaviyema sipsip awaloma kora alikaite pulitikana igetaka, pipa nanaviyema ige ago pagusama ugaitaye ayekava kaisa ginami pindi. Igeva kamba aguyosaga taye pavita miyava mikenava, piya vutegini igeva alagaye utaye wasanami iyegusana gava pavipindi evi evima taga kamanapa pagusa taye. ¹² Piya vigina manda gumatisa ginamiva imupiyoma. Piya vikibepa kamba aogi enalaka kanakivino wawayata mamba vindige kayo wani take, pipa nanaviyema Devol ago tigeti tumugasine. Ayeva tavela amoenva pulite tumine nanaviyema ayeva ago aga gasaye alo ndagando mikuwema aindi Anutu kotila asite kalabusi punata kiyemava." ¹³ Pigo dragni oma napilite gina ago kavindi mo nagaitayema mandapindi, pigo mo waya yagara ena vuti ngwepa agaluvakiye. ¹⁴ Piya vikibipa Anutu va mo ngwepa tara ena agaga tara amikiye tiyo ngama agaga kanda vunda piya vekana ayeva paulite wasana kamba minda mavindi wagasanoma. Pimba vindiva Anutu ago mawapa yoke potandi kana pipindi wakiye. Pipindi umiye kanava Anutu va kavitakiye kakaga wata apu wapindiva. Pi kuya, pipa, ayeva dragoni ye, ayeva kamba alaga vikiye mo ngwe uma aigaya vikenava. ¹⁵ Pigo kuya omava wani awamu pindisa mukasa kina tave wani ivaba mete wama mo ngwe nama ngkwa ndaga uma avamete wagasanoma. ¹⁶ Piya vikibipa maoma aopuma mo ngwepa mawa aiwama wanipa nakinda gaikiye mo dragoni oma awamu pindisa kanakivi ngwanipa. ¹⁷ Piya vekana dragoni omava tavela amoenava waya kava potakiye, piya vekana pigo ayeva atate wagaikiye kama ena uma voitakena ayewa tupindi. Igeva pikinapa kamana avima agaluve kinane Anutu nda alowa kamana avite wasana gava taga kamanapa Isu kava pagusama oimite vekana. ¹⁸ Pigo dragoni va atate uma asiwa kiye kayo wani awali.